Ntirho 26:14 - Xitsonga (Bibele)

¹⁴ Vona, sweswo i vuhandle bya tindlela ta xona, Hi twa tingomela letitsanana ta xona ntsena; Loko ti ri tindlati ta matimba ya xona, i mani la nga ti twaka xana?”

BIBELE Mahungu Lamanene

¹⁴ Leswi i masungulo ntsena ya mintirho ya Xikwembu, ho hleveriwa swona etindleveni! Kambe loko matimba ya xona ma dzindza, ku nga twisisa mani xana?”

Ntirho 26:14 Referans Kwoze

Pisalema 145:3

Yehovha u nkulukumba, u faneriwa hi ku vongiwa hinkwako; Vukulukumba bya yena a byi na ku pimiwa:

Pisalema 139:6

Ku tiva loko, i mahlori eka mina, Ku tlakukile ngopfu ku tlurisa, ndzi tsandzeka ku ku fikela.

Varhoma 11:33

Oho! A hi ku enta ka rifuwo, ni ka vutlhari, ni ka vutivi bya Xikwembu! Ku avanyisa ka xona a ku twisisiwi, ni tindlela ta xona a ti tiviwi!

Pisalema 29:3

Rito ra Yehovha ri pfuma ehenhla ka mati, Xikwembu xo kwetsima xi twakarisa ku dzindza; Yehovha u le henhla ka mati lamakulu.

Ntirho 40:9

U ni voko leri fanaka ni ra Xikwembu xana? Ni rito ra wena ri nga pfuma kukota ra xona-ke?

Ntirho 36:29

I mani la tivisisaka ku handzuka ka mapapa, Ni mpfumawulo wa ntsonga wa xona?

Ntirho 4:12

“Kambe ndzi fikeriwe hi rito rin'wana, Ndleve ya mina yi twa mahlevo ya rona.

1 SAMIELE 2:10

Valala va Yehovha va ta rhurhumela, U ta va balesela hi rihati a ri etilweni. Yehovha u ta avanyisa makumu ya misava; U ta nyika ku fuma eka hosi ya yena, U ta tlakusa rimhondzo ra Muhlawuriwa wa yena.”

Ntirho 37:4

Kutani rito ra xona ri pfuma, xi ri pfumisa hi vukulu bya xona; Kambe a xi pfali tindlati loko rito ra xona ri twakala.

Ntirho 37:5

Hi rito ra xona Xikwembu xi pfuma hi mukhuva lowu hlamarisaka, Xi endla swilo leswikulu leswi hi tsandzekaka ku swi twisisa.

Ntirho 42:5

Tindleve ta mina ti yingisile timhaka ta wena; Kambe sweswi, mahlo ya mina ma ku vonile.

Habakuku 3:4

Ku humelela ku kwetsima loku ngi i ka dyambu; miseve ya ku vonakala yi pfa eka yena; hilaha matimba ya yena ma fihliweke kona.

Eklesiasta 11:5

Kukotisa loko u nga tivi ndlela ya moya, hambi ku ri hilaha marhambu ma vumbiwaka hakona ekhwirini ra wansati la tikeke, a ku tivi mitirho ya Xikwembu lexi endlaka hinkwaswo.