Ntirho 23:15 - Xitsonga (Bibele)

¹⁵ Hikwalaho ndzi rhurhumelaka emahlweni ka xona, Loko ndzi xi anakanya, ndzi xi chava ngopfu.

BIBELE Mahungu Lamanene

¹⁵ Hikokwalaho ndzi yima emahlweni ka xona ndzi ri karhi ndzi chava; loko ndzi xi anakanya, ndza rhurhumela.

Ntirho 23:15 Referans Kwoze

Pisalema 119:120

Miri wa mina wu rhurhumela hi ku chava wena, Ndzi chava ku avanyisa ka wena.

Habakuku 3:16

Ndzi swi twile, kutani miri wa mina wu rhurhumela; eritweni rolero, milomu ya mina yi tsekatseka, ku bola ku nghena emarhambyini ya mina, ndzi ri karhi ndzi rhurhumela, loko ndzi fanekele ku languta ndzi wisile siku lero ra khombo, siku leri tiko ri nga ta hlomeriwa hi la nga ta ta ri hlasela.

Pisalema 77:3

Loko ndzi ringeta ku tsundzuka Xikwembu, ndza konya; Ndzi anakanya, kutani moya wa mina wu karhala.

Ntirho 31:23

Hikuva ku rihisa ka Xikwembu ka ndzi chavisa, Ndzi tsandzeka ku yima emahlweni ka ku tlakuka ka xona.

Ntirho 23:3

Yo! Loko ndzi nga tiva laha ndzi nga xi kumaka kona, Leswaku ndzi ta fika eka xiluvelo xa xona!

Ntirho 10:15

Loko ndzi ri ni nandzu, i khombo ra mina! Loko ndzi nga ri na nandzu, ndzi chava ku tlakusa nhloko, Hikuva ndzi xurhile tingana, ndzi vona makhombo ya mina.

Ntirho 23:14

Xi ta hetisa mhaka leyi xi yi vuleke ehenhla ka mina, Timhaka leto tano ti tele eka xona.

Ntirho 23:16

Kasi Xikwembu xi tsanisile mbilu ya mina, Lowa matimba hinkwawo u ndzi chavisile ngopfu.