Ntirho 23:10 - Xitsonga (Bibele)

¹⁰ Kasi xi tiva tindlela ta mina; Ni loko xi nga ndzi ringa, a ndzi ta huma ndzi basile kukota nsuku.

BIBELE Mahungu Lamanene

¹⁰ Xikwembu xi tiva tindlela ta mina; loko xi ndzi kamberile, xi ta ndzi kuma ndzi tengile kukota nsuku.

Ntirho 23:10 Referans Kwoze

Yakobo 1:12

Ku katekile munhu la tiyiselaka endzingweni, hikuva, kutakuloko a ringiwile, u ta nyikiwa harhi ya vutomi, leyi Hosi yi yi tshembiseke lava yi rhandzaka.

1 Petro 1:7

leswaku ku ringiwa ka ku pfumela ka n'wina loku hundzisaka nsuku lowu lovaka, (kasi na wona wu ringetiwa hi ndzilo) ku ta mi hundzukela ku dzunisiwa, ni xichavo, ni ku kwetsima, siku ku nga ta humelela Yesu Kriste;

Zakariya 13:9

Lowu wa vunharhu, ndzi ta wu nghenisa endzilweni, ndzi va n'okisa ku kota loko ku n'okisiwa silivhere, ndzi va ringa kukota loko ku ringiwa nsuku. Va ta khongela vito ra mina, kutani ndzi va hlamula, ndzi ku: ‘I tiko ra mina,’ rona ri ta ku: ‘Yehovha, Xikwembu xa mina!’ ”

Pisalema 66:10

Hikuva wena, Xikwembu, u hi ringile! U hi nyukisile exirhengeleni kukotisa silivhere.

Swivuriso 17:3

Xirhengele i xa ntsopfu ni swa nsuku, Kambe la ringetaka timbilu, i Yehovha.

Pisalema 17:3

U kambile mbilu ya mina, u yi lavisise nivusiku; U ndzi ringile, kambe a ku kumanga nchumu: Ku anakanya ka mina a ku tluli rito ra mina.

Vaheveru 11:17

Hi ku pfumela, Abrahama, siku a ringiwaka a humesa Isaka egandzelweni, kutani loyi a nga nyikiwa ku tshembisiwa, a nyiketa la nga tswariwa eka yena a ri swakwe,

2 Timotiya 2:19

Hambiswiritano, masungulo ya ku tiya ya Xikwembu ma yimile swinene, ma nga ni mfungho wolowo, wu nge: “Hosi yi tiva lava nga va yona,” na kona: “Un'wana ni un'wana la vulaka vito ra Kriste, a a avane ni leswo homboloka.”

Yohane 21:17

A tlhela a ku eka yena ra vunharhu: “Simoni, n'wana Yona, xana wa ndzi rhandza xana?” Petro a va ni tingana hikuva a a n'wi vutisa ra vunharhu, a ku: “Wa ndzi rhandza xana?” Kutani a ku eka yena: “Hosi, u tiva hinkwaswo, wa swi tiva leswaku ndza ku rhandza.” Yesu a ku eka yena: “Risa tinyimpfu ta mina.

Pisalema 1:6

Hikuva Yehovha u tiva ndlela ya lavo lulama, Kambe ndlela ya lavo homboloka yi helela eku onhakeni.

Duteronoma 8:2

“Tsundzuka ndlela hinkwayo leyi Yehovha, Xikwembu xa wena, a ku fambiseke ha yona emananga, hi malembe ya 40 ku ku tsongahata ni ku ku ringa, u ta tiva leswi nga embilwini ya wena: leswaku kumbe xana u ta hlayisa milawu ya yena, kumbe u nga yi hlayisi.

2 TIHOSI 20:3

“Oho! Yehovha, wa nga anakanya leswaku ndzi fambile emahlweni ka wena hi ku lulama, ni mbilu leyi tengeke, ndzi endlile leswinene emahlweni ka wena.” Kutani Hezekiya a rila ngopfu.

Genesa 18:19

Hikuva ndzi n'wi hlawurile leswaku a lerisa vana va yena ni yindlu ya yena endzhaku ka yena, ku hlayisa ndlela ya Yehovha, ni ku endla leswo lulama leswinene, Yehovha a kondza a humesela Abrahama leswi a n'wi tshembiseke swona.”

1 Vakorinto 3:15

Loko ntirho wa un'wana wu tshwa, u ta lahlekeriwa hi wona; kambe yena, u ta pona, a va kukota loko ngi a hundzile exikarhi ka ndzilo.

Ntirho 6:29

Tlhelani, mi nga hunguki; Tlhelani, mi vonisisa ku lulama ka mina.

Ntirho 7:18

U va u n'wi endzela hi siku rin'wana ni rin'wana, U n'wi ringa hi mikarhi hinkwayo xana?

Ntirho 23:7

Loko ngi hi lowo lulama a kanetanaka na xona, Ndzi ta va ndzi tshunxekile hilaha ku nga heriki eka muavanyisi wa mina.

Ntirho 23:9

Hambi xi tirha en'walungwini, a ndzi xi voni, Hambi xi tifihla edzongeni, a ndzi xi vonisisi.

Ntirho 31:6

Xikwembu a xi ndzi veke exikalweni lexo lulama, Xi ta kuma leswaku ndzi hava nandzu!

Pisalema 7:9

Herisa lunya ra lavo homboloka, Kambe u tiyisa la lulameke, Wena la kambaka timbilu ni swisuti, oho Xikwembu xo lulama!

Pisalema 11:5

Yehovha u kamba la lulameke; Moya wa yena wu venga lowo homboloka ni la rhandzaka ku pfukela matimba.

2 SAMIELE 22:22

Hikuva ndzi hlayisile tindlela ta Yehovha, A ndzi dyohelanga Xikwembu xa mina.

Ntirho 10:7

Kasi wa swi tiva leswaku a ndzi na nandzu, Ni leswaku a ku na munhu la nga ndzi lamulelaka evokweni ra wena.

Ntirho 31:4

Xikwembu a xi vonanga tindlela ta mina-ke? Xana a xi hlayanga vukandziyo bya mina hinkwabyo?

Ntirho 33:9

‘Ndzi basile, a ndzi dyohanga, A ndzi na nandzu, a ndzi hombolokanga.

Yeremiya 12:3

Kambe wena Yehovha, wa ndzi tiva, wa ndzi vona, kutani u ringa mbilu ya mina leswaku yi ri yini eka wena! Wa nga va koka tanihi tinyimpfu eku tlhaviweni kutani, u va hlawulela siku ra ku dlawa!