Ntirho 22:27 - Xitsonga (Bibele)

²⁷ U ta xi khongela, xi ta ku yingisa, U ta heta ku hlambanya ka wena.

BIBELE Mahungu Lamanene

²⁷ U ta xi khongela, kutani xi ta ku twa; u ta xi humesela leswi u tiboheke ku xi nyika swona.

Ntirho 22:27 Referans Kwoze

Esaya 58:9

U ta vitana, kutani Yehovha u ta hlamula; u ta huwelela, kutani u ta ku: ‘Hi mina loyi!’ Loko u susa mpingu hi le xikarhi ka wena, loko u tshika ku sandza ni ku lumbeta,

Pisalema 116:1

Ndzi rhandza Yehovha, hikuva u yingisile rito ra mina, Ni ku sindzisa ka mina.

Pisalema 91:15

U ta vitana eka mina, kutani ndzi ta n'wi hlamula; Ndzi ta va na yena ekhombyeni, Ndzi n'wi kutsula ni ku n'wi dzunisa;

Eklesiasta 5:4

Loko u tibohile eka Xikwembu hi ku hlambanya u nga hlweri ku hetisa, hikuva a xi tsakisiwi hi swihunguki. Hetisa ku hlambanya loku u ku hlambanyeke.

Ntirho 34:28

Va tlhandlukisile eka xona mihuwelelo ya swisiwana; Xi twile mikosi ya vanhlomulo.

Ntirho 33:26

Loko a khongela Xikwembu, xi n'wi endla hi tintswalo, Xi n'wi kombisa mombo wa xona hi ku tsaka, Xi n'wi tlherisela ku lulama ka yena.

Yonasi 2:9

Lava tinyiketaka eka leswa hava, va titsonela tintswalo.

Pisalema 116:14

Ndzi ta tirha ku hlambanya ka mina, eka Yehovha, Emahlweni ka tiko ra yena hinkwaro.

Pisalema 56:12

Oho Xikwembu! Ndzi rhandza ku hetisa ku hlambanya ka mina eka wena; Ndzi ta ku humesela ku khensa.

Duteronoma 23:21

“Kutakuloko u tibohile hi ku hlambanya eka Yehovha, Xikwembu xa wena, ku endla xilo, u nga tshuki u hlwela ku xi endla; hikuva Yehovha, Xikwembu xa wena, u ta swi lava eka wena, kutani u nga kumiwa u ri ni nandzu.

Ntirho 8:6

Loko u basile, u lulamile kunene u ta ku hlayisa, U ta katekisa yindlu ya wena leyi lulameke.

Ntirho 11:13

“Kambe wena loko u yisa mbilu ya wena eka xona, Loko u tlakusa mavoko ya wena eka xona,

Ntirho 27:10

Kumbe xana u lave ku titsakela hi Lowa matimba hinkwawo-ke? Xana a nga khongela Xikwembu hi masiku hinkwawo xana?

Pisalema 61:5

Hikuva wena, Xikwembu, u yingisile ku kombela ka mina, U ndzi nyikile ndzhaka ya lava chavaka vito ra wena.

2 TIHOSI 13:4

Kutani Yowahazi a khongela Yehovha, Yehovha a n'wi yingisa, hikuva a a vonile ku xaniseka ka Vaisraele hilaha hosi ya Siriya yi va xaniseke hakona.

1 TIKRONIKA 4:10

Yabese a khongela Xikwembu xa Israele, a ku: “Ingi loko u ndzi katekisa, loko u tshineta mindzilekana ya mina, ingi loko voko ra wena ri va na mina, loko u ndzi sirhelela eka leswo biha, leswaku ndzi nga tshuki ndzi twa ku vaviseka!” Kutani Xikwembu xi n'wi nyika leswi a swi kombeleke.

2 TIKRONIKA 33:13

Kakuloko a xi khongela, Xikwembu xi yingisa ku khongela ka yena, kutani xi n'wi tlherisela Yerusalema, eku fumeni ka yena, kutani Manase a tiva leswaku Yehovha hi xona Xikwembu.

Yeremiya 29:12

Mi ta vitana eka mina, mi va mi ndzi khongela, mina ndzi mi yingisa.