Ntirho 22:12 - Xitsonga (Bibele)

¹² “Xana Xikwembu a xi tlakukangi kukota tilo xana? Languta ku tlakuka ka tinyeleti ti tlakukile swonghasi!

BIBELE Mahungu Lamanene

¹² “Wa swi tiva, Xikwembu xi tlakukile ku tlula matilo, languta ni tinyeleti letikulu le henhla!

Ntirho 22:12 Referans Kwoze

Eklesiasta 5:2

U nga tshuki u hatlisisa nomu wa wena, mbilu ya wena yi nga tshuki yi hatlisa ku vulavula mhaka emahlweni ka Xikwembu, hikuva Xikwembu xi le matilweni kasi wena u la emisaveni; loko swi ri tano, marito ya wena ma nga tshuki ma tala.

Ntirho 11:8

I ku tlakuka loku kotaka ka le tilweni, u ta endla yini? Ku entile ku tlula xivandla xa vafi, u ta tiva yini?

Esaya 66:1

Yehovha u vulavula sweswo, a ku: “Matilo i xiluvelo xa mina, ni misava i vunavelo bya mikondzo ya mina; hi yihi yindlu leyi mi nga ta ndzi akela Yona, ni xivandla xa ku wisa ka mina xi nga va xihi xana?

Esaya 57:15

Hikuva ku vuriwa sweswo hi La nge henhlahenhla, loyi xiluvelo xa yena i xa masiku, ni loyi vito ra yena ri kwetsimaka: ndzi tshama exivandleni leswi tlakukeke, eku kwetsimeni; kambe ndzi ni munhu la tisolaka, ni la titsongahataka, leswaku ndzi ta pfuxa mimoya leyi tsongahatiweke, ndzi ta pfuxa ni timbilu leti tlhaviweke.

Pisalema 115:16

Loko ma ri matilo, i matilo ya Yehovha, Misava, u yi nyikile vana va vanhu.

Pisalema 115:3

Xikwembu xa hina xi le matilweni, Xi endla hinkwaswo leswi xi swi rhandzaka.

Ntirho 11:7

“Xana u fikele eku tlakukeni ka Xikwembu, U twisisile ku enta ka Lowa matimba hinkwawo xana?

Ntirho 35:5

Languta matilo, u ma vonisisa! Languta mapapa hikuva ma tlakukile ngopfu ehenhla ka wena!

Eklesiasta 5:1

Xiyisisa milenge ya wena, loko u nghena endlwini ya Xikwembu, u tshinelela ku yingisa timhaka, ku nga ri ku humesa gandzelo ra swiphukuphuku hikuva a swi tivi leswaku swi endla swo biha.