Ntirho 21:8 - Xitsonga (Bibele)

⁸ Rixaka ra vona ri tiyisiwa na vona emahlweni ka vona, Ni vatukulu va vona va yima emahlweni ka vona.

BIBELE Mahungu Lamanene

⁸ Va tshama ni vana va vona endhawini yin'we, va vona ni vatukulu va vona.

Ntirho 21:8 Referans Kwoze

Swivuriso 17:6

Vatukulu i xidlodlo xa lava dyuhaleke, Ku twala ka vana ku huma eka vatata wa vona.

Pisalema 17:14

Hi voko ra wena, Oho Yehovha! U ndzi ponisa eka vanhu va misava leyi, Va ni ku averiwa ka vona evutomini lebyi; U tatile swifuva swa vona hi rifuwo ra wena; Vana va vona va xurhile, Kambe va siyela vatukulu va vona leswi salaka.

Ntirho 20:28

Rifuwo ra yindlu ya yena ri ta lova, Ri hela hi dyambu ra vukari bya Xikwembu.

Ntirho 20:10

Vana va yena va ta lava ku tsetseleriwa hi swisiwana, Mavoko ya yena ma ta vuyisela rifuwo leri a ri tekeke.

Ntirho 18:19

A nga siyi n'wana, hambi a ri ntukulu exikarhi ka tiko ra yena, Evuakweni bya yena ku pfumaleka masiyela lama humaka eka yena.

Ntirho 21:9

Tindlu ta vona ti tshamile eku tsakeni, ti sirheriwa, a ti chavi, Nhonga ya Xikwembu a yi tshami ehenhla ka vona.

Esaya 65:23

va nga ha tikarhateli swahava, a va nga ha veleki vana ku va vona va hatla va fa; hikuva va ta va rixaka leri katekisiweke hi Yehovha, kutani vana va vona va ta hanya na vona.