Ntirho 21:6 - Xitsonga (Bibele)

⁶ Loko ndzi swi tsundzuka, ndzi khomiwa hi ku chava, Kutani miri wa mina wu kindlimuka.

BIBELE Mahungu Lamanene

⁶ Hambi mina, loko ndzi anakanya mhaka ya kona, ndza chava, ndzi rhurhumela.

Ntirho 21:6 Referans Kwoze

Habakuku 3:16

Ndzi swi twile, kutani miri wa mina wu rhurhumela; eritweni rolero, milomu ya mina yi tsekatseka, ku bola ku nghena emarhambyini ya mina, ndzi ri karhi ndzi rhurhumela, loko ndzi fanekele ku languta ndzi wisile siku lero ra khombo, siku leri tiko ri nga ta hlomeriwa hi la nga ta ta ri hlasela.

Pisalema 119:120

Miri wa mina wu rhurhumela hi ku chava wena, Ndzi chava ku avanyisa ka wena.

Pisalema 88:15

Mpfhuka ndzi nga tswariwa ndzi le vusiwaneni ni le kusuhi ni ku fa. Ndzi tshukisiwa hi michavo ya wena ndzi le ku karhatekeni.

Pisalema 77:3

Loko ndzi ringeta ku tsundzuka Xikwembu, ndza konya; Ndzi anakanya, kutani moya wa mina wu karhala.

Pisalema 55:5

Ku chava ni ku rhurhumela swi ndzi wele ehenhla, Ku tsekatseka ku ndzi khomile hinkwako.

Ezekiele 7:18

Va ta ambala tinguvu leto khwaxa, ku chava ku va funengeta; tingana ti le mimombyeni ya vona, tinhloko ta vona ti byewuriwile.

Ntirho 9:28

Ndzi chavisiwa hi ku vaviseka ka mina hinkwako, Ndzi karhi ndzi tiva leswaku u nga ka u nga ndzi vuli la pfumalaka nandzu.