Ntirho 2:4 - Xitsonga (Bibele)

⁴ Satana a hlamula a ku eka Yehovha: “Dzovo ri ringana ni dzovo! Hinkwaswo leswi munhu a nga na swona, a nga swi humesela vutomi bya yena.

BIBELE Mahungu Lamanene

⁴ Kutani Sathana a hlamula HOSI Xikwembu a ku: “U lo khumba swa le handle ntsena. Hinkwaswo leswi munhu a nga na swona, a nga swi tshika; nchumu hi loko a kota ku hlayisa vutomi bya yena.

Ntirho 2:4 Referans Kwoze

Matewu 16:26

Hikuva hambi munhu a nga fuwa misava hinkwayo, loko a lahlekeriwa hi moya wa yena, swi ta va swi n'wi pfune yini-ke? Kumbe munhu u ta humesa yini ku xava moya wa yena-ke?

Matewu 6:25

“Hilaha ndzi nge eka n'wina: Mi nga tshuki mi kanakana hi swa vutomi bya n'wina, leswi mi nga ta dya, ni ku nwa, hambi swi ri swa miri wa n'wina, leswi mi nga ta swi funengela. Xana vutomi a byi tluri swakudya-ke? Ni miri, a wu tluri swa ku funengela-ke?

Yeremiya 41:8

Kambe vanhu va khume a va ri kona eka vona, va byela Iximaele, va ku: “U nga tshuki u hi dlaya, hikuva hi ni laha hi fihleke kona timbuva enhoveni, yi ri koro, ni barley, ni mafurha, ni vulombe,” kutani a va tshika a nga va dlayi ni varikwavo.

Ntirho 2:3

Yehovha a ku eka Satana: “Xana u tsundzukile Yobo nandza wa mina-ke? Hikuva a ku na la fanaka na yena emisaveni, la fambaka hi ku lulama ni ku tenga, la chavaka Xikwembu, la fularhelaka swo biha. Wa ha tiyisile eku lulameni ka yena, hambi u ndzi phikelerile ku n'wi lovisa ntsena.”

Ntirho 2:5

Wa nga tlakusa voko ra wena, u khumba marhambu ya yena ni nyama ya yena u vona loko a nga ku rhukani erivaleni xana?”

Genesa 47:17

Kutani va neha mitlhambi ya vona eka Yosefa, Yosefa a va nyika swakudya, va neha ni tihanci, ni mitlhambi ya swifuwana ni mitlhambi ya swifuwo, ni ya timbhongolo; kutani a va hanyisa hi koro hi lembe lero hinkwaro, ematshan'weni ya mitlhambi ya vona hinkwayo.

Genesa 47:19

Xana hi nga fela yini emahlweni ka wena, hina ni tiko ra hina? Wa nga hi xava sweswi, hina ni masimu ya hina hi swakudya; hina ni masimu ya hina, hi ta va makhumbi ya Faro; hi nyike ni mbewu, hi ta tiva ku hanya hi nga fi, ni masimu ya hina ma nga hundzuki nhova.”

Yoxuwa 9:24

Va hlamula, va ku eka Yoxuwa: “Makhumbi ya wena ma byeriwile leswaku Yehovha, Xikwembu xa wena, xi lerisile Muxe, nandza wa xona, ku mi nyika tiko hinkwaro ni ku heta emahlweni ka n'wina vaaki hinkwavo va tiko; sweswo hi chavile ngopfu hikwalaho ka vutomi bya hina, emahlweni ka n'wina, kutani hi endlile sweswo.

1 TIHOSI 20:31

Malandza ya yena ma ku eka yena: “Waswivo, hi swi twile leswaku tihosi ta yindlu ya Israele ti ni tintswalo. Wa nga hi pfumelela ku ambala tinguvu leto khwaxa eswifungheni swa hina, ni tingoti etinhlokweni ta hina, hi ta huma emahlweni ka hosi ya Israele: kumbe u ta ku tshika u hanya.”

Swivuriso 13:8

Rifuwo ra munhu ri n'wi kutsulela ku hanya ka yena, Kambe xisiwana a xi yingisi ku tshinyiwa.

Luka 12:23

Vutomi byi tlula swakudya, ni miri wu tlula nguvu.