Ntirho 18:21 - Xitsonga (Bibele)

²¹ Vuako bya mbabva byi tano, Ni vutshamo bya la nga tiviki Xikwembu byi tano.”

BIBELE Mahungu Lamanene

²¹ Hi kona ku hela ka muti wa lowo homboloka, ndhawu ya loyi a nga tiviki Xikwembu yi herisa sweswo!”

Ntirho 18:21 Referans Kwoze

Yeremiya 9:3

“Va kongile tindzimi ta vona kukotisa vurha ku copa vunwa; kambe a hi hikwalaho ka ku lulama loko va ri ni matimba laha emisaveni, hikuva loko va huma eku dyoheni kun'wana, va hundzela eku dyoheni kun'wanyana, kutani a va ndzi tivi,” ku vula Yehovha.

Tito 1:16

Hi nomu va vula leswaku va tiva Xikwembu, kambe va xi landzula hi mitirho ya vona; i manyala, ni lava alaka ku yingisa, kutani va tsandzeka ku tirha mitirho leyo saseka, hambi wu ri wun'we.

2 Vatesalonika 1:8

hi ndzilo lowu pfurhaka, ku rihisa lava nga tiviki Xikwembu, ni lava nga yingisiki Evhangeli ya Yesu Kriste, Hosi ya hina.

1 Vatesalonika 4:5

ku nga ri ku navela swa thyaka kukota vahedeni lava nga tiviki Xikwembu.

Yeremiya 10:25

Wa nga halata ku kariha ka wena ematilweni lama nga ku tiviki, ni le tinxakeni leti nga khongeriki vito ra wena; hikuva va dyile Yakobo, va n'wi dyile va va va n'wi heta, kambe va hetile vuako bya yena.

Vaavanyisi 2:10

Na vona vanhu va nkarhi lowuya hinkwavo, va tlhelela eka vatata wa vona, kutani ku humelela vanhu va nkarhi lowu, lava nga tivangiki Yehovha, hambi yi ri mitirho leyi a yi endleleke Israele.

Varhoma 1:28

Kutani leswi va nga ka va nga ringetanga ku tiva Xikwembu, Xikwembu xi va nyiketile emoyeni lowu solekaka va ta endla leswi nga fanelangiki.

Pisalema 79:6

Halatela vamatiko lava nga ku tiviki vukari bya wena, Ni matiko hinkwawo lama nga khongeriki vito ra wena.

Ntirho 21:28

Hikuva mi ri: ‘Yi kwihi yindlu ya hosanyana? Wu kwihi ntsonga wa timbabva laha ti akeke kona?’

Ntirho 21:14

Hambiswiritano, va ku eka Xikwembu: ‘Suka eka hina, A hi rhandzi ku tiva tindlela ta wena.

1 TIKRONIKA 28:9

Na wena, Solomoni, n'wananga, tiva Xikwembu xa tata wa wena, u xi tirhela hi mbilu leyi tengeke ni ku tsaka ka moya; hikuva Yehovha a kamba timbilu hinkwato, kutani a tivisisa makungu hinkwawo ya ku anakanya. Kungakuloko u n'wi lavisisa, u ta n'wi kuma; kambe loko u n'wi tshika, u ta ku cukumeta hilaha ku nga heriki.

1 SAMIELE 2:12

Vana va Heli a va ri vana va Beliyali (lavo biha); a va nga tivi Yehovha.

Eksoda 5:2

Kutani Faro a ku: “Yehovha i mani leswaku ndzi yingisa rito ra yena, ndzi tshika Israele a famba? Yehovha a ndzi n'wi tivi, na Israele ndzi nga ka ndzi nga n'wi tshiki a famba.”

Ntirho 4:21

Risinga leri tiyisaka vutomi bya vona ri tsemiwa, Va fa, va nga si kuma vutlhari.’

Ntirho 19:1

Yobo a hlamula, a ku:

Ntirho 20:29

Hi kona ku averiwa ka mbabva loku humaka eka Xikwembu, Ni ndzhaka leyi yi vekeriweke yona hi Xikwembu.”