Ntirho 15:16 - Xitsonga (Bibele)

¹⁶ Ngopfungopfu xi nga tsandzeka ku tshemba munhu wa thyaka la onhakeke, La nwaka ku homboloka kukotisa mati!

BIBELE Mahungu Lamanene

¹⁶ Hikokwalaho, munhu wo homboloka wo bola miehleketo, loyi eka yena ku dyoha ku fanaka ni ku nwa mati, a nge pfuki a va la lulameke!

Ntirho 15:16 Referans Kwoze

Swivuriso 19:28

Mbhoni ya hava yi sandza ku lulama, Nomu wa vadyohi wu mita ku homboloka.

Ntirho 34:7

Munhu i mani la kotisaka Yobo, La nwaka mapfindlu kukota mati xana?

Tito 3:3

Hikuva, na hina, khale a hi hungukile, hi ri lava alaka ku yingisa, lava lahlekeke, lava fumiwaka hi ku navela, ni ku titsakisa loko tala; lava hanyaka emoneni ni le makwangeni, lava faneleke ku vengiwa, ni lava venganaka.

Pisalema 53:3

Hinkwavo va hambukile, hinkwavo va tionhile kun'we; A ku na loyi a endlaka leswinene, hambi a ri un'we.

Ntirho 42:6

Ndza tisola, ndzi tiba xifuva, Ndzi ri entshurini ni le nkumeni.”

Ntirho 20:12

“Vumbabva a byi nandziha enon'wini wa yena, A byi fihliwile ehansi ka ririmi ra yena;

Ntirho 4:19

Swi nga vi tano ngopfu eka lava akeke tindlu ta vumba! Va humile entshurini, va phyandlasiwa kukotisa xivungu.

Ntirho 15:17

“Ndzi ta ku dyondzisa, u ndzi yingisela! Ndzi ta ku byela leswi ndzi swi voneke,