Ntirho 14:19 - Xitsonga (Bibele)

¹⁹ Mati ma hlula maribye; Maboboma ma kukuta ntshuri wa misava; U onhisa sweswo ku dzuna ka munhu.

BIBELE Mahungu Lamanene

¹⁹ mati ya milambu ma guba maribye, ndhambi yi khukhula misava, kutani na wena u herisisa sweswo ku tshemba ka munhu!

Ntirho 14:19 Referans Kwoze

Ezekiele 37:11

Kutani a ku eka mina: “N'wana wa munhu, marhambu walawo, i yindlu hinkwayo ya Israele. Vona va ri: ‘Marhambu ya hina ma omile; ku tshemba ka hina ku herile; hi lovile.’

Ntirho 27:8

Hikuva ntshembo wa mbabva hi wihi, Loko Xikwembu xi n'wi tsema, Ni loko xi n'wi tekela vutomi bya yena?

Ntirho 19:10

U ndzi hlanhlile matlhelo hinkwawo, ndzi herile: U tsuvurile ku tshemba ka mina kukotisa murhi.

Ntirho 7:6

Masiku ya mina ma tsemiwa hi ku hatlisa kukota xiluko xa muluki, Ma hangalaka, ku nga ri na ku tshemba.

Genesa 6:17

Kutani mina, ndzi ta tisa ndhambi ya mati emisaveni, yi herisa ehansi ka tilo nyama yin'wana ni yin'wana leyi nga ni ku hefemula ka vutomi, kutani hinkwaswo leswi nga emisaveni swi ta lova.

Ntirho 14:18

“Loko yi ri ntshava, loko yi mbundzuxiwile yi hela, Ni ribye ri rhetemuka evutshan'weni bya rona.

Ntirho 22:16

Kasi va susiwile wu nga si va nkarhi, Vuako bya vona byi fana ni nambu lowu khulukaka.

Ntirho 17:15

Kutani sweswi, ku tshemba ka mina ku kwihi? Ku ta voniwa hi mani, xana?