Ntirho 14:1 - Xitsonga (Bibele)

¹ “Munhu la velekiweke hi wansati U ni masiku ma nga ri mangani; u xurha makhombo;

BIBELE Mahungu Lamanene

¹ “Vutomi bya munhu byi komile ngopfu, ku sukela evuhlangini, ú le ku xanisekeni.

Ntirho 14:1 Referans Kwoze

Ntirho 5:7

Kambe munhu u tswaleriwe gome, Kukotisa tinhlahle ku haha.

Eklesiasta 2:23

Hikuva masiku hinkwawo ya yena, hi lama nga ni mahlomulo, kutani ntirho hinkwawo wa yena hi lowu nga ni tingana; hambi byi ri vusiku, mbilu ya yena a yi kumi ku wisa. Leswi, na swona, i vuhava.

Ntirho 25:4

Munhu la faka a nga lulamisa ku yini emahlweni ka Xikwembu? La velekiweke hi wansati a nga tenga hi ku yini xana?

Ntirho 7:1

“Vutomi bya munhu la emisaveni i matlhari; Masiku ya yena ma fana ni masiku ya munhu la thoriweke.

Genesa 47:9

Yakobo a ku eka Faro: “Masiku ya ku hanya ka mina i malembe ya dzana ni makume manharhu, kambe masiku ya ku hanya ka mina ma komanyanile, ma vuya ma biha; a ndzi fikanga emasikwini ni le malembeni ya vatatana, emikarhini ya ku hanya ka vona.”

Matewu 11:11

Ndzi vurisile ndzi ri eka n'wina: Eka lava velekiweke hi vavasati, a ku humelelanga un'wana la nga nkulukumba eka Yohane Mukhuvuri; kambe lontsongo eku fumeni ka matilo i nkulukumba eka yena.

Pisalema 51:5

Waswivo, ndzi tswariwile eku dyoheni, Mana wa mina u ndzi velekile eswivini.

Ntirho 15:14

Munhu i yini leswaku a basa? La velekiweke hi wansati i yini, leswaku a lulama?

Ntirho 9:25

“Masiku ya mina ma hatlisa ma hundza, ma tlula vatsutsumi; Ma balekile, ma nga si vona ku kateka.

Ntirho 7:6

Masiku ya mina ma tsemiwa hi ku hatlisa kukota xiluko xa muluki, Ma hangalaka, ku nga ri na ku tshemba.

Eklesiasta 2:17

Kutani ndzi venga vutomi, hi ku karhatiwa hi mitirho hinkwayo leyi endliwaka ehansi ka dyambu; kunene hinkwaswo i vuhava, ni ku landza mheho.

Pisalema 39:5

Waswivo, u pimile masiku ya mina, ma ringana xandla ntsena, Ni ku hanya ka mina a hi nchumu emahlweni ka wena. Kunene munhu un'wana ni un'wana la yimaka i hika ntsena.

Genesa 3:17

Ni ka wanuna, a ku: “Leswi u yingiseke rito ra nsati wa wena, u dya murhi lowu ndzi nga ku lerisa, ndzi ku: ‘U nga tshuki u dya,’ misava yi rhuketeriwa hikwalaho ka wena. U ta dya swa yona hi ku vaviseka hi masiku hinkwawo ya ku hanya ka wena;

Ntirho 10:20

Masiku ya mina i mangani-ke? Loko swi ri tano, ndzi tshike, Ndzi tlhela ndzi tlakusa mombo switsanana,

Pisalema 89:47

Anakanya vutomi bya mina, leswaku byi komile, Ni leswaku u endlele swahava vana hinkwavo va vanhu.

Yeremiya 20:18

A ndzi humela yini ekhwirini, leswaku ndzi ta vona ku karhala ni ku vaviseka, ni leswaku masiku ya mina ma hela hi tingana xana?

2 TIHOSI 4:19

Kavaloko a ku eka tata wa yena: “Nhloko yanga! Nhloko yanga!” Yena a ku eka nandza wa yena: “N'wi tlakule, u n'wi heleketa eka mana wa yena.”

Ntirho 8:9

Hikuva hina hi va tolo, a hi tivi nchumu, Masiku ya hina la misaveni i mindzhuti ntsena.

Ntirho 25:5

Swi tsandza ni n'weti, xi nga xilo lexi nga vonakaliki, Na tona tinyeleti ti nga tengangiki emahlweni ka xona;

Pisalema 39:6

Kunene munhu wa fambafamba kukotisa ndzhuti, Va endla nkitsikitsi ku kuma swahava; U hlengeleta rifuwo, kambe a nga tivi la nga ta dya rona.