Ntirho 11:20 - Xitsonga (Bibele)

²⁰ Kambe mahlo ya timbabva ma ta herisiwa; Va ta pfumala vuchavelo, Ku langutela ka vona ri ta va rifu ntsena.”

BIBELE Mahungu Lamanene

²⁰ Kambe mahlo ya lavo homboloka a ma nga ha voni, ni ndlela yo baleka ha yona a va nga ha yi tivi; va to langutela ntsena siku ra vona ra ku fa!”

Ntirho 11:20 Referans Kwoze

Duteronoma 28:65

“Ematikweni lawa, u nga ka u nga kumi ku wisa, kambe ku nga ka ku nga vi na ku wisa ka mikondzo ya wena; Yehovha u ta ku nyika kona mbilu leyi rhurhumelaka, ni mahlo lama timekeke ni mbilu leyi kalaka matimba.

Ntirho 31:16

“Loko ndzi arile xikhongelo xa xisiwana, Ndzi va ndzi languta wansati wa noni a kondza a karhala mahlo,

Ntirho 17:5

Loyi a nyiketaka vanakulobye leswaku va phangiwa, Mahlo ya vana va yena ma ta hela.

Vaheveru 2:3

hina hi ta chupukisa ku yini, loko hi nga xiyi ku hlayiseka loko tano, loku nga sungula ku vuriwa hi Hosi, kambe ku tiyisiwile eka hina hi lava swi yingiseke,

Amosi 2:14

Wa matsamba, u ta tsandzeka ku tsutsuma, wa matimba a nga ka a nga tiyisi hi matimba ya yena; ni xihontlovila, xi nga ka xi nga hlayisi vutomi bya xona.

Swirilo 4:17

Ni namuntlha mahlo ya hina ma hela Hi ku langutela ku pfuniwa ka hina ka hava; Eku languteleni ka hina, a hi langutela hi ku tshemba Eka tiko leri nga riki na ku hi ponisa.

Swivuriso 20:20

La rhukanaka tata wa yena ni mana wa yena, Rivoni ra yena ri ta timeka emunyameni lowukulu.

Swivuriso 10:24

Lexi lowo biha a xi chavaka, hi xona lexi nga ta n'wi wela ehenhla: Kambe lavo lulama va nyikiwa ku navela ka vona.

Pisalema 69:3

Ndzi hele matimba hi ku huwelela, mikolo ya mina yi omile; Mahlo ya mina ma hela hi ku languta eka Xikwembu xanga.

Ntirho 34:22

A ku na munyama, a ku na mindzhuti ya rifu, Laha vadyohi va nga tumbelaka kona.

Ntirho 27:22

Hikuva Xikwembu xi n'wi copa hi miseve xi nga n'wi tsetseleli, A rhandza ku phonyomuka evokweni ra xona.

Ntirho 27:8

Hikuva ntshembo wa mbabva hi wihi, Loko Xikwembu xi n'wi tsema, Ni loko xi n'wi tekela vutomi bya yena?

Ntirho 18:14

U ta susiwa entsongeni wa yena lowu a wu tshembeke, U kokiwa ka hosi ya ku chaviseka.

Levhitika 26:16

na mina ndzi ta mi endla leswi: ndzi ta mi rhumela nchavo, xifuva, ni ku hisa ka miri swi ta heta mahlo ya n'wina, swi ta herisa ni timbilu ta n'wina; mi ta byalela timbewu ta n'wina mahala: valala va n'wina va ta ti dya.

Ntirho 6:9

Loko Xikwembu xi nga pfumela ku ndzi pfurhakanya, Xi tshambuluta voko ra xona leswaku xi ndzi heta;

Ntirho 12:1

Yobo a tlhela a hlamula, a ku:

Pisalema 142:4

Languta eka lera xinene, u kamba! A ku na la ndzi tivaka! A ku na la ndzi hlayisaka.

Swivuriso 10:28

Ku tshemba ka lava lulameke i ku tsaka, Kambe ku langutela ka lava nga lulamangiki ku ta lova.

Yeremiya 25:35

“Varisi va ta pfumala vuchavelo, ni ku pona ku ta va hava eka vini va mitlhambi.

Ntirho 3:21

Va nga lava langutelaka rifu, kambe a ri fiki; Ni lava ri navelaka ku tlula xuma lexi fihliweke.

Ntirho 3:22

A va ta tsaka hi ku tsaka loku tlurisaka, Va nyarhula loko ngi va kuma sirha?