Ntirho 11:19 - Xitsonga (Bibele)

¹⁹ Ku wisa ka wena a ku nga karhatiwi hi munhu, Lavo tala va ta tsakela mombo wa wena.

BIBELE Mahungu Lamanene

¹⁹ U ta etlela u tsakile u nga chavisiwi ha nchumu; vanhu lavo tala va ta navela ku kateka tanihi wena.

Ntirho 11:19 Referans Kwoze

Esaya 60:14

Vana va vaxanisi va wena va ta ta eka wena hi ku titsongahata, kutani hinkwavo lava ku soleke va ta khinsama emilengeni ya wena; u ta vuriwa muti wa Yehovha, Siyoni wa Mukwetsimi wa Israele.

Pisalema 45:12

Wanhwana wa Tiri, ni vafumi va matiko, Va ta ku tsakisa hi mihlengo.

Nhlavutelo 3:9

Vona, ndzi ta ku tisela van'wana va sinagoga ya Satana, lava tivulaka Vayuda, kasi a hi vona, kambe va hemba; ndzi ta va tisa leswaku va khinsama emilengeni ya wena, va ta tiva leswaku ndzi ku rhandzile.

Esaya 45:14

Ku vula sweswo Yehovha: “Bindzu ra Egipta, ni xuma xa Etiyopiya ni xa va Xeba lavo leha, swi ta ta eka wena, swi va swa wena, swi ku landza. Va ta ta va bohiwile va ta korhama emahlweni ka wena, va ta ku khongela: ‘Ku hava Xikwembu ehandle ka wena; xin'wana ku hava ni lexitsanana.’ ”

Swivuriso 19:6

Lavo tala va sasela munhu lonkulu; Na swona un'wana ni un'wana i nakulobye wa la hananaka.

Levhitika 26:6

Ndzi ta nghenisa ku rhula etikweni mi ta etlela mi nga tshukisiwi hi munhu; ndzi ta susa swivandzana etikweni, ni fumu ri nga ka ri nga fiki etikweni ra n'wina.

Ntirho 11:18

U ta tiya mbilu, hikuva ku tshemba ku ta va kona. U ta hiteka, kutani u ta etlela vurhongo lebyinene.

Pisalema 4:8

Ndzi sivama, ndzi etlela hi ku rhula, Hikuva hi wena Yehovha u ri swaku la ndzi akisaka eku sasekeni.

Pisalema 127:2

A swi mi pfuni nchumu ku vindzuka nimixo Ni ku hlwela ku ya eku etleleni, Ni ku dya vuswa lebyi vavisaka! Murhandziwa wa yena wa nyikiwa leswo tano evurhongweni bya yena.

Swivuriso 3:24

Loko u ya eku etleleni, u nga ka u nga chavi, Ni loko u tilatile, vurhongo bya wena byi ta nandziha.

Esaya 17:2

Miti ya Arowere yi tshikiwile, yi endliwe madyelo ya mitlhambi leyi vundzaka kona, yi nga hlongoriwi hi munhu.

Mikiya 4:4

Va ta tshama un'wana ni un'wana ehansi ka nkuwa, ni le hansi ka vhinya ya yena, ku nga ri na loyi a va pfuxaka; hikuva nomu wa Yehovha wa tinyimpi wu vurisile.

Sofoniya 3:13

Nsalo wa Israele wu nga ka wu nga endli leswo biha, wu nga ka wu nga vulavuri mavunwa ririmi ra ku kanganyisa ri nga ka ri nga kumiwi emilon'wini ya vona va ta dya va etlela ehansi, ku nga ri na loyi a va chavisaka.”

2 TIKRONIKA 20:30

Kwalaho ku fuma ka Yoxafati ku va ni ku rhula, Xikwembu xi n'wi nyika ku wisa ematlhelweni hinkwawo.

Ezekiele 34:28

“A va nga ha vi timbhari eka matiko; swivandza swa tiko a swi nga ha va dyi, kambe va ta aka hi ku tikhorisa, a ku nga ha vi na lava chavisaka.