Ntirho 1:8 - Xitsonga (Bibele)

⁸ Yehovha a ku eka Satana: “A ku tsundzukanga Yobo nandza wa mina xana? Hikuva a ku na munhu la fanaka na yena emisaveni, la fambaka hi ku lulama ni ku tenga, la chavaka Xikwembu ni ku fularhela swo biha.”

BIBELE Mahungu Lamanene

⁸ HOSI Xikwembu xi ku ka Sathana: “Xana u vonile nandza wa mina Yobo xana? A ku na la fanaka na yena emisaveni. I munhu wo lulama wa mahanyelo lamanene; wa ndzi tirhela, a fularhela leswo biha!”

Ntirho 1:8 Referans Kwoze

Ntirho 2:3

Yehovha a ku eka Satana: “Xana u tsundzukile Yobo nandza wa mina-ke? Hikuva a ku na la fanaka na yena emisaveni, la fambaka hi ku lulama ni ku tenga, la chavaka Xikwembu, la fularhelaka swo biha. Wa ha tiyisile eku lulameni ka yena, hambi u ndzi phikelerile ku n'wi lovisa ntsena.”

Ntirho 1:1

Munhu a a ri kona etikweni ra Usi, vito ra yena a a ri Yobo. A a ri munhu la fambaka hi ku tenga ni ku lulama; a chava Xikwembu, a tinga swo biha.

Esaya 1:16

Hlambani, mi tibasisa; susani emahlweni ka mina mitirho leyo biha ya n'wina; tshikani ku endla swo biha.

Swivuriso 8:13

Ku chava Xikwembu i ku venga swo biha; Ndzi venga manyunyu, ni ku tidzunisa, ni ku famba loko biha, Ni nomu wo homboloka.

Ntirho 8:20

“Vona, Xikwembu a xi soli la pfumalaka nandzu, Kambe xi nga ka xi nga sirheleli swidyohi.

2 TIHOSI 23:25

Emahlweni ka yena a ku vanga na hosi kukotisa yena, leyi tlheleke eka Yehovha hi mbilu hinkwayo ya yona, ni moya hinkwawo wa yona, ni matimba hinkwawo wa yona hi nawu wa Muxe; endzhaku ka yena a ku humelelanga yin'wana leyi fanaka na yena.

Pisalema 84:11

Hikuva Yehovha Xikwembu i dyambu ni xitlhangu, Yehovha u nyika tintswalo ni ku kwetsima, A nga aleri nchumu eka lava fambaka eku lulameni.

Tinhlayo 12:3

Kambe wanuna loyi, Muxe, a a ri ni tintswalo swinene ku tlula munhu un'wana ni un'wana la nga emisaveni.

Esaya 42:1

“Hi loyi nandza wa mina, loyi ndzi nga ta n'wi yimela, Muhlawuriwa wanga, loyi moya wa mina wu n'wi tsakelaka. Ndzi vekile moya wa mina ehenhla ka yena, u ta dyondzisa vamatiko leswo lulama.

Pisalema 18:23

Ndzi pfumarile swisolo emahlweni ka yena, Kutani ndzi tihlayisile leswaku ndzi nga vi na nandzu.

Ntirho 34:14

Loko xi tianakanya xi ri xoxe ntsena, Loko xi titekela moya wa xona ni ku huhutela ka xona,

Ntirho 12:4

Ndzi hundzukile mahleko eka vanakulorhi, Loko ndzi kombela ku pfuniwa hi Xikwembu; Ingi la lulameke, la pfumalaka nandzu, i mahleko!

Yoxuwa 1:7

Tiya mbilu, u tiya swinene, u hiseka ku endla hi nawu hinkwawo lowu Muxe, nandza wa mina a ku leriseke wona; u nga tshuki u hambuka eka wona exineneni, hambi ku ri eximatsini, leswaku u ta kateka eswilweni hinkwaswo leswi u nga ta swi sungula.

Yohane 1:47

Yesu a vona Nataniele loko a ta eka yena, kutani a n'wi vula, a ku: “Vonani Muisraele wa xiviri, loyi ku nga riki na ku kanganyisa eka yena.”

Ezekiele 40:4

Kutani wanuna yeloyi a ku eka mina: “N'wana wa munhu, languta hi mahlo ya wena, u yingisela hi tindleve ta wena, u xiya hinkwaswo leswi ndzi nga ta ku byela swona; hikuva loko u tisiwile haleno, hileswaku ndzi ku komba swona, u ta byela yindlu ya Israele hinkwaswo leswi u swi voneke.”

Pisalema 89:20

Ndzi kumile Davhida, nandza wa mina, Ndzi n'wi cherile hi mafurha ya mina layo kwetsima.

Pisalema 37:27

Fularhela swo biha, u endla leswinene, Kutani u ta tshama hi laha ku nga heriki.

Pisalema 36:1

Timhaka to biha ti kona embilwini ya munhu lowo homboloka; Ku chava Xikwembu a ku kona emahlweni ya yena.

Pisalema 34:14

Fularhela leswo biha, u endla leswinene; Lava ku rhula, u ku landzelela.

Nehemiya 5:15

kasi vafumi vo rhanga lava ngi va ri kona emahlweni ka mina, a va tikela tiko, va teka vuswa ni vhinyo eka vona, ehandle ka tixikele ta mune wa makume ta silivhere, ni malandza ya vona a ma fuma hi matimba ehenhla ka tiko.

Yoxuwa 1:2

“Muxe, nandza wa mina u file; pfuka, u ya pela Yordani loyi, wena, ni tiko hinkwaro leri, mi ta nghena etikweni leri ndzi ri nyikeke vana va Israele.

Ntirho 2:1

Kambe hi siku rin'wana loko vana va Xikwembu va ya humelela emahlweni ka Yehovha, Satana na yena, a humelela na vona emahlweni ka Yehovha.