Nhlavutelo 3:4 - Xitsonga (Bibele)

⁴ Kambe u ni van'wana va nga ri vangani eSarda, lava nga nyamisangiki tinguvu ta vona; va ta famba na mina va ambele swo basa, hikuva va lulameriwe hi swona.

BIBELE Mahungu Lamanene

⁴ Hambiswiritano, wa ha sele ni mavito ya vanhu va nga ri vangani le Sarda, lava nga nyamisangiki tinguvu ta vona. Kutani va ta famba na mina va ambele swo basa, hikuva swi va lulamerile.

Testamente Leyimpsha Xichangana

⁴ Nasvona, wahasele ni mavito ya vanhu vangali vangani le Sarda, lava vanganyamisangiki sviyambalu sva vona. Kutani vatafamba na mina na vayambalile sva kubasa, hikuva svivalulamelile.

Nhlavutelo 3:4 Referans Kwoze

Nhlavutelo 7:9

Endzhaku ka sweswo, ndzi languta, kutani ndzi vona vunyingi lebyikulu bya vanhu lava ku nga riki na munhu la kotaka ku va hlaya, va matiko hinkwawo, ni va tinxaka hinkwato, ni va swivongo hinkwaswo, ni va tindzimi hihinkwato, va yimile emahlweni ka xiluvelo, ni le mahlweni ka Xinyimpfana, va ambele tinguvu leto basa, va khomile micindzu emavokweni ya vona.

Nhlavutelo 3:5

“ ‘La nga ta hlula, u ta ambala tinguvu leto basa, kutani ndzi nga ka ndzi nga hlanguri vito ra yena ebukwini ya vutomi, kambe ndzi ta vula vito ra yena emahlweni ka Tatana, ni le mahlweni ka tintsumi ta yena.

Nhlavutelo 6:11

Kutani un'wana ni un'wana a nyikiwa nguvu yo basa leyo leha, va byeriwa leswaku va wisa kambe nkarhinyana, ku ko ku hetiseka ntsengo wa vanakulobye va vona va malandza, ni wa vamakwavo lava nga ta dlawa kukotisa vona.

Eklesiasta 9:8

Tinguvu ta wena ti va leti baseke hi masiku, ni mafurha ma nga tshuki ma pfumaleka enhlokweni ya wena.

Nhlavutelo 19:14

Mavandla ya le tilweni a ma n'wi landzelela, va khandziyile tihanci to basa, va ambele ntsembyana lowo vevuka lowo basa, lowu tengeke.

Nhlavutelo 4:4

Kambe xiluvelo a xi rhendzeriwe hi swiluvelo swa makume mambirhi na mune. Eswiluvelweni leswi, a ku tshamile vakulukumba va makume mambirhi na mune, va ambele tinguvu leto basa, va rhwele etinhlokweni ta vona tihari ta nsuku.

Nhlavutelo 3:18

Ndza ku khongotela leswaku u tixavela eka mina nsuku lowu ringiweke hi ndzilo, leswaku u ta fuwa, ni tinguvu leto basa u ta ambala, kutani tingana ta vusweti bya wena ti nga tshuki ti vonaka; ni murhi wa mahlo, u tota mahlo ya wena ha wona, leswaku u vona.

Nhlavutelo 19:8

u nyikiwile ku funengela ntsembyana lowo vevuka, lowo vangama, lowu tengeke,” hikuva ntsembyana lowo vevuka, i ku lulama ka vakwetsimi.

Yuda 1:23

kutani mi ponisa van'wana hi ku va tshukisa, mi va vutla endzilweni, mi ri karhi mi chava ni nguvu leyi nga nyamisiwa hi nyama.

Luka 21:36

Hitekani-ke, mi khongela hi mikarhi hinkwayo, leswaku mi ta tiva ku pona eka swilo hinkwaswo leswi nga ta humelela ni ku yima emahlweni ka N'wana wa Munhu.”

Marka 16:5

Loko va nghenile esirheni, va vona jaha leri tshameke etlhelweni ra xinene, leri ambaleke nguvu leyo leha, leyo basa; kutani va tshuka.

Luka 20:35

kambe lava nga ta nyikiwa ku vona tinguva leti taka, ni ku pfuka ka vafi, va nga ka va nga teki na swona va nga ka va nga tekisi;

Matewu 10:11

“Kutani loko mi nghene emutini, kumbe ximutaneni xihi ni xihi, mi vutisa leswaku i mani la fanelaka ku mi amukela, mi tshama eka yena mi kondza mi suka.

Nhlavutelo 11:13

Enkarhini wolowo ku tsekatseka lokukulu ka misava ku va kona, kutani ku avanyisa ka khume ka muti ku hindzimuka, vanhu va ntlhanu wa magidigidi na magidigidi mambirhi 7 000 va dlawa hi ku tsekatseka kuloku ka misava; kutani van'wana va khomiwa hi ku chava, va dzunisa Xikwembu xa le tilweni.

2 Vatesalonika 1:5

hi kona ku kombisa ka ku avanyisa loku lulameke ka Xikwembu, ku va leswaku mi endliwa lava lulameleke ku fuma ka Xikwembu, xolexo mi twisiwaka ku vaviseka hikwalaho ka xona.

Esaya 64:6

A hi fana hinkwerhu ni munhu la nyamisiweke, kutani ku lulama ka hina hinkwako a ku fana ni nguvu leyi nyamisiweke; a hi vunile hinkwerhu tanihi tluka, kutani swidyoho swa hina swi hi hundzisa tanihi mheho.

Esaya 61:10

Ndzi ta titsakela eka Yehovha, moya wanga wu ta titsakela eka Xikwembu xa mina; hikuva xi ndzi ambexile tinguvu ta ku hlayiseka, xi ndzi funengetile hi nkumba wa ku lulama kukotisa muvuti la tibombiseke hi musingasoro, kukotisa mutekiwa la tibombiseke hi ku saseka ka nsuku.

Esaya 52:1

Pfuka, pfuka, ambala matimba ya wena, Siyoni! Ambala tinguvu ta nkhuvo, Yerusalema, muti lowu hlawuriweke! Hikuva sweswi, khuna ni munhu wa thyaka va nga ka va nga ha ngheni eka wena.

Pisalema 68:14

Siku La nga ni matimba hinkwawo a hangalaseke tihosi etikweni, Misava yi basa [hi marhambu] kukotisa gamboko ehenhla ka Salimoni.

Estere 8:15

Mordekayi a suka emahlweni ka hosi a funengele xifunengelo xa vuhosi xa rihlaza ni xa ntsembyana lowo basa, a vehele harhi leyikulu ya nsuku, a ri ni nguvu ya ntsembyana leya ribungu. Kutani muti wa Xuxani wu ba huwa, wu tsakile ngopfu.

Timhaka 1:15

Hi masiku walawo, Petro a yima exikarhi ka vadyondzisiwa (vunyingi bya vona lava hlengeletaneke a va lava ku va dzana ni makume mambirhi), a ku:

Esaya 61:3

ku tisela lava rilaka eSiyoni, ni ku va rhwexa harhi ya vuhosi ematshan'weni ya nkuma, mafurha ya ku tsaka ematshan'weni ya nkosi, ni nguvu ya nkhuvo ematshan'weni ya moya lowu tsaneke, leswaku va ta vuriwa mikuhlu ya ku lulama, leyi nga byariwa hi Yehovha ku n'wi dzunisa.

Esaya 59:6

Tintavala ta vona ti nga ka ti nga vi tinguvu, kutani va nga ka va nga tifunengeti hi mitirho ya vona; mitirho ya vona i mitirho ya ku dyoha, kutani tihanyi ti le mavokweni ya vona;

Esaya 1:9

Loko ngi Yehovha a nga hi hlayiselanga masalela, ingi hi endliwile tanihi Sodoma, hi fana na Gomora!

1 TIHOSI 19:18

Kambe ndzi tihlayisele vanhu va 7 000 exikarhi ka va Israele va ri hinkwavo lava nga khinsamelangiki Baali, ni ku n'wi ntswontswa.”

Nhlavutelo 1:11

ri ku: “Leswi u swi vonaka, swi tsale ebukwini, u swi rhumela tikereke ta ntlhanu na timbirhi leti nga eAsiya, le Efesa, ni le Smirna, ni le Pergamo, ni le Tiyatira, ni le Sarda, ni le Filadelfiya, ni le Lawodikiya.”

Nhlavutelo 14:4

Hi lava nga tinyamisangiki hi vavasati, hikuva va tengile; hi lava landzaka Xinyimpfana hinkwako laha xi yaka kona; va kutsuriwile exikarhi ka vanhu leswaku swi va swirhangana eka Xikwembu ni ka Xinyimpfana.

Levhitika 13:48

kumbe ya mavoya, hambi ku ri edzobyeni, kumbe entirhweni wihi ni wihi wa dzovo,