Nhlavutelo 3:10 - Xitsonga (Bibele)

¹⁰ Leswi u hlayiseke Rito ra ku tiyisela ka mina, na mina ndzi ta ku hlayisa enkarhini wa ndzingo lowu nga ta humelela emisaveni hinkwayo ku ta ringa lava akeke emisaveni.

BIBELE Mahungu Lamanene

¹⁰ Leswi u nga hlayisa xileriso xa mina xa leswaku u fanele ku tiyisela, na mina ndzi ta ku sirhelela enkarhini wa ndzingo lowu wu nga ta ta emisaveni hinkwayo, ku ta ringeta vaaki va misava.

Testamente Leyimpsha Xichangana

¹⁰ Lesvi ungahlayisa rito ra mina ra lesvaku ufanela kutiyisela, na mina nitakusirhelela nkarhini wa ndzingo lowu wungatata misaveni hinkwayu, kutaringa vayaki va misava.

Nhlavutelo 3:10 Referans Kwoze

2 Petro 2:9

naswona, Hosi yi tiva ku kutsula emiringweni lava nga ni xichavo, ni ku hlayisela lavo homboloka ku biwa hi siku ra ku avanyisa;

Nhlavutelo 14:12

Hilaha ku nga kona ku tiyisela ka vakwetsimi, va nga lava hlayisaka ku lerisa ka Xikwembu, ni ku pfumela eka Yesu.

Zakariya 13:9

Lowu wa vunharhu, ndzi ta wu nghenisa endzilweni, ndzi va n'okisa ku kota loko ku n'okisiwa silivhere, ndzi va ringa kukota loko ku ringiwa nsuku. Va ta khongela vito ra mina, kutani ndzi va hlamula, ndzi ku: ‘I tiko ra mina,’ rona ri ta ku: ‘Yehovha, Xikwembu xa mina!’ ”

Daniele 12:10

Lavo tala va ta hlantswiwa, va basisiwa, va ringetiwa, kutani lavo biha va ta tshama va endla swo biha; kutani a ku na mudyohi la nga ta twisisa, kambe lavo tlhariha va ta twisisa.

Nhlavutelo 2:10

U nga chavi nchumu eka leswi u nga ta xanisiwa ha swona. Vona, Diyavulosi u ta nghenisa van'wana va n'wina ekhotsweni leswaku mi ringiwa kutani mi ta va ni nhlomulo wa masiku ya khume. U va u tshembeka ku yisa eku feni, kutani ndzi ta ku nyika harhi ya vutomi.

1 Vakorinto 10:13

A mi si humelela hi ndzingo lowu nga ringaniki munhu. Kambe Xikwembu xa tshembeka, xi nga ka xi nga pfumeri leswaku mi humeleriwa hi ndzingo lowu mi hlulaka; kambe ndzingo, loko wu ri kona, xi ta mi nyika ni ndlela ya ku huma eka wona, mi ta kota ku wu rhwala.

1 Petro 4:12

Varhandziwa, mi nga hlamaleni loko ku ri ni ndzilo exikarhi ka n'wina ku ta mi ringa; kukota loko ngi mi humeleriwe hi timhaka leto hlamarisa;

Nhlavutelo 1:9

Mina Yohane, makwenu, ni la averiweke swin'we na n'wina maxangu, ni ku fuma, ni ku tiyisela loku nga eka Yesu, a ndzi ri exihlaleni lexi vuriwaka Patmosi, hikwalaho ka Rito ra Xikwembu, ni hikwalaho ka vumbhoni bya Yesu.

Matewu 6:13

U nga hi yisi emiringweni, kambe u hi lwela eka lowo biha.’

Nhlavutelo 13:10

Loyi a yisaka van'wana evukhumbini, u ta ya evukhumbini; loyi a dlayaka hi tlhari, na yena u ta fanela ku dlawa hi tlhari, Hilaha ku nga vonakalaka ku tiyisela ni ku pfumela ka vakwetsimi.

Vaefesa 6:13

Hikwalaho-ke hlomani matlhari hinkwawo ya Xikwembu, mi ta tiva ku tiya hi siku ra khombo, ni ku yima mi hlurile hinkwaswo.

Esaya 24:17

Nchavo ni rindzi ni ntlhamu swi le henhla ka wena, muaki wa tiko!

Nhlavutelo 8:13

Kavaloko ndzi languta, kutani ndzi twa ntsumi leyi hahaka empfhukeni wa le tilweni, yi ku hi rito leri tlakukeke: “Ku ni khombo, ku ni khombo, ku ni khombo eka lava akeke emisaveni hikwalaho ka marito lama seleke ya tinanga ta tintsumi letinharhu leti nga ta ti yimba.”

Nhlavutelo 6:10

A va huwelela hi rito lerikulu, va ku: “Hosi yo kwetsima ya ntiyiso, u ta hlwela ku ri kungani ku avanyisa ni ku rihisa ngati ya hina eka lava akeke emisaveni xana?”

Nhlavutelo 17:8

Xivandzana lexi u xi voneke a xi ri kona, kambe a xa ha ri kona; xi ta huma ekheleni kutani xi ya eku loveni. Lava akeke emisaveni, lava mavito ya vona ma nga tsariwangiki ebukwini ya vutomi ka ha ri mpfhuka loko misava yi tumbuluka, va ta hlamala loko va vona xivandzana, hikuva a xi ri kona, kutani a xa ha ri kona, kasi xi ta tlhela xi va kona.

Nhlavutelo 13:14

Xi hambukisa lava akeke emisaveni hi masingita lawa xi nga nyikiwa matimba ya ku ma endla emahlweni ka xivandza, xi ri karhi xi byela lava akeke emisaveni leswaku va endlela xivandza lexi ngi xi ri ni mbanga ya tlhari, xi tlhela xi hanya, xifaniso.

Nhlavutelo 13:8

Kutani hinkwavo lava akeke emisaveni va ta, va ta xi gandzela, lava mavito ya vona ma nga tsariwangiki ebukwini ya vutomi ya Xinyimpfana lexi tlhaviweke, ka hari mpfhuka misava yi tumbuluka.

Matewu 26:41

Hitekani, mi khongela mi nga ti nghena eku ringiweni, hikuva moya wu ni mapfundzu, kambe nyama yi tsanile.”

Matewu 24:14

Kutani Evhangeli leyi ya ku fuma yi ta vuriwa emisaveni hinkwayo leswaku byi va vumbhoni eka matiko hinkwawo; hi kona ku nga ta humelela makumu.

Varhoma 1:8

Ndzi sungula hi ku khensa Xikwembu xa mina ha Yesu Kriste, hikwalaho ka n'wina hinkwenu, hikuva ku pfumela ka n'wina ku twarile ematikweni hinkwawo.

Nhlavutelo 11:10

Kutani lava akeke emisaveni va ta tsakela ku fa ka vona, va tsakisisa, va ta rhumelana tinyiko, hikuva vaprofeta valavo vambirhi va xanisile lava akeke emisaveni.

Marka 14:9

Kunene ndzi ri eka n'wina: Hinkwako emisaveni laha Evhangeli leyi yi nga ta vuriwa kona, lexi nga endliwa hi yena, na xona, xi ta vuriwa, a ta anakanyiwa ha xona.”

Luka 2:1

Emikarhini yoleyo, ku humelela nawu wa hosi Khezari Awugusto, leswaku matiko hinkwawo ma tsariwa.

Yakobo 3:12

Vamakwerhu, xana murhi wa nkuwa wu nga swi kota ku veleka mihandzu ya mutlhwari xana? Kumbe vhinya wu nga veleka makuwa xana? Na swona, mati yo dzunga a ma swi koti ku endla mati yo nandziha.

Yohane 17:6

“Vito ra wena ndzi ri tivisile vanhu lava u ndzi nyikeke vona emisaveni; a va ri va wena, kutani u ndzi nyikile vona, kutani va hlayisile rito ra wena.

2 Timotiya 2:12

Loko hi yingisela na yena, na kona hi ta fuma na yena; loko hi n'wi landzula, na yena u ta hi landzula.

Nhlavutelo 3:8

Ndzi tiva mitirho ya wena; waswivo, ndzi pfurile nyangwa emahlweni ka wena, kutani a ku na munhu la yi pfalaka; hikuva u ni matimbanyana, u hlayisile rito ra mina, na swona a ku landzulanga vito ra mina.

Nhlavutelo 14:6

Kutani ndzi vona ntsumi yin'wana leyi hahaka exikarhi ka tilo, yi tamele Evhangeli leyi nga riki na ku hela, ku yi dyondzisa lava akeke emisaveni, va ri va matiko hinkwawo, ni tinxaka hinkwato, ni swivongo hinkwaswo,

Nhlavutelo 16:14

Hi yona mimoya ya mademona leyi endlaka mahlori, leyi yaka eka tihosi ta misava hinkwayo ku ta ti hlengeletela ku lwa ka siku lerikulu ra Xikwembu xa matimba hinkwawo.

Nhlavutelo 17:2

loyi tihosi ta misava ti oswaneke na yena, ni loyi lava akeke emisaveni va pyopyiweke hi vhinyo ya vuoswi bya yena.”