Nhlavutelo 2:12 - Xitsonga (Bibele)

¹² “Tsalela ni ntsumi ya kereke ya Pergamo, u ku: “ ‘La nga ni tlhari leri karihaka hi matlhelo mambirhi, u vulavula sweswo u ri:

BIBELE Mahungu Lamanene

¹² “Tsalela ni ntsumi ya kereke ya le Pergamo, u ku: “ ‘Marito ya loyi a nga ni tlhari leri lotiweke hi matlhelo mambirhi, hi lawa:

Testamente Leyimpsha Xichangana

¹² Tsalela ni ntsumi ya kereke ya le Pergamo, uku: Marito ya lweyi anga ni tlhari lerilotiweke hi matlhelo ha mambirhi, hi lawa:

Nhlavutelo 2:12 Referans Kwoze

Nhlavutelo 2:16

Hundzuka-ke; loko u nga hundzuki, ndzi ta hatlisa ndzi ta eka wena, ndzi lwa na vona hi tlhari ra nomu wa mina.

Nhlavutelo 1:16

A a khomile tinyeleti ta ntlhanu na timbirhi evokweni ra yena ra xinene; enon'wini wa yena a ku huma tlhari leri karihaka hi matlhelo mambirhi, mombo wa yena a wu fana ni dyambu loko ri kwetsima hi matimba ya rona.

Vaheveru 4:12

Hikuva rito ra Xikwembu i rito leri hanyaka, leri tirhaka, leri karihaka ku tlula tlhari leri nga ni vukari hi matlhelo mambirhi, ri ya fika emahlanganweni ya mbilu ni moya, ni ka misiha ni mongo, kambe hi rona leri avanyisaka mianakanyo ni makungu ya timbilu.

Nhlavutelo 19:21

Loko va ri lava seleke, va dlawa hi tlhari leri humaka enon'wini wa la khandziyeke hanci; kutani tinyanyana ti xurha hi tinyama ta vona.

Nhlavutelo 19:15

Enon'wini wa yena ku hume tlhari lero kariha, a ta ba matiko ha rona; hi yena la nga ta ma risa hi nhonga ya nhumbu; kambe hi yena la nga ta khuvuta exikhuvutweni xa vhinyo ya ku leva, ni ya vukari bya Xikwembu xa matimba hinkwawo.

Nhlavutelo 1:11

ri ku: “Leswi u swi vonaka, swi tsale ebukwini, u swi rhumela tikereke ta ntlhanu na timbirhi leti nga eAsiya, le Efesa, ni le Smirna, ni le Pergamo, ni le Tiyatira, ni le Sarda, ni le Filadelfiya, ni le Lawodikiya.”

Esaya 11:4

U ta avanyisa xisiwana hi ku lulama, a kanela timhaka ta lavatsongo va misava hakunene. U ta ba misava hi nhonga ya nomu wa yena, a lovisa swidyohi hi moya wa nomu wa yena.

Nhlavutelo 2:1

“Tsalela ntsumi ya kereke ya Efesa, u ku: “ ‘Loyi a tamelaka tinyeleti ta ntlhanu na timbirhi evokweni ra yena ra xinene, la fambaka exikarhi ka tikandelari ta ntlhanu na timbirhi ta nsuku, u vulavula sweswo, u ri:

Esaya 49:2

U endle nomu wa mina banga lero kariha, u ndzi tshamisile endzhutini wa voko ra yena;

Vaavanyisi 3:16

Kutani Ehudi a tiendlela banga leri nga ni vukari hi matlhelo mambirhi, ku leha ka rona xi ri xisungunhu xin'we kutani a ri boha endzhumbini wa yena wa xinene ehansi ka nkhancu wa yena.