Nhlavutelo 17:3 - Xitsonga (Bibele)

³ Kutani yi ndzi yisa emananga hi moya, kutani ndzi vona wansati la tshameke ehenhla ka xivandzana xa ribungu lexi teleke mavito ya xisandzu, lexi ngi xi ri ni tinhloko ta ntlhanu na timbirhi, ni timhondzo ta khume.

BIBELE Mahungu Lamanene

³ Hiloko ntsumi yi ndzi teka, yi ndzi yisa emananga ndzi ri eMoyeni. Kutani ndzi vona wansati a tshamile ehenhla ka xivandzana xa ribungu lexi a xi tele hinkwako hi mavito yo sandza Xikwembu; xivandzana xa kona a xi ri ni tinhloko ta 7 ni timhondzo ta khume.

Testamente Leyimpsha Xichangana

³ Hi loko ntsumi yiniteka, yiniyisa mananga hi Moya. Kutani nivona wansati na atshamile henhla ka xivandzana xopshuka lexi axitele hinkwaku hi mavito yosandza Xikwembu; xivandzana xakona axili ni tinhloko ta ntlhanu ni timbirhi ni timhondzo ta khume.

Nhlavutelo 17:3 Referans Kwoze

Nhlavutelo 12:3

Kambe ku humelela singita rin'wana etilweni: I dragona leyikulu leyo tshwuka, yi nga ni tinhloko ta ntlhanu na timbirhi ni timhondzo ta khume; etinhlokweni ta yona a ku ri ni tihari ta ntlhanu na timbirhi.

Nhlavutelo 17:18

Loko a ri wansati loyi u n'wi voneke, i muti lowukulu lowu fumaka tihosi ta misava.”

Nhlavutelo 12:6

Kutani wansati a balekela emananga, laha a lunghiseriweke vutshamo hi Xikwembu, leswaku a phameriwa kona hi masiku ya 1 260.

Nhlavutelo 17:4

Wansati a a ambele xivunguvungu ni leswo tshwuka; a bombile hi nsuku, ni maribye ya nxavo wa nkoka ni tiperela; a tamele evokweni ra yena xinwelo xa nsuku lexi teleke manyala, ni thyaka ra vuoswi bya misava.

Nhlavutelo 12:14

Kutani wansati a nyikiwa timpapa timbirhi ta gama lerikulu, leswaku a hahela emananga exivandleni xa yena, laha a phameriwaka kona hi nkarhi wun'we, ni mikarhi mimbirhi, ni hafu ya nkarhi, a ri ekule ni nyoka.

Daniele 7:25

U ta humesa marito ya ku lwa ni Muungameri-la-tlakukeke, u ta xanisa vahlawuriwa va Muungameri-la-tlakukeke, kutani a va ni makungu ya ku hundzula mikarhi ni nawu, kutani vahlawuriwa va ta nyiketiwa emavokweni ya yena hi nkarhi, ni mikarhi yin'wana, ni hafu ya nkarhi.

Daniele 7:20

ni le matshan'weni ya timhondzo leta khume leti ngi ti ri enhlokweni ya xona, ni le matshan'weni ya rin'wana leri humeleleke, leri tin'wana tinharhu a ti wile emahlweni ka rona, ri nga rona rimhondzo leri ngi ri ri ni mahlo, ni nomu lowu vulavulaka hi ku tikurisa, leri vonakalaka ku hundzisa tin'wana.

Daniele 7:8

Kakuloko ndzi languta timhondzo toleto, ndzi vona rimhondzwanyana rin'wana ri humelela exikarhi ka timhondzo tin'wana, kutani timhondzo tinharhu ta leto sungula ti guriwa hi rona, kutani, vonani, rimhondzo lero a ri ri ni mahlo lama fanaka ni ya munhu, ni nomu lowu vulavulaka hi ku tikurisa.

Nhlavutelo 21:10

Kutani yi ndzi yisa hi moya entshaveni leyikulu, leyo leha, yi ndzi kombisa muti lowo kwetsima, Yerusalema, lowu xikaka hi le tilweni eka Xikwembu, wu ri ni ku kwetsima ka Xikwembu; rivoningo ra wona ri fana ni ribye ra nkoka lowukulu, kukotisa ribye ra yaspere, leri vonikelaka kukota kristala.

Ezekiele 8:3

A tshambuluta xilo lexi nga voko, xi ndzi khoma hi misisi, kutani moya wu ndzi tlakulela empfhukeni, enorhweni, wu ndzi tisela Yerusalema, enyangweni ya le ndzeni leyi langutaka en'walungwini, laha ku nga ni xitshamo xa xifaniso xa rilondzo lexi pfuxaka rilondzo.

Ezekiele 11:24

Moya wu ndzi tlakula hi norho, wu ndzi yisa eKalediya, eka vabohiwa, kutani mahlori lawa ndzi ma voneke ma suka emahlweni ka mina.

2 Vatesalonika 2:4

la kanetaka ni la titlakuselaka ehenhla ka hinkwaswo leswi vuriwaka Xikwembu ni leswi khinsameriwaka, a ko a tshamisa kukota Xikwembu etempeleni ya Xikwembu, a ri karhi a tivula Xikwembu.

Ezekiele 3:12

Kutani moya wu ndzi tlakusa, kavaloko ndzi twa endzhaku ka mina huwa ya mavandla lamakulu, va ku: “A ku dzunisiwe ku kwetsima ka Yehovha exivandleni xa vutshamo bya yena!”

Risimu ra Tinsimu 8:5

I mani loyi a tlhandlukaka, a pfa emananga, A tiseketele eka murhandziwa wa yena? Ndzi ku pfuxile u ri ehansi ka mirhi ya maapula, Laha u velekiweke kona hi mana wa wena, U twile ku vaviseka kona loyi a ku velekeke.

Nhlavutelo 1:10

A ndzi tekiwile emoyeni hi siku ra Hosi, kutani ndzi twa endzhaku ka mina rito lerikulu kukotisa ra nanga,

Daniele 11:36

“Kutani hosi yi ta endla hilaha yi rhandzaka hakona, yi ta tikurisa, yi titlakusa ehenhla ka swikwembu hinkwaswo, kutani yi ta hleva Xikwembu xa swikwembu hi swisandzu leswi hlamarisaka, yi ta khuluka ku ko ku fika ku hetisekeni ka vukari, hikuva lexi lerisiweke xi ta endlakala.

2 TIHOSI 2:16

Va ku eka yena: “Waswivo, exikarhi ka malandza ya wena, ku ni vavanuna va matimba va ntlhanu wa makume; u nga va pfumelela ku ya lava hosi ya wena, hikuva kumbe moya wa Yehovha wu n'wi vutlile, wu ya n'wi hoxa etintshaveni, kumbe enkoveni.” Yena a ku: “Mi nga tshuki mi va rhuma.”

1 TIHOSI 18:12

Kutakuloko ndzi sukile eka wena, moya wa Yehovha wu ta ku tlakula, wu ku yisa laha ndzi nga ku tiviki; kutani ndzi ta ya tivisa Akabu, kasi loko a nga ku kumi, u ta ndzi dlaya. Hambiswiritano, nandza wa wena a chava Yehovha, ku suka evutsongwaneni bya yena.

Nhlavutelo 4:2

Kutani hi nomu lowu, ndzi va emoyeni, ndzi vona xiluvelo xi vekiwile etilweni, kutani un'wana a tshamile exiluvelweni xexo.

Timhaka 8:39

Kuteloko va tlhandlukile ematini, Moya wa Hosi wu susa Filipi, kutani ndhuna a yi vuyanga ya ha n'wi vona; kambe yi ya emahlweni endleleni ya yona hi ku tsaka lokukulu.

Matewu 27:28

kutani va n'wi susa tinguvu, va n'wi ambexa nguvu ya xivunguvungu.

Nhlavutelo 18:12

mitirho ya nsuku, ni ya ntsopfu, ni ya maribye lama pfumalekaka, ni ya tiperela ni ya ntsembyana lowo saseka, ni ya xivunguvungu, ni ya silika, ni ya scarlet, ni mirhi hinkwayo leyi nun'hwelaka, ni ya swibya swa tinxakaxaka, leswi endliweke hi timhondzo ta tindlopfu, ni swibya hinkwaswo swa mirhi leya nkoka, ni swa koporo, ni swa nhumbu, ni swa mabulu,

Nhlavutelo 18:16

Muti lowukulu lowu ambaleke ntsembyana lowo vevuka, ni, xivunguvungu, ni scarlet, lowu ngi wu bombile hi nsuku, ni maribye lama pfumalekaka, ni tiperela; hikuva hi nkarhi wu ri wun'we xuma lexikulu swonghasi xi herisile ku yini!”