Nhlavutelo 12:3 - Xitsonga (Bibele)

³ Kambe ku humelela singita rin'wana etilweni: I dragona leyikulu leyo tshwuka, yi nga ni tinhloko ta ntlhanu na timbirhi ni timhondzo ta khume; etinhlokweni ta yona a ku ri ni tihari ta ntlhanu na timbirhi.

BIBELE Mahungu Lamanene

³ Ku humelela singita rin'wana etilweni, ra dragona leyikulu yo tshwuka, ya tinhloko ta 7 ni timhondzo ta khume, ni harhi ya vuhosi ehenhla ka nhloko yin'wana ni yin'wana ya yona.

Testamente Leyimpsha Xichangana

³ Kuhumelela singita rin'wana tilweni ra dragona lerikulu ropshuka, ra tinhloko ta ntlhanu ni timbirhi ni timhondzo ta khume, ni hari ya vuhosi henhla ka nhloko yin'wana ni yin'wana ya yona.

Nhlavutelo 12:3 Referans Kwoze

Nhlavutelo 17:12

Timhondzo ta khume leti u ti voneke, i tihosi ta khume leti nga siki kumaka vuhosi, kambe ti ta teka vuhosi swin'we ni xivandzana hi nkarhi wu ri wun'we.

Nhlavutelo 12:9

Kutani dragona leyikulu, yi nga nyoka ya khale, leyi vuriwaka Diyavulosi na Satana, leyi xisaka misava hinkwayo, yi cukumetiwa emisaveni ni tintsumi ta yona ti cukumetiwa na yona.

Nhlavutelo 17:16

Kutani timhondzo ta khume leti u ti voneke, ni xivandzana, swi ta venga muoswi, swi n'wi endla rivala, swi n'wi hluvurisa, swi dya tinyama ta yena, swi n'wi hisa hi ndzilo.

Nhlavutelo 17:7

Kutani ntsumi yi ku eka mina: “U hlamalela yini xana? Ndzi ta ku byela xihundla xa wansati ni xa xivandzana lexi a xi khandziyeke, lexi nga ni tinhloko ta ntlhanu na timbirhi, ni timhondzo ta khume.

Daniele 7:24

Timhondzo leta khume, i tihosi ta khume leti nga ta humelela eku fumeni koloko, kutani un'wana u ta humelela endzhaku ka tona, a nga fani na tin'wana, kutani u ta tsongahata tihosi tinharhu.

Daniele 7:20

ni le matshan'weni ya timhondzo leta khume leti ngi ti ri enhlokweni ya xona, ni le matshan'weni ya rin'wana leri humeleleke, leri tin'wana tinharhu a ti wile emahlweni ka rona, ri nga rona rimhondzo leri ngi ri ri ni mahlo, ni nomu lowu vulavulaka hi ku tikurisa, leri vonakalaka ku hundzisa tin'wana.

Nhlavutelo 20:2

kavaloko yi khoma dragona, nyoka ya khale, a nga Diyavulosi na Satana; yi n'wi bohela malembe ya khume ra madzana.

Nhlavutelo 12:4

Ncila wa yona a wu koka ku avanyisa ka vunharhu ka tinyeleti ta le tilweni kutani yi ti hoxa emisaveni. Kavaloko dragona yi yima emahlweni ka wansati loyi a laveke ku veleka leswaku yi ta dya n'wana wa yena loko a velekile.

Nhlavutelo 12:1

Kutani ku humelela singita lerikulu etilweni: I wansati la ambaleke dyambu, n'weti wu ri hansi ka milenge ya yena, kutani a rhwele enhlokweni harhi ya tinyeleti ta khume na timbirhi.

Nhlavutelo 16:13

Kutani ndzi vona ku huma enon'wini wa dragona, ni le non'wini wa xivandza, ni le non'wini wa muprofeta wa mavunwa, mimoya minharhu ya thyaka leyi fanaka ni mitlambya.

Esaya 51:9

Pfuka, pfuka! Ambala matimba ya wena, voko ra Yehovha! Pfuka kukota khale, kukota malembe ya madzana ya khalekhale! Xana a hi wena la nga herisa Rahava (Egipta), la tlhaveke dragona?

Esaya 27:1

Hi siku rero, Yehovha u ta ba hi ripanga ra yena ro tika, lerikulu, ra matimba, eLevhiyatani, nyoka ya matsambo, Levhiyatani, nyoka ya makhinyakhinya; kutani u ta dlaya dragona leyi nga elwandle.

Nhlavutelo 19:12

Mahlo ya yena a ma fana ni langavi ra ndzilo; enhlokweni ya yena a rhwele tihari leto tala, a ri ni vito leri tsariweke ri nga tiviwi hi munhu, loko a nga ri yena ntsena.

Nhlavutelo 12:17

Kutani dragona yi karihela wansati, yi suka yi ya lwa ni leswi seleke swa vana va yena, lava hlayisaka milawu ya Xikwembu, lava nga ni vumbhoni bya Yesu Kriste.

Esaya 9:15

Nkulukumba ni ndhuna i nhloko kutani muprofeta la dyondzisaka mavunwa, i ncila.

Daniele 2:42

Loko ti ri tintiho ta mikondzo a ti ri ta nsimbhi leyi pfanganeke ni vumba; ku fuma loku, ku ta va ni matimba tlhelo rin'wana, kambe tlhelo rin'wana, ku ta va loku fayekaka.

Nhlavutelo 12:7

Kutani ku lwa ku va kona etilweni; Mikaele ni tintsumi ta yena va lwa ni dragona; yona dragona, yi lwa yi ri ni tintsumi ta yona.

Nhlavutelo 12:13

Kuteloko dragona yi vonile leswaku yi cukumetiwile emisaveni, yi ya hlongorisa wansati la nga veleka n'wana wa wanuna.

Nhlavutelo 13:1

Kutani ndzi vona xivandza lexi humaka elwandle, xi ri ni timhondzo ta khume, ni tinhloko ta ntlhanu na timbirhi; etimhondzweni ta xona, xi rhwele tihari ta khume etinhlokweni ta xona, ku tsariwile mavito ya xisandzu.

Nhlavutelo 13:2

Xivandza lexi ndzi xi voneke, a xi fana ni yingwe, milenge ya xona yi fana ni milenge ya bere; nomu wa xona wu fana ni nomu wa nghala; kutani dragona yi xi nyika matimba ya yona, ni xiluvelo xa yona, ni vuhosi lebyikulu.

Nhlavutelo 13:4

Kutani va gandzela dragona hikuva a yi nyikile xivandza matimba ya yona, va gandzela ni xivandza, va ku: “I mani la ringanaka ni xivandza, i mani la nga tiyaka ku lwa na xona?”

Nhlavutelo 15:1

Kutani ndzi vona etilweni xikombiso xin'wana lexikulu lexi hlamarisaka, ti ri tintsumi ta ntlhanu na timbirhi leti tameleke makhombo ya ntlhanu na mambirhi ya ku hetelela hikuva vukari bya Xikwembu byi hetelela ha wona.

Daniele 2:41

Loko swi ri leswi u swi voneke, yi nga mikondzo ni tintiho ta yona, byi ri vumba bya muvumbi, tlhelo rin'wana a yi ri ya nsimbhi; ku fuma kuloku ku ta va loku avaneke kambe ku ta va ni matimba ya nsimbhi, hikuva u vonile nsimbhi leyi hlanganisiweke ni vumba.