Nhlavutelo 12:1 - Xitsonga (Bibele)

¹ Kutani ku humelela singita lerikulu etilweni: I wansati la ambaleke dyambu, n'weti wu ri hansi ka milenge ya yena, kutani a rhwele enhlokweni harhi ya tinyeleti ta khume na timbirhi.

BIBELE Mahungu Lamanene

¹ Kutani ku humelela singita lerikulu etilweni, ra wansati loyi a ambaleke dyambu, ni n'weti wu ri ehansi ka minkondzo ya yena, a ri ni harhi ya tinyeleti ta 12 enhlokweni ya yena.

Testamente Leyimpsha Xichangana

¹ Kutani kuhumelela singita lerikulu tilweni, ra wansati lweyi ayambaleke jambu, n'weti ayili hansi ka minkondzo ya yena, aali ni hari nhlokweni ya yena, ya tinyeleti ta khume ni timbirhi.

Nhlavutelo 12:1 Referans Kwoze

Luka 21:25

“Masingita ma ta va kona edyambyini, ni le n'wetini, ni le tinyeletini, ni la emisaveni, vamatiko va ta xaniseka, va kanakana hikwalaho ka ku pfuma ka lwandle ni magandlati.

Vaefesa 5:32

Xihundla lexi xi kurile, kambe ndzi vulavurisa sweswo hi ku ringanisa Kriste ni Kereke.

Esaya 62:3

U ta va harhi ya ku kwetsima evokweni ra Yehovha, xihuku xa vuhosi evokweni ra Xikwembu xa wena.

Marka 13:25

ni tinyeleti ti ta wa hi le tilweni, ni leswa matimba swa le tilweni swi ta tsekatseka.

Risimu ra Tinsimu 6:10

I mani loyi a humelelaka kukotisa vurhonga. La sasekeke kukotisa n'weti, la tengeke kukotisa dyambu, Kambe a chavisa kukotisa mavandla lama tameleke mijeko xana?

Luka 21:11

Kutani ku tsekatseka lokukulu ka misava ku ta va kona hi matlhelo man'wana; ku ta wa tindlala ni ntungu; swilo leswi chavisaka ngopfu, ni masingita lamakulu swi ta humelela etilweni.

Pisalema 104:2

U tifunengete hi ku vonakala kukotisa nkumba, U andlale matilo kukotisa tende.

Pisalema 84:11

Hikuva Yehovha Xikwembu i dyambu ni xitlhangu, Yehovha u nyika tintswalo ni ku kwetsima, A nga aleri nchumu eka lava fambaka eku lulameni.

2 TIKRONIKA 32:31

Kakuloko tihosi ta Babilona ti rhuma tintsumi eka yena ku vutisa mahlori lama humeleleke etikweni ra Israele, Xikwembu xi n'wi tshika ku n'wi ringa xi ta tiva hinkwaswo leswi ngi swi ri embilwini ya yena.

Nhlavutelo 21:23

Kutani muti a wu na ku voningiwa hi dyambu ni n'weti, hikuva wu voningiwa hi ku kwetsima ka Xikwembu, na xona Xinyimpfana i rivoningo ra wona.

Nhlavutelo 15:1

Kutani ndzi vona etilweni xikombiso xin'wana lexikulu lexi hlamarisaka, ti ri tintsumi ta ntlhanu na timbirhi leti tameleke makhombo ya ntlhanu na mambirhi ya ku hetelela hikuva vukari bya Xikwembu byi hetelela ha wona.

Nhlavutelo 12:3

Kambe ku humelela singita rin'wana etilweni: I dragona leyikulu leyo tshwuka, yi nga ni tinhloko ta ntlhanu na timbirhi ni timhondzo ta khume; etinhlokweni ta yona a ku ri ni tihari ta ntlhanu na timbirhi.

Nhlavutelo 11:19

Kavaloko tempele ya Xikwembu yi pfuriwa etilweni, kutani areka ya ntwanano wa xona yi voniwa etempeleni ya xona; kutani ku humelela ku hatima, ni marito, ni ku pfuma, ni ku tsekatseka ka misava, ni xihangu lexikulu.

Timhaka 2:19

Ndzi ta endla masingita ehenhla etilweni, ni swikombiso ehansi emisaveni, ngati, ni ndzilo, ni hunguva ya musi.

Matewu 24:30

Enkarhini wolowo, xikombiso xa le tilweni, hi kona matiko hinkwawo ya misava ma nga ta tiba xifuva, va ta vona N'wana wa Munhu a ta hi mapapa ya le tilweni, hi matimba lamakulu, ni ku vonakala lokukulu.

Zakariya 9:16

Yehovha, Xikwembu xa vona, xi ta va ponisa hi siku rero, kukota ntlhambi lowu nga tiko ra yena; hikuva va ta kota maribye lama vangamaka ya harhi ya vuhosi etikweni ra yena.

Esaya 61:10

Ndzi ta titsakela eka Yehovha, moya wanga wu ta titsakela eka Xikwembu xa mina; hikuva xi ndzi ambexile tinguvu ta ku hlayiseka, xi ndzi funengetile hi nkumba wa ku lulama kukotisa muvuti la tibombiseke hi musingasoro, kukotisa mutekiwa la tibombiseke hi ku saseka ka nsuku.

Malakiya 4:2

“Kambe loko mi ri n'wina lava chavaka vito ra mina dyambu ra ku lalama ri ta huma ri ri ni ku hanyisa etimpapeni ta rona; mi ta huma, mi tlula ku fana ni marhole ya le tshangeni.

Vagalatiya 6:14

Kambe loko ndzi ri mina, ku tidzunisa a ku ve kule na mina, loko ku nga ri hi xihambano xa Hosi ya hina, Yesu Kriste, loyi misava yi vamberiweke mina ha yena, na mina ndzi vambiwile eka yona.

Matewu 12:38

Enkarhini wolowo vatsari ni Vafarisi van'wana va hlamula Yesu, va ku: “Mufundhisi, hi rhandza ku ku vona u endla mahlori.”

Nhlavutelo 21:14

Rirhangu ra muti ri ni masungulo ya khume na mambirhi, lawa ku tsariweke eka wona mavito ya khume na mambirhi ya vaapostola va khume na vambirhi va Xinyimpfana.

Nhlavutelo 1:20

xihundla xa tinyeleti ta ntlhanu na timbirhi leti u ti voneke evokweni ra mina ra xinene, ni xa tikandelari ta nsuku, hi xo lexi: Tinyeleti ta ntlhanu na timbirhi, i tintsumi ta tikereke ta ntlhanu na timbirhi; kutani tikandelari ta ntlhanu na timbirhi, i tikereke ta ntlhanu na timbirhi.

Vagalatiya 3:27

Hikuva n'wina hinkwenu lava khuvuriweke eka Kriste, mi funengele Kriste.

2 Vakorinto 11:2

Hikuva ndza mi rhandza hi rirhandzu ra Xikwembu, hi leswi ndzi mi lovoleleke enuneni un'we, ku mi humesela eka Kriste, mi kotisa wanhwana la nga riki na nandzu.

Varhoma 3:22

ku lulama ka Xikwembu i ku pfumela eka Yesu Kriste, loku nga ka hinkwavo, ni le henhla ka hinkwavo lava pfumelaka;

Yohane 3:29

Loyi a fuwaka mutekiwa, i muteki; kambe xangwana ya muteki leyi yimaka yi n'wi yingisa, yi tsaka hi ku tsaka lokukulu, loko yi twa rito ra muteki; hi kona ku tsaka ka mina loku hetisekeke.

Varhoma 13:14

kambe mi tifunengeta ha Hosi Yesu Kriste, kutani mi nga tsetseleri nyama hi ku yi xurhisa eku naveleni ka yona.

Vagalatiya 4:26

Kambe Yerusalema wa le henhla, a nga bohiwanga, hi yena la nga mana wa hina hinkwerhu.