Nhlavutelo 10:1 - Xitsonga (Bibele)

¹ Kutani ndzi vona ntsumi yin'wana ya matimba leyi xikaka hi le tilweni, yi rhendzeriwe hi papa, yi ri ni nkwangulatilo enhlokweni; mombo wa yona wu fana ni dyambu, milenge ya yona yi kotisa timhandze ta ndzilo.

BIBELE Mahungu Lamanene

¹ Kutani ndzi vona ntsumi yin'wana ya matimba yi xika hi le tilweni yi phutseriwile hi papa, yi ri ni nkwangulatilo ehenhla ka nhloko ya yona; nghohe ya yona a yi fana ni dyambu, milenge ya yona yi fana ni timhandze ta ndzilo.

Testamente Leyimpsha Xichangana

¹ Kutani nivona ntsumi yin'wana ya matimba yixika hi le tilweni na yiyambale refu, yili ni nkwangulatilo henhla ka nhloko ya yona; nghohe ya yona ayifana ni jambu, milenge ya yona ayifana ni timhandze ta ndzilo.

Nhlavutelo 10:1 Referans Kwoze

Matewu 17:2

Kutani a hundzuka emahlweni ka vona; mombo wa yena wu kwetsima kukotisa dyambu; na tona tinguvu ta yena ti hundzuka leto basa, ti vangama.

Ezekiele 1:28

Tanihi ku saseka ka nkwangulatilo emapepeni hi siku ra mpfula, a ku sasekisile xisweswo ematlhelweni hinkwawo hi ku vonakala loku: A ku ri hlavutelo ya ku kwetsima ka Yehovha. Kuteloko ndzi swi vonile, ndzi wa hi mombo wa mina, ndzi ri karhi ndzi twa rito ra un'wana la vulavulaka.

Nhlavutelo 5:2

Kutani ndzi vona ntsumi ya matimba leyi huwelelaka hi rito lerikulu, yi ku: “I mani la fanelaka ku pfula buku ni ku lemula ku tiyisa ka yona?”

Daniele 10:6

Miri wa yena wu fana ni krisolita, mombo wa yena wu hatima kukotisa rihati mahlo ya yena ma kotisa swisa leswi pfurhaka, mavoko ni milenge ya yena swi kotisa koporo leyi khuxiweke; rito ra yena loko a vulavula a ri fana ni mpfumawulo wa lavo tala.

Nhlavutelo 4:3

La tshameke eka xona, a a fana ni ribye ra yaspere ni sardiyo, xona xiluvelo xi rhendzeriwe hi nkwangulatilo lowu fanaka ni ku vonakala ka emeralda.

Nhlavutelo 8:13

Kavaloko ndzi languta, kutani ndzi twa ntsumi leyi hahaka empfhukeni wa le tilweni, yi ku hi rito leri tlakukeke: “Ku ni khombo, ku ni khombo, ku ni khombo eka lava akeke emisaveni hikwalaho ka marito lama seleke ya tinanga ta tintsumi letinharhu leti nga ta ti yimba.”

Pisalema 104:3

Wa yimisa timhandze ta tindlu ta yena leti tlakukeke exikarhi ka mati, U endle mapapa golonyi ya yena, U famba a khandziyile etimpapeni ta moya,

Pisalema 97:2

Mapapa ni munyama swi n'wi rhendzele, Ku lulama, ni ku avanyisa, i masungulo ya xiluvelo xa yena.

Nhlavutelo 1:7

Vonani, wa ta hi mapapa; mahlo hinkwawo ma ta n'wi vona, na vona lava n'wi tlhaveke, kutani tinxaka hinkwato ta misava ti ta tiba swifuva hikwalaho ka yena. Ina, Amen!

Timhaka 26:13

loko ndzi ri endleleni, ndzi vona ku vonakala loku pfaka etilweni, loku tlurisaka dyambu hi ku kwetsima, ku ndzi rhendzela ni lava ngi va famba na mina.

Luka 21:27

Hilaha va nga ta vona N'wana wa Munhu a ta epapeni hi matimba lamakulu, ni ku vonakala lokukulu.

Daniele 7:13

“Ndzi ku ndzi languta eswivonweni swa vusiku, kutani vonani, un'wana la fanaka ni n'wana wa munhu a humelela hi mapapa ya le henhla, a fika eka Nkulukumba wa masiku, a tisiwa emahlweni ka yena.

Swirilo 3:44

U tifunengetile hi papa, Leswaku xikhongelo xa hina xi nga tshuki xi fika eka wena.

Esaya 54:9

“Hikuva ku ta va eka mina tanihi mati ya Nowa, loko ndzi hlambanya leswaku mati ya Nowa ma nga ka ma nga ha hangalaki emisaveni. Ndzi hlambanyile leswaku ndzi nga ka ndzi nga ha ku kariheli ni ku ku wumeta.

Esaya 19:1

“Vonani, Yehovha u khandziyile epapeni lero vevuka; a kongome eEgipta; swikwembu swa Egipta swi rhurhumela emahlweni ka yena, timbilu ta Vaegipta ti tsanile endzeni ka vona.

Risimu ra Tinsimu 5:15

Milenge ya yena yi fana ni timhandze ta mabulu leyo basa; Ti vekiwe eswikhatweni swa nsuku lowu tengeke. Xivumbeko xa yena xi fana na Lebanoni, Xi hlawulekile ku fana ni xa tikedari. Rito ra yena ra nandziha ngopfu, Kutani vumunhu bya yena hinkwabyo hi lebyi tsakisaka.

Levhitika 16:2

Yehovha a ku eka Muxe: “Byela Aroni, makwenu, a nga tshuki a nghena hi mikarhi hinkwayo evukwetsimelweni, endzeni ka nguvu ya xisirhelo emahlweni ka vukhongelelo lebyi nga earekeni, a nga ta tshuka a fa; hikuva ndzi ta tikombisa epapeni ehenhla ka vukhongelelo.

Eksoda 16:10

Kutani loko Aroni a ri karhi a vulavula ni nhlengeletano ya vana va Israele, a va languta tlhelo ra mananga, kutani ku kwetsima ka Yehovha ku vonaka epapeni;

Nhlavutelo 18:1

Endzhaku ka swona, ndzi vona ntsumi yin'wana leyi xikaka hi le tilweni, yi ri ni matimba lamakulu; kutani misava, yi voningiwa hi ku kwetsima ka yona.

Nhlavutelo 18:21

Kutani ntsumi ya matimba yi teka ribye lerikulu leri fanaka ni tamba ra ku sila, yi ri hoxa elwandle, yi ku: “Ku ta hoxisiwa sweswo hi matimba eBabilona, muti lowukulu, kutani a wu nga ha kumiwi.

Nhlavutelo 20:1

Kutani ndzi vona ntsumi yin'wana leyi xikaka hi le tilweni; yi ri ni mpfungura wa khele ni mpecana leyikulu evokweni ra yona;