Nhlavutelo 1:18 - Xitsonga (Bibele)

¹⁸ ni Loyi a hanyaka; a ndzi file, kutani sweswi, ndza hanya hi masiku ni masiku; ndzi ni mimpfungura ya xivandla xa vafi ni ya rifu.

BIBELE Mahungu Lamanene

¹⁸ ni loyi a hanyaka. A ndzi file, kambe vona, sweswi ndzi loyi a hanyaka hilaha ku nga heriki. Ndzi ni swilotlelo swa rifu ni swa xivandla xa vafi.

Testamente Leyimpsha Xichangana

¹⁸ ni lweyi ahanyaka. Anifile, kambe vona, svosvi ni lweyi ahanyaka hilaha kungaheliki. Ni ni makhiya ya rifu ni ya hayidisi.

Nhlavutelo 1:18 Referans Kwoze

Varhoma 6:9

hikuva ha swi tiva leswaku Kriste, loko a pfukile eku feni, a nga ka a nga ha fi; rifu a ra ha ri na matimba ehenhla ka yena.

Vaheveru 7:25

Hikwalaho, naswona, a swi kota ku ponisa, hi ku hetisisa lava tshinelelaka Xikwembu ha yena, hikuva u karhi wa hanya hi masiku ku va khongelela.

Pisalema 68:20

Xona Xikwembu, hi xona lexi nga ni matimba ya ku hi ponisa, Hi yena Yehovha, Hosi ya hina, la tivaka ku hi humesa eku feni.

Nhlavutelo 3:7

“Tsalela ni ntsumi ya kereke ya Filadelfiya, u ku: “ ‘La kwetsimeke, Lowa ntiyiso, La nga ni mpfungura wa Davhida, La pfulaka, ku nga pfari munhu; La pfalaka, ku nga pfuri munhu, u vulavula sweswo, u ri:

Esaya 22:22

Ndzi ta veka mpfungura wa yindlu ya Davhida ekhatleni ra yena; u ta pfula, kutani a ku na la nga ta pfala; u ta pfala, kambe a ku na la nga ta pfula.

Vaheveru 12:2

hi ri karhi hi languta eka Yesu, musunguri ni muhetisi wa ku pfumela, la nga tiyela xihambano hikwalaho ka ku tsaka loku a ku vekeriweke, a nga vulanga nchumu hi tingana, kutani u tshamisile exiluvelweni, evokweni ra xinene ra Xikwembu.

Matewu 16:19

Ndzi ta ku nyika swilotlelo swa ku fuma ka matilo, kutani hinkwaswo leswi u nga ta swi boha la emisaveni, swi ta bohiwa ni le tilweni, ni leswi u nga ta swi tshunxa la emisaveni, swi ta tshunxiwa ni le tilweni.”

Nhlavutelo 20:14

Kutani rifu ni xivandla xa vafi swi hoxiwa etiveni ra ndzilo; hi rona rifu ra vumbirhi, tiva ra ndzilo.

Vaheveru 1:3

yena yeloyi a nga ku vonakala ka ku kwetsima ka xona, ni xivumbeko xa xiviri xa xona, la tamelaka swilo hinkwaswo hi rito ra yena ra matimba kuteloko a hlantswile swidyoho swa hina hi xiviri xa yena, u tshamile evokweni ra xinene ra vukulukumba bya le henhla,

Vagalatiya 2:20

Ndzi vambiwile na Kriste, kutani ndzi hanya, ndzi nga ri mina, kambe i Kriste la hanyaka eka mina, kutani sweswi, loko ndza ha hanya enyameni, ndzi hanya eku pfumeleni ka N'wana wa Xikwembu, la ndzi rhandzeke, a vuya a tinyiketela mina.

Nhlavutelo 4:9

Kutani loko swivumbiwa leswi hanyaka swi ri karhi swi vula ku kwetsima, ni xichavo, ni ku khensa eka la tshameke exiluvelweni, la hanyaka hi masiku lama nga heriki,

Vaheveru 7:16

loyi a nga vekiwangiki hi nawu lowu lerisiweke hi nyama, kambe hi matimba ya vutomi lebyi nga heriki.

2 Vakorinto 13:4

Hikuva hambi a tshama a vambiwa eku tsaneni, sweswi wa hanya hi matimba ya Xikwembu; kutani na hina hi karhi ha tsana na yena, kambe hi ta hanya na yena hi matimba ya Xikwembu exikarhi ka n'wina.

Ntirho 19:25

Kambe ndza swi tiva leswaku Mukutsuri wa mina wa hanya, Hikuva u ta pfuka emisaveni a ri yena wa ku hetelela.

Nhlavutelo 9:1

Ntsumi ya vuntlhanu yi yimba nanga, kutani ndzi vona nyeleti leyi humaka etilweni, yi wele emisaveni; kutani ntsumi yi nyikiwa mpfungura wa khele ra tihele.

Yohane 14:19

Ku nga ri kungani, kutani misava yi nga ha ndzi voni, kambe n'wina mi ta ndzi vona; hikuva ndza hanya, na n'wina mi ta hanya.

Vakolosa 3:3

hikuva mi file, kutani vutomi bya n'wina byi fihliwile na Kriste eka Xikwembu.

Pisalema 18:46

Yehovha wa hanya, a ku dzunisiwe ribye ra mina! A ku twarisiwe Xikwembu xa ku hlayiseka ka mina!

Nhlavutelo 5:14

Kutani swivumbiwa leswi hanyaka leswa mune swi ku: “Amen!” Kutani vakulukumba va makume mambirhi na mune va khinsama, va gandzela.

1 SAMIELE 2:6

I Yehovha la lovisaka ni la hanyisaka, Wa xikisa vanhu exivandleni xa vafi, kutani a va humesa kona. I Yehovha la endlisaka vusiwana ni ku fuwisa,

Ntirho 38:17

Xana tinyangwa ta rifu ti tikombisile eka wena-ke? Xana u vonile tinyangwa ta ndzhuti wa rifu?

Matewu 11:23

Na wena Kapernawume, la tlakusiweke ku fika le tilweni, u ta tsongahatiwa ku fikela endhawini ya lava feke; hikuva mahlori lama endliweke eka rikwenu, loko ingi ma endliwe Sodoma, muti wolowo a wu ta va wa ha ri kona ni sweswi.

Luka 24:5

Kakuloko va ha tshukile ngopfu, va korhamele ehansi, va ku eka vona: “Xana mi lavela yini la hanyaka exikarhi ka vafi?

Yohane 11:25

Yesu a ku eka yena: “Hi mina ku pfuka ni vutomi; la pfumelaka eka mina, hambi a file, u ta hanya.

Nhlavutelo 2:8

“Tsalela ni ntsumi ya kereke ya Smirna, u ku: “ ‘Lowo rhanga ni wa le ndzhaku, loyi a nga fa a tlhela a hanya, u vulavula sweswo, u ri:

Nhlavutelo 6:8

Ndzi languta, kutani ndzi vona hanci ya ribungwanyana; loyi a yi khandziyeke a a vuriwa Rifu, a a landzeriwa hi xivandla xa vafi; kutani a nyikiwa matimba ehenhla ka tlhelo ra vumune ra misava, ku ya dlaya vanhu hi tlhari ni ndlala, ni rifu ni hi swivandzana swa misava.

Nhlavutelo 10:6

yi hlambanya hi la hanyaka hi masiku ni masiku, la nga vumba tilo ni leswi nga eka rona, ni misava ni leswi nga eka yona, ni lwandle ni leswi nga eka rona, leswaku nkarhi wu nga ka wu nga ha vi kona,

Nhlavutelo 15:7

Xin'wana xa swivumbiwa swa mune leswi hanyaka xi nyika tintsumi leta ntlhanu na timbirhi swimbitana swa nsuku swa ntlhanu na swimbirhi, leswi teleke vukari bya Xikwembu lexi hanyaka hilaha ku nga heriki.

Nhlavutelo 20:13

Lwandle ri tlherisa vafi va rona; rifu ni xivandla xa vafi, swi humesa vafi lava ngi va ri eka swona; kutani un'wana ni un'wana a avanyisiwa hi mitirho ya yena.