Nhlavutelo 1:1 - Xitsonga (Bibele)

¹ Ku hlavutela ka Yesu Kriste loku a ku nyikiweke hi Xikwembu, a ta tivisa malandza ya yena timhaka leti fanelaka ku humelela sweswi, leti a ti rhumeke hi ntsumi ya yena, a va a ti kombisa Yohane, nandza wa yena,

BIBELE Mahungu Lamanene

¹ Leyi i nhlavutelo ya Yesu Kriste, leyi Xikwembu xi n'wi nyikeke yona, leswaku a ta komba malandza ya xona swilo leswi swi fanelaka ku humelela ku nga ri khale. Kriste ú tivisile swilo leswi hi ku rhumela ntsumi ya yena eka Yohane nandza wa yena.

Testamente Leyimpsha Xichangana

¹ Loku i kuhlavutela ka Yesu Kriste, loku Xikwembu ximunyikeke kona, lesvaku atakomba malandza ya yena svilo lesvi svifanelaka kuhumelela kungali khale. Kriste asvitivisile hi kurhumela ntsumi ya yena ka Yohani nandza wakwe.

Nhlavutelo 1:1 Referans Kwoze

Nhlavutelo 22:16

“Mina Yesu, ndzi rhumile ntsumi ya mina ku vula vumbhoni bya timhaka teto etikerekeni. Hi mina rimitsu ni rixaka ra Davhida, ni nyeleti leyi voningaka ya mixo.”

Nhlavutelo 22:6

Kutani yi ku eka mina: “Timhaka leti, ti tiyile, i ta ntiyiso; Hosi, Xikwembu xa mimoya ya vaprofeta; xi rhumile ntsumi ya xona yi ta kombisa malandza ya xona leswi nga ta humelela sweswi.

Vagalatiya 1:12

hikuva a ndzi yi amukelanga eka munhu, hambi ku ri ku yi dyondzisiwa hi munhu, kambe ndzi hlavuteriwile yona hi Yesu Kriste.

Amosi 3:7

Hikuva Hosi, Yehovha, a nga endli nchumu a nga si kombisa makungu ya yena eka malandza ya yena va nga vaprofeta.

Vaefesa 3:3

hi laha ndzi tivisiweke xihundla lexi hi ku hlavuteriwa, kukotisa lexi ndza ha ku mi tsalelaka hi marito ma nga ri mangani;

Nhlavutelo 1:19

Sweswi tsala timhaka leti u ti voneke ni leti nga kona sweswi, ni leti fanelaka ku ta endzhaku ka leti;

Daniele 9:23

Kuteloko wa ha ku sungula ku khongela, rito ri humelele, leri ndzi teleke ku ta ku tivisa rona, hikuva u ri la rhandziwaka. Yingisa rito swinene, u xiyaxiya xivono.

Nhlavutelo 1:9

Mina Yohane, makwenu, ni la averiweke swin'we na n'wina maxangu, ni ku fuma, ni ku tiyisela loku nga eka Yesu, a ndzi ri exihlaleni lexi vuriwaka Patmosi, hikwalaho ka Rito ra Xikwembu, ni hikwalaho ka vumbhoni bya Yesu.

Yohane 3:32

Kutani lexi a xi voneke, ni lexi a xi tweke, hi lexi a xi tiyisaka; kambe a ku na munhu la amukelaka vumbhoni bya yena.

Daniele 9:21

kakuloko ndza ha vulavula hi xikhongelo, wanuna Gabriele, yeloyi a ndzi sungurile ku n'wi vona exivonweni a hatlisa a ta eka mina, wu ri nkarhi wa gandzelo ra madyambu.

Yohane 15:15

A ndza ha mi vuli malandza, hikuva nandza a nga tivi leswi hosi ya yena yi swi endlaka; ndzi mi vurile vanakulorhi, hikuva ndzi mi tivisile hinkwaswo leswi ndzi swi tweke eka Tatana.

Daniele 8:16

Kutani ndzi twa rito ra munhu leri sukaka exikarhi ka nambu wa Ulayi, ri huwelela, ri ku: “Gabriele, n'wi hlavutelele leswi a swi voneke.”

Pisalema 25:14

Makungu ya Yehovha i ya lava n'wi chavaka, Ku va dyondzisa ntwanano wa yena.

Nhlavutelo 4:1

Endzhaku ka sweswo ndzi languta, kutani ndzi vona nyangwa yi pfuriwile etilweni kutani rito lero rhanga leri ndzi ri tweke, ri vulavula na mina, ri fana ni nanga, ri ku: “Tlhandlukela halenu, ndzi ta ku kombisa leswi nga ta humelela endzhaku ka leswi.”

Yohane 12:49

Hikuva a ndzi vulavulanga ndzi tisungulela swa mina; kambe Tatana la ndzi rhumeke, hi yena la ndzi leriseke leswi ndzi swi vulaka, ni mukhuva lowu ndzi swi vulaka ha wona;

Yohane 8:26

Ndzi ni timhaka leto tala ku ti vula hi n'wina ni ku avanyisa; kambe la ndzi rhumeke wa tshembeka; kutani timhaka leti ndzi ti tweke eka yena, ndzi ti byela vanhu.”

Nhlavutelo 21:2

Ndzi vona ni muti lowo kwetsima, Yerusalema lowuntshwa, lowu xikaka hi le tilweni eka Xikwembu, wu tilunghisile kukota mutekiwa la tibombiseleke nuna wa yena.

Varhoma 16:25

Eka loyi a nga ni matimba ya ku mi tiyisa eEvhangelini ya mina, ni le ku dyondziseni ka Yesu Kriste, hi xikombiso xa xihundla lexi ingi xi funengetiwile emikarhini ya vukulukulu,

Yohane 17:8

Hikuva ndzi va nyikile marito lawa u ndzi nyikeke wona; kutani va ma amukerile, va swi tivile swinene leswaku ndzi huma eka wena, kambe va pfumerile leswaku hi wena loyi u ndzi rhumeke.

Tito 1:1

Pawulo, nandza wa Xikwembu ni muapostola wa Yesu Kriste, hikwalaho ka ku pfumela ka vahlawuriwa va Xikwembu, ni ku tiva ntiyiso lowu nga ni vukhongeri,

Nhlavutelo 5:7

Kutani xi ta, xi teka buku evokweni ra xinene ra loyi a tshameke exiluvelweni.

Nhlavutelo 17:1

Ntsumi yin'wana ya leta ntlhanu na timbirhi leti tameleke swimbitana swa ntlhanu na swimbirhi yi ta, yi vulavula na mina, yi ku: “Tana, ndzi ta ku kombisa ku avanyisiwa ka muoswi lonkulu, la tshamiseke ehenhla ka mati layo tala,

Nhlavutelo 19:9

Kutani ntsumi yi ku eka mina: “Tsala: Ku katekile lava rhambiweke enkhubyeni wa vukati bya Xinyimpfana.” Yi engeta yi ku eka mina: “Hi wona marito ya xiviri ya Xikwembu.”

Nhlavutelo 19:10

Kutani ndzi wela emilengeni ya yona ku yi gandzela, kambe yi ku eka mina: “U nga tshuki u endlisa sweswo; ndzi nakuloni entirhweni, ni wa vamakwenu lava nga ni vumbhoni bya Yesu, gandzela Xikwembu.” Hikuva vumbhoni bya Yesu i moya wa vuprofeta.

Nhlavutelo 21:9

Kutani ntsumi yin'wana ya leta ntlhanu na timbirhi leti tameleke swimbitana swa ntlhanu na swimbirhi, leswi teleke makhombo ya ntlhanu na mambirhi ya ku hetelela, yi ta yi vulavula na mina, yi ku: “Tana, ndzi ta ku kombisa mutekiwa, la nga nsati wa Xinyimpfana.”

Nhlavutelo 22:1

Kutani ntsumi yi ndzi kombisa nambu wa mati ya vutomi, lowu tengeke kukotisa kristala, wu huma exiluvelweni xa Xikwembu, ni xa Xinyimpfana.

Nhlavutelo 22:8

Hi mina Yohane loyi a nga vona swilo leswo ni la nga ti twa. Kuteloko ndzi swi yingisile ni ku swi vona, ndzi tiwise ehansi, ndzi khinsama emilengeni ya ntsumi leyi ndzi kombiseke swilo leswo.

Nhlavutelo 22:9

Kambe yi ku eka mina: “U nga endlisi sweswo, hikuva ndzi nakulorhi entirhweni, ni wa vamakwenu va vaprofeta, ni wa lava hlayisaka marito ya buku leyi; gandzela Xikwembu.”