Nehemiya 9:9 - Xitsonga (Bibele)

⁹ “U vonile mahlomulo ya vatata wa hina loko va ri Egipta, u twile ku huwelela ka vona, loko va ri ekusuhi ni Lwandle ro Tshwuka,

BIBELE Mahungu Lamanene

⁹ “U vonile ku xaniseka ka vatata wa hina etikweni ra Egipta, u tlhela u twa xirilo xa vona le Lwandle-ro-Tshwuka.

Nehemiya 9:9 Referans Kwoze

Timhaka 7:34

Ndzi vonisisile ku xaniseka ka tiko ra mina eEgipta, ni ku vovola ka vona, ndzi ku twile, kutani ndzi xikile ku va ponisa; tana sweswi, ndzi ta ku rhuma eEgipta.’

Eksoda 3:16

Famba, u ya hlengeleta vakulukumba va Israele, u ku eka vona: ‘Yehovha, Xikwembu xa vatata wa n'wina, Xikwembu xa Abrahama, ni xa Isaka, ni xa Yakobo, xi tikombisile eka mina,’ xi ku: ‘Ndzi mi kambile kunene; ndzi vonile leswi mi endliwaka swona eEgipta,’

Eksoda 2:25

kutani Xikwembu xi languta vana va Israele, xi va tiva.

Eksoda 14:31

Ku va kona Israele a vonaka matimba lamakulu ya Yehovha, lawa a ma kombiseke Vaegipta. Kutani tiko ri chava Yehovha; ri pfumela eka Yehovha ni le ka Muxe, nandza wa yena.

Ezekiele 20:6

“Hi siku lero ndzi yimise voko ra mina eka vona, ku va humesa etikweni ra le Egipta, va ta etikweni leri ingi ndzi ri hlawulele vona, leri nga ni ntswamba ni vulombe, lero saseka exikarhi ka matiko hinkwawo.

Timhaka 7:7

Kambe tiko leri ri va boheke, ndzi ta ri avanyisa, ku vula Xikwembu; kutani endzhaku ka swona va ta suka kona, va ta ndzi tirhela exivandleni xexi.’