Nehemiya 9:31 - Xitsonga (Bibele)

³¹ Kambe hi mitsetselelo ya wena ya ku tala, a ku va hetanga, a ku va fularhelanga, hikuva u Xikwembu xa tintswalo ni vunene.

BIBELE Mahungu Lamanene

³¹ Hambiswiritano, hikwalaho ka tintswalo ta wena letikulu a wu va herisanga kumbe ku va tshika, hikuva u Xikwembu lexi xi nga ni tintswalo ni ku twela vusiwana.

Nehemiya 9:31 Referans Kwoze

Yeremiya 4:27

Hikuva Yehovha u vurile, a ku: “Tiko hinkwaro ri ta hundzuka mananga kambe ndzi nga ka ndzi nga ri heriseli makumu.

Nehemiya 9:17

va ala ku twa, a va anakanyangi swihlamariso swa wena leswi u va endleleke swona, kambe va nonon'hwisa tinhamu ta vona, va tiarisa, va tivekela tihosi va ta tlhelela eku bohiweni ka vona. Kambe wena u Xikwembu lexi teleke ku rivalela ni tintswalo ni vunene, u hlwela ku kariha, u tele ku tsetselela, a ku va fularhelanga.

Swirilo 3:22

I tintswalo ta Yehovha leti ti endleke leswaku hi nga tshuki hi lova, Hikuva tintswalo ta yena a ti si hela;

Yeremiya 5:18

Hambiswiritano, hi siku rero, ku vula Yehovha, ndzi nga ka ndzi nga mi heriseri makumu.

Yeremiya 5:10

“Khandziyani emarhangwini ya yena, mi mbundzuxa, kambe ku nga vi ku ya herisela emakumu; tsuvulani vhinya ya yena; hikuva a hi vhinya ya Yehovha.

Daniele 9:9

Kambe eka Hosi, Xikwembu xa hina, ku ni tintswalo ni ku rivalela, hikuva hi tikurisele yena.

2 TIKRONIKA 30:9

Hikuva loko mi tlhela eka Yehovha, vamakwenu ni vana va n'wina va ta kuma tintswalo eka lava va va yiseke evukhumbini, kutani va ta vuya etikweni leri; hikuva Yehovha, Xikwembu xa n'wina, u tele tintswalo ni vunene, a nga ka a nga mi fularheli loko mi vuya ka yena.”

2 TIHOSI 13:23

Kambe Yehovha a twela Vaisraele vusiwana, a va endla hi tintswalo, a va hundzukela hi mombo, hikwalaho ka ntwanano wa yena na Abrahama, na Isaka, na Yakobo a nga rhandzangi ku va heta, ni ku fika sweswi a nga va cukumetangi ekule ni mombo wa yena.

Duteronoma 4:31

Hikuva, Yehovha, Xikwembu xa wena, i Xikwembu xa tintswalo; xi nga ka xi nga ku tshiki, kambe xi nga ka xi nga ku herisi, xi nga ka xi nga rivali ntwanano wa vatata wa wena lowu xi va hlambanyeleke wona.

Nehemiya 9:19

hi ku tsetselela ka wena lokukulu, a ku va tshikanga mananga; ku nembelela ka papa a ku tshikangi ku va ungamela ninhlekanhi loko va famba hi ndlela, nivusiku, ku nembelela ka ndzilo a ku tshikanga ku voninga ndlela leyi va faneleke ku famba ha yona.

Esaya 48:9

“Hikwalaho ka vito ra mina, ndzi khoma vukari bya mina, hikwalaho ka ku twala ka mina, ndza tikhoma ndzi nga tshuki ndzi ku lovisa.