Nehemiya 9:30 - Xitsonga (Bibele)

³⁰ U va byarha hi malembe yo tala, u va laya hi moya wa wena, u vulavula na vona hi vaprofeta va wena, kambe a va rhiyanga tindleve; hikwalaho u va nyiketeke emavokweni ya matiko ya misava.

BIBELE Mahungu Lamanene

³⁰ Emalembeni lawa yo tala, u va lehiserile mbilu, u va tsundzuxa hi Moya wa wena, hi milomo ya vaprofeta, kambe a va yingisanga, kutani u va nyiketa emavokweni ya vamatiko.

Nehemiya 9:30 Referans Kwoze

Varhoma 2:4

Kumbe u tsan'wa vunene, ni xivindzi, ni musa wa Xikwembu, u nga tsundzuki leswaku vunene bya xona byi ku byisela eku hundzukeni xana?

Timhaka 7:51

“N'wina va tinhamu le to nonon'hwa, mi nga yimbisiki timbilu ni tindleve! Mi alela Moya lowo Kwetsima hi masiku, mi kotisa vatata wa n'wina!

Esaya 42:24

La nyiketeke Yakobo eku phangiweni, na Israele eka lava n'wi hlanguriseke i mani? A hi Yehovha xana? Hi n'wi dyohele; kambe va arile ku famba etindleleni ta yena, a va yingisanga nawu wa yena.

2 Petro 1:21

Hikuva vuprofeta a byi tisiwanga hi ku rhandza ka munhu ni siku ni rin'we, kambe vanhu va Xikwembu lava hlawuriweke va vurile va ri karhi va susumetiwa hi Moya lowo Kwetsima.

1 Petro 1:11

va ri karhi va kamba xana nkarhi hi wihi, ni lowo yini lowu kombiweke hi Moya wa Kriste, lowu ngi wu ri ka vona, wu ri karhi wu endle vumbhoni bya nhlomulo wa Kriste, ni ku kwetsima loku nga ta wu landzela.

Zakariya 7:13

“Leswi a nga vitana, va nga twangiki, va vitanile kutani a ndzi yingisanga,” ku vula Yehovha wa tinyimpi.

Swirilo 2:17

Yehovha u endlile lexi a xi kaneleke, U hetisile makungu lawa ingi a ma lerisile emikarhini ya khale; U mbundzuxile, kutani a nga tsetselelanga; U tsakisile lava ku vengaka, u tlakusile rimhondzo ra lava va nga valala eka wena.

Yeremiya 25:4

Yehovha u tshama a rhuma eka n'wina malandza ya yena hinkwawo, vaprofeta, a va rhuma wa ha ri mixo, kambe a mi yingisanga, kambe a mi nga rhiyi tindleve ta n'wina ku twa.

Esaya 63:10

Kambe vona va tiarisile, kutani va vavisile moya wa yena lowo kwetsima; kutani yena u hundzuke nala wa vona, a va a lwa na vona.

Nehemiya 9:29

U va khongoterile ku tlhelela emilawini ya wena, kambe va tialele ku yingisa milawu ya wena, va dyohele ku lerisa ka wena loku munhu a nga ta hanya hakona loko a endla hakona; va humesile khatla leri alaka joko, va nonon'hwisa tinhamu ta vona, va nga yingisi nchumu.

Nehemiya 9:26

“Hambiswiritano va tiarisile va ku hundzukela, va cukumeta milawu ya wena endzhaku, va dlaya vaprofeta va wena lava nga endla vumbhoni exikarhi ka vona, leswaku va va hundzuluxela ka wena, kambe va ku sandza ngopfu.

Timhaka 28:25

Kutani, hikuva a va nga twanani, va hambana loko Pawulo a va byerile mhaka leyi, yi ri yin'we, a te: “Moya lowo Kwetsima wu vurisile hi nomu wa muprofeta Esaya eka vatata wa hina, wu ku:

Timhaka 13:18

Kutani emananga xi va endlela hi tintswalo hi malembe ya mune wa makume.

Yeremiya 44:22

Yehovha a nga kotanga ku ya emahlweni ku swi rhwala hikwalaho ka vudyoho bya mitirho ya n'wina ni manyala lawa mi ma endleke; kutani tiko ra n'wina ri hundzukile mananga, tiko leri onhiweke, leri soriweke, leri nga akiwiki hilaha swi voniwaka namuntlha.

Yeremiya 7:25

Ka ha ri mpfhuka ndzi humesa vatata wa n'wina va khale etikweni ra Egipta ku fika ni namuntlha, ndzi mi rhumela malandza ya mina hinkwawo va nga vaprofeta, ndzi ri karhi ndzi pfuka ka ha ri mixo hi siku rin'wana ni rin'wana ku va rhuma.

Pisalema 86:15

Kambe wena, Yehovha, u Xikwembu lexi twelaka vusiwana, lexa tintswalo, La hlwelaka ku kariha, la teleke tintswalo ni vunene.

Nehemiya 9:20

U va nyikile moya wa wena lowunene ku va tlharihisa, a ku tsonangi milomu ya vona manna ya wena, u va nyika ni mati ya ku nwa.

2 Petro 3:9

Hosi a yi hlweri ku endla leswi yi nga tshembisa swona, kukotisa loko van'wana va ehleketa leswaku ku hlwela ku kona, kambe wa ha lehisa mbilu hikwalaho ka n'wina, hikuva a nga rhandzi leswaku ku lova ni un'we, kambe u rhandza leswaku hinkwavo va ta eku hundzukeni.

Tinhlayo 11:26

Vavanuna vambirhi a va sele emixaxeni; vito ra un'wana a a ri Elidada, ra un'wana Medada, kutani Moya wu tshame ehenhla ka vona; a va ri lava tsariweke, kambe a va nga humanga ku ya etabernakeleni, kutani a va bvumbha emixaxeni.

Pisalema 95:10

Ndzi phiriwa hi rixaka leri hi mune wa makume ya malembe, Ndzi ku: “I tiko leri mbilu ya rona yi lahlekeke, A va tivi tindlela ta mina,”

Esaya 28:10

Hikuva i nawu ehenhla ka nawu ni nawu ehenhla ka nawu, ku lerisa ehenhla ka ku lerisa, ni ku lerisa ehenhla ka ku lerisa, mhaka yin'wana ehenhla ka ku lerisa, mhaka yin'wana sweswi, ni mhaka yin'wanyana endzhaku.”

Esaya 48:9

“Hikwalaho ka vito ra mina, ndzi khoma vukari bya mina, hikwalaho ka ku twala ka mina, ndza tikhoma ndzi nga tshuki ndzi ku lovisa.

Zakariya 7:12

Timbilu ta vona va ti hundzule dayimani, leswaku va nga twi nawu ni marito ya Yehovha wa tinyimpi lawa a va rhumeleke wona hi vaprofeta vo rhanga, hi Moya wa yena. Kutani ku humelela ku kariha lokukulu ka Yehovha wa tinyimpi.

2 TIHOSI 18:11

Hosi ya Asiriya yi yisa Vaisraele etikweni ra Asiriya, yi va akisa eHala, ni le nambyeni wa Habori, etikweni ra Gozana, ni le mitini ya Mediya,

2 TIHOSI 21:10

Kavaloko Yehovha a vulavula hi malandza ya yena, vaprofeta, a ku:

2 TIKRONIKA 24:19

Yehovha a rhuma exikarhi ka vona vaprofeta lava va layaka ku va tlherisela eka yena; kambe a va va yingisanga.

Ezra 9:10

Oho! Xikwembu, hi to yini sweswi, endzhaku ka mhaka leyi? Hikuva hi fularhele milawu ya wena,

Yeremiya 44:4

Ndzi tshama ndzi mi rhumela malandza ya mina hinkwawo, va nga vaprofeta, ndzi va rhuma wa ha ri mixo, leswaku mi nga endli swilo swa manyala leswi ndzi swi vengaka.

Yeremiya 44:5

Kambe a va swi twanga, a va rhiyanga tindleve ta vona leswaku va ta tshika vumbabva bya vona, va ta tshika ni ku hisela swikwembu swin'wana mirhi ra risuna.

Daniele 9:6

Kutani a hi yingisangi vaprofeta, malandza ya wena, lava nga vulavula hi vito ra wena eka tihosi ta hina, ni ka tindhuna ta hina, ni ka vatata wa hina, ni ka vanhu hinkwavo va tiko.