Nehemiya 9:29 - Xitsonga (Bibele)

²⁹ U va khongoterile ku tlhelela emilawini ya wena, kambe va tialele ku yingisa milawu ya wena, va dyohele ku lerisa ka wena loku munhu a nga ta hanya hakona loko a endla hakona; va humesile khatla leri alaka joko, va nonon'hwisa tinhamu ta vona, va nga yingisi nchumu.

BIBELE Mahungu Lamanene

²⁹ U va tsundzuxile leswaku va tlhelela eNawini wa wena, kambe vona va tikurisile, va ala ku yingisa milawu ya wena, va ku dyohela hi ku tlula swiletelo swa wena leswi loko munhu a swi hlayisa a kumaka vutomi; va ku fularherile, va tinonon'hwisa, va ala ku ku yingisa.

Nehemiya 9:29 Referans Kwoze

Nehemiya 9:16

“Kambe vatata wa hina va tikukumuxile va nonon'hwisa tinhamu ta vona, a va yingisanga ku lerisa ka wena,

Levhitika 18:5

Mi ta yingisa milawu ya mina ni ku lerisa ka mina, munhu la swi endlaka u ta hanya ha swona; hi mina Yehovha.

Nehemiya 9:26

“Hambiswiritano va tiarisile va ku hundzukela, va cukumeta milawu ya wena endzhaku, va dlaya vaprofeta va wena lava nga endla vumbhoni exikarhi ka vona, leswaku va va hundzuluxela ka wena, kambe va ku sandza ngopfu.

Nehemiya 9:10

u endle swikombiso ni masingita ehenhla ka Faro, ni le henhla ka malandza ya yena hinkwawo, ni le henhla ka tiko hinkwaro ra misava ya yena, hikuva a u tiva hilaha va va xaniseke hakona, kutani u tiendlele ku twala hilaha ku nga kona namuntlha;

Hosiya 6:5

Hikwalaho, ndzi va bile hi vaprofeta, ndzi va dlele hi marito ya nomu wa mina; ku avanyisa ka mina ku ve tanihi ku vonakala loku humaka!

Yeremiya 43:2

Azariya n'wana Hoxaya, na Yohanani n'wana Kariyaka, ni vanhu va ku tikukumuxa hinkwavo va byela Yeremiya, va ku: “U vulavula vunwa. Yehovha, Xikwembu xa hina a nga ku rhumanga leswaku u ku eka hina: ‘Mi nga yi eEgipta, mi ya aka kona.’

Vagalatiya 3:12

Kasi nawu a wu humi eku pfumeleni, kambe wu te: “Munhu la endlaka swoleswo u ta hanya ha swona.”

Varhoma 10:5

Hikuva Muxe u ringanisile ku lulama loku humaka enawini, loko a te: “Munhu la endlaka swilo leswo, u ta hanya ha swona!”

Luka 10:28

Yesu a ku eka yena: “U hlamule swinene, endla swona, u ta hanya.”

Daniele 5:20

Kambe leswi mbilu ya yena yi kukumukeke, ni moya wa yena wu nga tikurisa hi ku tlurisa mpimo, u susiwile exiluvelweni xa yena xa vuhosi, a tekeriwa ni vukulukumba bya yena.

Ezekiele 20:11

Ndzi va nyika milawu ya mina, ndzi va ndzi va tivisa ku avanyisa ka mina loku munhu a nga hanyaka hakona loko a ku endla.

Yeremiya 44:10

Ku fikela siku leri, a ku si va na loyi a titsongahateke, hambi, va ri lava chavaka, ni lava fambaka hi milawu ya mina, ni ku lerisa ka mina loku ndzi ku vekeke emahlweni ka n'wina ni le mahlweni ka vatata wa n'wina.

Yeremiya 19:15

“Ku vula Yehovha wa tinyimpi, Xikwembu xa Israele: ‘Vonani, ndzi ta tisela muti lowu ni miti hinkwayo ya lomu makhombo hinkwawo lawa ndzi ma vuleke ehenhla ka yona, hikuva va nonon'hwisile tinhamu ta vona, va nga ti tshuka va yingisa rito ra mina.’ ”

Yeremiya 17:23

Kambe a va yingisanga, a va rhiyanga tindleve kambe va ti nonon'hwisile tinhamu, leswaku va nga yingisi, ni leswaku va nga amukeri dyondzo.

Yeremiya 7:26

Kambe a va yingisanga, ni loko ku ri ku rhiya tindleve, kambe va tinonon'hwisile tinhamu, va dyohile ku tlurisa vatata wa vona.

2 TIKRONIKA 36:15

Yehovha, Xikwembu xa vatata wa vona, a va layile emikarhini leyo tala hi tintsumi ta yena, hikuva a a rhandza ku ponisa tiko ra yena ni vuako bya yena.

2 TIKRONIKA 24:19

Yehovha a rhuma exikarhi ka vona vaprofeta lava va layaka ku va tlherisela eka yena; kambe a va va yingisanga.

2 TIHOSI 17:13

Yehovha u byerile Israele na Yuda hi vaprofeta hinkwavo va yena, ni vavoni hinkwavo, a ku: “Tlhelani etindleleni leto biha ta n'wina, mi hlayisa ku lerisa ka mina ni milawu ya mina, hilaha ndzi nyikeke vatata wa n'wina nawu hinkwawo, hilaha ndzi mi rhumeleke wona hi malandza ya mina vaprofeta.”

Duteronoma 31:21

ni loko makhombo layo tala ni nhlomulo swi va wela ehenhla, hi kona risimu leri ri nga ta hlamula yi va mbhoni emahlweni ka vona; hikuva ri nga ka ri nga rivariwi emilon'wini ya vatukulu va vona. Hikuva ndza tiva miehleketo ya namuntlha ya timbilu ta vona, ndzi nga si va nghenisa etikweni leri ndzi va hlambanyeleke rona.”

Duteronoma 4:26

ndzi vitana namuntlha tilo ni misava, ti va timbhoni ta n'wina leswaku mi ta fa hi ku hatlisa etikweni leri mi nga ta ri fuma loko mi perile Yordani; masiku ya n'wina ma nga ka ma nga lehi kona, hikuva mi ta herisiwa kunene.

Eksoda 10:3

Kutani Muxe na Aroni va ya eka Faro, va ku eka yena: “Yehovha, Xikwembu xa Vaheveru, xi te: ‘U ta ala ku fika kwihi ku titsongahata emahlweni ka mina? Tshunxa tiko ra mina ri ya ndzi tirhela.

Matewu 19:17

Yesu a hlamula, a ku eka yena: “U ndzi vutisela yini ta leswinene? Lonene i un'we ntsena. Kambe loko u rhandza ku nghena evutomini, hlayisa milawu.”

2 TIKRONIKA 33:10

Kambe Yehovha a tshama a vulavula na Manase ni tiko ra yena; ntsena a va yingisanga nchumu.

Nehemiya 9:30

U va byarha hi malembe yo tala, u va laya hi moya wa wena, u vulavula na vona hi vaprofeta va wena, kambe a va rhiyanga tindleve; hikwalaho u va nyiketeke emavokweni ya matiko ya misava.

Nehemiya 13:15

Enkarhini wolowo ndzi vona vanhu va kandziya exikhuvutelweni hi Savata, etikweni ra Yuda, ni lava chochaka tinyandza ekaya, va rhwexile timbhongolo, ti rhwele vhinyo, ni mihandzu ya vhinya, ni makuwa, ni mitirho yin'wana ya tinxaka, va neha eYerusalema, hi siku ra Savata; kutani ndzi va holovela hi siku rolero va xavisaka swakudya ha rona.

Yeremiya 42:19

Yehovha u mi byerile, n'wina masalela ya Yuda, u ri: ‘Mi nga yi eEgipta,’ mi titivela leswaku ndza mi alela kona namuntlha.

Duteronoma 31:27

Hikuva ndza tiva ku kaneta ka wena ni ku nonon'hwa ka nhamu ya wena; ni namuntlha leswi ndza ha hanyaka exikarhi ka n'wina, ma ha kaneta Yehovha, kambe swi ta ku yini loko ndzi ta va ndzi file!

Vaavanyisi 6:10

Ndzi te eka n'wina: “Hi mina Yehovha, Xikwembu xa n'wina, mi nga tshuki mi chava swikwembu swa Vaamori, lava mi akeke etikweni ra vona.” Kambe a mi yingisangi rito ra mina.’ ”

2 TIHOSI 17:14

Kambe a va yingisanga, va nonon'hwisile tinhamu ta vona kukotisa vatata wa vona lava nga pfumelangiki eka Yehovha Xikwembu xa vona.