Nehemiya 9:25 - Xitsonga (Bibele)

²⁵ Va teka miti ya rirhangu ni tiko leri noneke va fuwa tindlu leti teleke xuma xa tinxakaxaka hinkwato ni swihlovo leswi ceriweke, ni tivhinya ni mitlhwari, ni mirhi yo tala leyi vekaka mihandzu, va dya, va xurha va nona, kutani va hanya eku tsakeni hinkwako hi tintswalo ta wena letikulu.

BIBELE Mahungu Lamanene

²⁵ Va tekile miti leyi biyeleriweke hi rirhangu yi va ya vona, va teka ni tiko lero saseka, ni tindlu leti teleke hi swilo hinkwaswo leswinene; va teka ni swihlovo leswi kovotliweke emaribyeni, ni masimu ya vhinya, ni mintanga ya mirhi ya mitlhwari, ni ya mirhi ya mihandzu ya tinxaka-xaka. Kutani va dya va xurha, va nyuhela; va tiphinile hikwalaho ka tintswalo ta wena letikulu.

Nehemiya 9:25 Referans Kwoze

Duteronoma 32:15

“Yexuruni (Israele) u tinonisile, kambe u khadlanyile. U nonile, u kule miri, u tele mafurha, Kambe u tshikile Xikwembu lexi n'wi vumbeke, U sandzile Ribye ra ku hayiseka ka yena.

Nehemiya 9:35

Kambe eku fumeni ka vona, hambi u va pfunile hi vunene byo tala, u va nyikile tiko lerikulu leri velekaka, a va ku tirhelanga a va fularhelanga mitirho leyo biha ya vona,

Duteronoma 3:5

Miti leyi hinkwayo a yi biyiwile hi marhangu layo leha, ni timbanti ni tinghole; ku nga hlayiwangi miti leyi nga biyiwangiki leyo tala ngopfu.

Hosiya 3:5

Kambe endzhaku, vana va Israele va ta tlhela va lava Yehovha, Xikwembu xa vona na Davhida, hosi ya vona; emikarhini ya le ndzhaku va ta ta chavela eka Yehovha ni le tintswalweni ta yena.

Ezekiele 20:6

“Hi siku lero ndzi yimise voko ra mina eka vona, ku va humesa etikweni ra le Egipta, va ta etikweni leri ingi ndzi ri hlawulele vona, leri nga ni ntswamba ni vulombe, lero saseka exikarhi ka matiko hinkwawo.

1 TIHOSI 8:66

Hi siku ra ntlhanu na manharhu a tlherisa tiko; kutani va katekisa hosi, va tlhelela emitsongeni ya vona hi ku tsaka ni ku khensa ka mbilu, hikwalaho ka ku kateka hinkwako loku Yehovha a katekiseke Davhida nandza wa yena hakona, ni tiko ra yena ra Israele.

Duteronoma 32:13

“U n'wi khandziyisile etintshaveni ta misava, Israele u dyile mihandzu ya nhova; U n'wi an'wisile hi vulombe bya le ribyeni, Hi mafurha lama humaka emaribyeni yo nonon'hwa;

Varhoma 2:4

Kumbe u tsan'wa vunene, ni xivindzi, ni musa wa Xikwembu, u nga tsundzuki leswaku vunene bya xona byi ku byisela eku hundzukeni xana?

Hosiya 13:6

Va xurhile evudyelweni bya vona, kuteloko va xurhile, timbilu ta vona ti tikukumuxa; va ndzi rivele hakona.

Yeremiya 31:14

Ndzi ta xurhisa mimoya ya vaprista hi mafurha, kutani tiko ra mina ri ta xurha ku nandzihaka mina, ku vula Yehovha.”

Esaya 6:10

Nonon'hwisa timbilu ta tiko leri, u siva tindleve ta rona u dlaya mahlo ya rona, leswaku ri nga voni hi mahlo, ri nga twi hi tindleve, kutani ri nga hundzuki, leswaku ri nga horisiwi.”

Pisalema 65:11

U tlhandleka lembe hi harhi ya rifuwo ra wena, Ni mafurha ma tshonela emitileni ya wena;

Swivuriso 30:9

Kumbexana loko ndzi xurhile ndzi nga ku landzula, Ndzi ku: “Yehovha i mani?” Kumbe xana, loko ndzi ri xisiwana, ndzi yiva, Ndzi tlanga hi vito ra Xikwembu xa mina.

Esaya 63:7

Ndzi ta dzunisa tintswalo ta Yehovha, ni ku dzuneka ka yena, hilaha swi fanekelaka hinkwaswo leswi Yehovha a nga hi endlela swona, ni vunene bya yena lebyikulu eka yindlu ya Israele lebyi a nga va kombisa byona hi tintswalo ta yena, ni vukulu bya rirhandzu ra yena.

Daniele 11:24

Exikarhi ka ku rhula, u ta nghena emaaveni ya tiko leri hundzisaka hi ku nona, kutani u ta endla leswi nga ka swi nga endliwangiki hi vatata wa yena ni vakokwa wa yena; u ta pambula leswi kumiweke enyimpini, ni xuma, ni rifuwo, kutani u ta endla makungu yo wisa makhokholo, kutani u ta endlisa sweswo ku yisa enkarhini lowu pimiweke.

Duteronoma 32:14

Hi mafurha ya tihomu, ni ntswamba wa timbuti, Hi mafurha ya swinyimpfana, Ni ya makhuna la tswariweke Baxani, ni ya swiphongo, Hi mapa ya ku saseka ya koro. U nwile vhinyo yo nandziha, yi ri ngati ya xidzumba.

1 TIHOSI 14:9

u tlurile hinkwavo lava ku rhangeleke hi ku dyoha; u ya tiendlela swikwembu swin'wana ni swifaniso leswi chuluriweke ku ndzi hlundzukisa, kambe mina, u ndzi fularherile:

Pisalema 105:44

A va nyika misava ya matiko, Va titekela mitirho ya tinxaka ta vanhu,

Yeremiya 2:7

Ndzi mi tisile etikweni ra ndzalo, leswaku mi ta dya mihandzu ya rona ni mafurha ya rona, kambe mi nghenile, kutani mi dyuhata tiko ra mina, ni ndzhaka ya mina mi yi endla manyala.

Yeremiya 32:23

Va vuya va ta ri fuma; kambe a va yingisangi rito ra wena, a va fambanga hi milawu ya wena, a va endlanga swilo hinkwaswo leswi u va leriseke swona, leswaku va swi endla; hilaha u va humeseleke makhombo lawa hinkwawo!