Nehemiya 9:20 - Xitsonga (Bibele)

²⁰ U va nyikile moya wa wena lowunene ku va tlharihisa, a ku tsonangi milomu ya vona manna ya wena, u va nyika ni mati ya ku nwa.

BIBELE Mahungu Lamanene

²⁰ U va nyikile Moya wa wena lowunene wu va letela; u va phamerile manna, va dya, u va nyikile ni mati va tima torha.

Nehemiya 9:20 Referans Kwoze

Pisalema 143:10

Ndzi letele ku endla leswi rhandziwaka hi wena! Hikuva u Xikwembu xa mina. Moya wa wena lowa vunene a wu ndzi fambise endleleni ya ku lulama!

Tinhlayo 11:17

Ndzi ta xika, kutani ndzi ta vulavula na wena kona; ndzi ta pambula moya lowu nga eka wena, ndzi wu veka ehenhla ka vona, va ta rhwala na wena ndzhwalo wa tiko, u nga tshuki u wu rhwala u ri wena ntsena.

Yohane 4:10

Yesu a hlamula, a ku eka yena: “Loko a wu tivile ku nyika ka Xikwembu, ni loyi a nge eka wena: ‘Ndzi siyele ndzi nwa,’ ingi u komberile eka yena, kutani a a ta va a ku nyikile mati lama pfelelaka.”

2 Petro 1:21

Hikuva vuprofeta a byi tisiwanga hi ku rhandza ka munhu ni siku ni rin'we, kambe vanhu va Xikwembu lava hlawuriweke va vurile va ri karhi va susumetiwa hi Moya lowo Kwetsima.

Esaya 48:21

vona lava a va fambiseke emananga a va twangi torha, u va khulukisele mati ya ribye, u pandzerile ribye, kutani mati ma hume hi matimba!

Vaefesa 5:9

fambani hakona, kukoti swa vana va ku vonakala,

Yohane 4:14

Kasi un'wana ni un'wana la nwaka mati lawa ndzi n'wi nyikaka wona, a nga ka a nga ha tlheli a twa torha ni siku ni rin'we; kambe mati walawo a nyikiwaka hi mina, xi ta va eka yena, xihlovo xa mati lama khulukelaka evutomini lebyi nga heriki.” Wansati a ku eka yena:

Pisalema 105:41

A handzula ribye, kutani mati ma pfelela, Ma khuluka hi maboboma exikarhi ka mananga.

Yoxuwa 5:12

Kutani manna yi kala siku leri tlhandlamaka leri va dyeke ha rona mavele ya tiko; vana va Israele a va ha yi kumanga manna, kambe va dya lembe leri, leswi milaka etikweni ra Kanana.

Eksoda 17:6

Waswivo, ndzi ta yima emahlweni ka wena lahaya eribyeni ra Horebe; u ta ba ribye, kutani ri ta humesa mati; vanhu va ta nwa.” Muxe a endlisa sweswo emahlweni ka vakulukumba va Israele.

Eksoda 16:15

Vana va Israele loko va swi vona, va vutisana, va ku: “I swini leswi?” hikuva a va nga tivi leswaku i swini. Kutani Muxe a ku: “Hi byona vuswa lebyi Yehovha a mi nyikaka byona leswaku mi dya.

Nehemiya 9:30

U va byarha hi malembe yo tala, u va laya hi moya wa wena, u vulavula na vona hi vaprofeta va wena, kambe a va rhiyanga tindleve; hikwalaho u va nyiketeke emavokweni ya matiko ya misava.

Varhoma 15:30

Kutani ndza mi khongotela, vamakwerhu, hi Hosi ya hina, Yesu Kriste, ni rirhandzu ra Moya, leswaku na n'wina mi ndzi lwela emikhongelweni leyi mi ndzi endlelaka yona eka Xikwembu,

Esaya 49:10

va nga ka va nga vi na ndlala ni torha; mumu ni dyambu swi nga ka swi nga va hisi, hikuva loyi a va twelaka vusiwana u ta va fambisa, a va yisa ematini lama khulukaka.

Eksoda 16:35

Vana va Israele va dya manna hi mune wa makume ya malembe va kondza va nghena etikweni leri akiweke va dya manna va kondza va fika emaaveni ya tiko ra Kanana.

1 Vakorinto 10:3

hinkwavo va dya swakudya swin'we swa Moya;

Hagayi 2:5

rito ra ntwanano lowu ndzi nga endla na n'wina, siku mi humaka eEgipta, ni moya wa mina wu tshame exikarhi ka n'wina. Mi nga chavi!

Eksoda 16:4

Kutani Yehovha a ku eka Muxe: “Waswivo, ndzi ta mi nisela vuswa lebyi humaka etilweni, tiko ri ta huma ri tihlengeletela leswi ringanaka siku rin'wana ni rin'wana, leswaku ndzi va ringa loko va ta famba hi nawu wa mina, kumbe loko swi nga ri tano.

Eksoda 17:3

Tiko a ri ri ni torha hi ku pfumala mati, kutani ri holovela Muxe, ri ku: “U hi humesele yini Egipta ku ta hi dlaya hi torha, hina ni vana va hina ni tihomu ta hina?”