Nehemiya 9:15 - Xitsonga (Bibele)

¹⁵ u va nyikile vuswa lebyi humaka ematilweni ku va fihluta, u va humesela mati eribyeni ku tima torha ra vona, u ku eka vona: ‘Nghenani, mi fuma misava leyi ndzi nga hlambanya ndzi ku, ndzi ta va nyika yona.’

BIBELE Mahungu Lamanene

¹⁵ U va nyikile swakudya leswi humaka etilweni leswaku va susa ndlala; u va nyikile ni mati lama humaka eribyeni leswaku va tima torha. U va lerisile leswaku va nghena va teka tiko leri u hlambanyeke leswaku u ta va nyika rona ri va ra vona.

Nehemiya 9:15 Referans Kwoze

Duteronoma 1:8

Vonani, ndzi mi nyikile tiko; fambani, mi ya teka tiko leri Yehovha a hlambanyeleke vatata wa n'wina Abrahama, na Isaka, na Yakobo, ku va nyika rona, ni vatukulu va vona endzhaku ka vona.’

Eksoda 17:6

Waswivo, ndzi ta yima emahlweni ka wena lahaya eribyeni ra Horebe; u ta ba ribye, kutani ri ta humesa mati; vanhu va ta nwa.” Muxe a endlisa sweswo emahlweni ka vakulukumba va Israele.

Eksoda 16:4

Kutani Yehovha a ku eka Muxe: “Waswivo, ndzi ta mi nisela vuswa lebyi humaka etilweni, tiko ri ta huma ri tihlengeletela leswi ringanaka siku rin'wana ni rin'wana, leswaku ndzi va ringa loko va ta famba hi nawu wa mina, kumbe loko swi nga ri tano.

Ezekiele 20:15

“Kambe, ndzi va yimisela voko ra mina emananga, ndzi ku: A ndzi nga va yisi etikweni leri ndzi va nyikeke rona, leri nga ni ntswamba ni vulombe, lero saseka ngopfu exikarhi ka matiko hinkwawo,

Pisalema 114:8

Lexi hundzuluxaka ribye ri va tiva ra mati, Ni tamba ma va mati lama pfelelaka!

Duteronoma 8:3

U ku tsongahatile, u ku tshikile u ri ni ndlala, u ku dyisile manna, leyi u nga yi tivangiki, leyi vatata wa wena, na vona, va nga yi tivangiki, a va a ku dyondzisa leswaku munhu a nga ka a nga hanyi hi vuswa ntsena, kambe munhu a hanya hi hinkwaswo leswi humaka enon'wini wa Xikwembu.

Nehemiya 9:20

U va nyikile moya wa wena lowunene ku va tlharihisa, a ku tsonangi milomu ya vona manna ya wena, u va nyika ni mati ya ku nwa.

Duteronoma 1:21

Languta, Yehovha, Xikwembu xa wena, xi ku nyikile tiko: khandziya, u ya ri teka, hilaha Yehovha a ku byeleke hakona, xi ri Xikwembu xa vatata wa wena; u nga chavi, u nga rhurhumeli.’

Tinhlayo 14:30

mi nga ka mi nga ngheni etikweni leri ndzi hlambanyeke leswaku ndzi ta mi akisa eka rona, loko a nga ri Kalebe, n'wana Yefune, na Yoxuwa, n'wana Nuni.

Genesa 14:22

Kambe Abrama a hlamula hosi ya Sodoma, a ku: “Ndzi tlakuse voko eka Yehovha, Xikwembu xa le henhlahenhla, n'wini wa tilo ni misava, ndzi ri:

Eksoda 6:8

kutani ndzi ta mi nghenisa etikweni leri ndzi nga hlambanya, ndzi ku: ‘Ndzi ta ri nyika Abrahama, na Isaka, na Yakobo; ndzi mi nyika rona, yi va ndzhaka ya n'wina. Hi mina Yehovha.’ ”

Eksoda 17:3

Tiko a ri ri ni torha hi ku pfumala mati, kutani ri holovela Muxe, ri ku: “U hi humesele yini Egipta ku ta hi dlaya hi torha, hina ni vana va hina ni tihomu ta hina?”

Esaya 48:21

vona lava a va fambiseke emananga a va twangi torha, u va khulukisele mati ya ribye, u pandzerile ribye, kutani mati ma hume hi matimba!

Yeremiya 32:23

Va vuya va ta ri fuma; kambe a va yingisangi rito ra wena, a va fambanga hi milawu ya wena, a va endlanga swilo hinkwaswo leswi u va leriseke swona, leswaku va swi endla; hilaha u va humeseleke makhombo lawa hinkwawo!