Nehemiya 9:14 - Xitsonga (Bibele)

¹⁴ U va tivisile Savata ra wena leri kwetsimaka; u va vekele ku lerisa, ni switsundzuxo, ni milawu ha Muxe nandza wa wena;

BIBELE Mahungu Lamanene

¹⁴ U va tivisile ni siku ra wena lero hlawuleka ra Savata, u va nyika swiletelo ni swileriso ni milawu hi nomu wa nandza wa wena Muxe.

Nehemiya 9:14 Referans Kwoze

Ezekiele 20:12

Ndzi va nyika ni Tisavata ta mina leswaku xi va xikombiso exikarhi ka mina na vona, xa leswaku va swi tiva leswaku hi mina Yehovha lava kwetsimisaka.

Genesa 2:3

Xikwembu xi katekisa siku ra ntlhanu na mambirhi, xi ri hlawula, hikuva hi siku lero, xi wisile entirhweni hinkwawo wa xona, lowu xi nga wu tumbuluxa hi ku wu tirha.

Ezekiele 20:20

kambe mi kwetsimisa Tisavata ta mina, swi va xikombiso exikarhi ka mina na n'wina, xa leswaku mi tiva leswaku hi mina Yehovha, Xikwembu xa n'wina.

Eksoda 16:29

Anakanyani leswaku Yehovha u mi nyikile Savata, hikwalaho a mi nyikaka vuswa bya masiku mambirhi hi siku ra ntlhanu na rin'we. Un'wana ni un'wana a a tshame ekaya, ku nga tshuki ku va na munhu la humaka ekaya hi siku ra ntlhanu na mambirhi.”

Eksoda 16:23

Kutani Muxe a ku eka vona: “Hi yona mhaka leyi lerisiweke hi Yehovha. Mundzuku i siku ra ku wisa, i Savata leri hlawuleriweke Yehovha; leswi mi swi swekaka, swekani namuntlha, mi oxa leswi oxiwaka, kutani hinkwaswo leswi salaka, mi swi hlayisela mundzuku.”

Yohane 1:17

Hikuva nawu wu nyikiwile hi Muxe; kambe tintswalo ni vunene swi humelele hi Yesu Kriste.

Nehemiya 1:8

Wa nga anakanya rito leri u tshamaka u ri byela nandza wa wena, Muxe, u te: ‘Kutakuloko mi tiarisa, ndzi ta mi hangalasa exikarhi ka matiko;

Duteronoma 5:31

kambe wena, tshama kwala na mina, ndzi ta ku byela milawu hinkwayo ni timhaka ni ku lerisa; u ta va dyondzisa swona leswaku va swi landza etikweni leri ndzi va nyikaka rona ku ri fuwa.’

Duteronoma 4:45

Hi byona vumbhoni ni milawu ni ku lerisa, leswi Muxe a swi nyikeke vana va Israele loko va humile eEgipta,

Duteronoma 4:5

“Langutani, ndzi mi dyondzisile milawu ni ku lerisa, hilaha Yehovha, Xikwembu xa mina, xi ndzi leriseke hakona, leswaku mi ta tirha ha yona etikweni leri mi nghenaka eka rona ku ri fuma.

Levhitika 27:34

Hi yona milawu leyi Yehovha a yi nyikeke Muxe entshaveni ya Sinayi, leswaku yi va milawu ya vana va Israele.

Eksoda 24:12

Kutani Yehovha a ku eka Muxe: “Tlhandlukela halenu entshaveni u yima kona, ndzi ta ku nyika maribye ya swimphampha lama nga ni milawu ni ku lerisa ka mina loku ndzi ku tsaleke ku va dyondzisa hakona.”

Levhitika 19:3

“ ‘Un'wana ni un'wana a a xixime mana wa yena ni tata wa yena; a a hlayise ni Tisavata ta mina. Hi mina Yehovha, Xikwembu xa n'wina.

Nehemiya 10:32

“Kambe hi tivekela milawu, hi tiboha leswaku hi ta humesela yindlu ya Xikwembu xa hina ku avanyisa ka vunharhu ka xikele, hi lembe rin'wana ni rin'wana,

Ezekiele 20:11

Ndzi va nyika milawu ya mina, ndzi va ndzi va tivisa ku avanyisa ka mina loku munhu a nga hanyaka hakona loko a ku endla.