Nehemiya 9:10 - Xitsonga (Bibele)

¹⁰ u endle swikombiso ni masingita ehenhla ka Faro, ni le henhla ka malandza ya yena hinkwawo, ni le henhla ka tiko hinkwaro ra misava ya yena, hikuva a u tiva hilaha va va xaniseke hakona, kutani u tiendlele ku twala hilaha ku nga kona namuntlha;

BIBELE Mahungu Lamanene

¹⁰ U endlile swikombiso ni swihlamariso, u ba Faro ni malandza ya yena hinkwawo ni vanhu va tiko ra yena hinkwavo, hikuva a wu swi tiva leswaku va vile ni tihanyi eka vatata wa hina. Hikokwalaho, ku sukela enkarhini wolowo ku ta fika sweswi, vito ra wena ra tiveka swinene.

Nehemiya 9:10 Referans Kwoze

Daniele 9:15

Kutani sweswi, Yehovha, Xikwembu xa hina, wena la humeseke tiko ra wena ra Israele etikweni ra Egipta hi voko ra wena ra matimba, wena la tiendleleke vito leri twakalaka ni sweswi; hi dyohile.

Yeremiya 32:20

“ ‘Hi wena la endleke swikombiso ni mahlori etikweni ra Egipta, ni le henhla ka Israele, ni le xikarhi ka vanhu, ku fikela siku leri, u tiendlele vito leri nga kona ni namuntlha.

Esaya 63:14

Tanihi swifuwo leswi rhelelaka enkoveni, moya wa Yehovha wu va yisile eku wiseni. Hi mukhuva wolowo u fambisile tiko ra wena, ku tiendlela vito leri twalaka.

Esaya 63:12

la nga fambisa voko ra xinene ra Muxe hi voko ra yena lero kwetsima; la nga avanyisa mati emahlweni ka vona, ku tiendlela vito leri nga heriki,

Duteronoma 4:34

Kambe xana xikwembu xin'wana xi kona, lexi ringeteke ku titekela tiko exikarhi ka tiko rin'wana hi miringo, ni swikombiso, ni mahlori ni ku lwa hi voko leri tlakukeke ra matimba, ni mitirho leyikulu leyi chavisaka, hilaha Yehovha, Xikwembu xa n'wina, xi mi endleleke hinkwaswo hakona eEgipta emahlweni ka wena?

Eksoda 18:11

Sweswi, ndza tiva leswaku Yehovha i nkulu eka swikwembu hinkwaswo; hikuva u va hangalasile emhakeni leyi va tikuriseke ha yona.”

Eksoda 5:2

Kutani Faro a ku: “Yehovha i mani leswaku ndzi yingisa rito ra yena, ndzi tshika Israele a famba? Yehovha a ndzi n'wi tivi, na Israele ndzi nga ka ndzi nga n'wi tshiki a famba.”

1 Petro 5:5

Na n'wina lavantshwa, tivekeni ehansi ka lavakulu, mi ambala ku titsongahata, mi ri karhi mi tiveka ehansi ka van'wana, hikuva “Xikwembu xi alela lava tikurisaka, kambe xi tsetselela lava titsongahataka.”

Varhoma 9:17

Hikuva Tsalwa ri te eka Faro: “Leswi ndzi ku pfuxeleke swona, hileswaku ndzi kombisa matimba ya mina ha wena, ni leswaku vito ra mina ri twakala emisaveni hinkwayo.”

Timhaka 7:36

Hi yena la nga va humesa, a endla masingita ni swikombiso eEgipta, ni le Lwandle ro Tshwuka, ni le mananga, hi malembe ya mune wa makume.

Daniele 5:23

Kambe u tikurisile emahlweni ka Hosi ya matilo; ku tisiwile emahlweni ka wena mindzheko ya yindlu ya yena; kutani wena, ni tindhuna ta wena, ni vasati va wena, ni swigangu swa wena, mi nwile vhinyo emindzekweni yoleyo, kutani u dzunisile swikwembu swa silivhere, ni swa nsuku, ni swa koporo, ni swa nsimbhi ni swa mitsandze, ni swa maribye, leswi nga riki na ku vona, ni ku yingisa, ni ku tiva; kasi Xikwembu lexi nga fumbarhela ku hefemula ka wena, ni mitila hinkwayo ya wena evokweni ra xona, a ku xi dzunisanga.

Daniele 4:37

Sweswi, mina, Nebukadnetsara, ndza dzunisa, ndza vonga, ndza kurisa Hosi ya le matilweni hikuva mitirho ya yena i ya xiviri, ni tindlela ta yena i ku lulama, kutani u ni matimba ya ku tsongahata lava fambaka hi ku tikurisa.

Ezekiele 20:9

Kambe ndzi tirhe hikwalaho ka vito ra mina, leswaku ri nga nyamisiwi emahlweni ka matiko lawa i ingi va ri eka wona, lawa ingi ndzi titivisile emahlweni ka wona, hi ku va humesa etikweni ra Egipta.

Pisalema 83:18

Va ta tiva leswaku wena loyi vito ra yena a nga Yehovha, U tlakukile ehenhla ka misava hinkwayo.

Eksoda 7:1

Yehovha a ku eka Muxe: “Vona, ndzi ku vekile Xikwembu eka Faro, kutani Aroni, makwenu, u ta va muprofeta wa wena.

Eksoda 3:20

Kambe ndzi ta tlakusa voko ra mina, ndzi ba Egipta hi masingita hinkwawo lawa ndzi nga ta ma endla kona. Endzhaku ka swona, yi ta mi pfumelela ku famba.

Eksoda 9:16

Kambe ndzi ku tshikile hikwalaho leswaku u vona matimba ya mina, ni leswaku vito ra mina ri twakala emisaveni hinkwayo.

Nehemiya 9:16

“Kambe vatata wa hina va tikukumuxile va nonon'hwisa tinhamu ta vona, a va yingisanga ku lerisa ka wena,

Nehemiya 9:29

U va khongoterile ku tlhelela emilawini ya wena, kambe va tialele ku yingisa milawu ya wena, va dyohele ku lerisa ka wena loku munhu a nga ta hanya hakona loko a endla hakona; va humesile khatla leri alaka joko, va nonon'hwisa tinhamu ta vona, va nga yingisi nchumu.

Duteronoma 7:19

miringo leyikulu leyi voniweke hi mahlo ya wena, ni swikombiso ni masingita, ni xandla xa matimba, ni voko leri tshambulukeke, swi ri leswi Yehovha, Xikwembu xa wena a ku humeseke ha swona: Yehovha, Xikwembu xa wena, u ta endlisa sweswo eka matiko hinkwawo lawa u ma chavaka.

Esaya 42:20

U vone swilo swo tala, kambe a ku swi xiyanga; tindleve a ti pfuriwa, kambe a ku twanga nchumu.”