Nehemiya 8:9 - Xitsonga (Bibele)

⁹ Kutani Nehemiya la ngi a ri hosi, a ri na Ezra muprista ni mutsari, ni Valevhi, va dyondzisa tiko, va ku eka tiko hinkwaro: “Siku leri, hi leri hlawuleriweke Yehovha, Xikwembu xa n'wina, mi nga tshami enkosini, mi nga tshuki mi rila!” Hikuva va tiko hinkwaro a va rila loko va twa marito ya milawu.

BIBELE Mahungu Lamanene

⁹ Vanhu hinkwavo a va rila loko va twa marito ya Nawu. Kutani Nehemiya, yena ndhunankulu, na Ezra muprista tlhelo mutsari, ni Valevhi lava dyondzisaka vanhu, va byela vanhu hinkwavo, va ku: “Mi nga tshuki mi tlhaveka mi rila, hikuva siku leri ri hlawuleriwile HOSI Xikwembu xa n'wina.

Nehemiya 8:9 Referans Kwoze

Nehemiya 7:70

Van'wanyana va tihosana ta tindlu ta vatatana wa vona va humesela ntirho mihlengo; mufumi, yena, a humesela vuhlayiselo tidarika ta nsuku ta 1 000, ni mikambana ya 50, ni tinguvu ta vaprista ta 530;

Nehemiya 7:65

Mufumi, a va byela leswaku va nga dyi swilo leswo kwetsima, ku kondza ku fika muprista la nga ta vutisa Urimi na Thumimi.

Duteronoma 12:12

Mi ta titsakela emahlweni ka Yehovha, n'wina ni vana va n'wina va xinuna ni va xisati, ni malandza ya n'wina ya xinuna ni ya xisati, ni Mulevhi la nga emitini ya n'wina, hikuva a nga nyikiwanga ku averiwa ni ndzhaka swin'we na n'wina.

Nehemiya 8:2

Hi siku ro sungula ra n'hweti ya ntlhanu na timbirhi, Ezra, muprista, a tisa milawu emahlweni ka nhlengeletano ya vavanuna ni vavasati, ni hinkwavo lava ngi va kota ku twisisa.

Duteronoma 16:11

U ta titsakela emahlweni ka Yehovha, Xikwembu xa wena, u ri ni n'wana wa wena wa wanuna, ni wa wansati, ni nandza wa wena wa wanuna ni wa wansati, ni Mulevhi la nga emindyangwini ya wena, ni xisiwana, ni noni, va ri lava nga ta tshama exikarhi ka n'wina, exivandleni lexi Yehovha, Xikwembu xa wena, a nga ta xi hlawula ku akisa vito ra xona kona;

Esaya 61:3

ku tisela lava rilaka eSiyoni, ni ku va rhwexa harhi ya vuhosi ematshan'weni ya nkuma, mafurha ya ku tsaka ematshan'weni ya nkosi, ni nguvu ya nkhuvo ematshan'weni ya moya lowu tsaneke, leswaku va ta vuriwa mikuhlu ya ku lulama, leyi nga byariwa hi Yehovha ku n'wi dzunisa.

Eklesiasta 3:4

Nkarhi wu kona wa ku rila, wu kona nkarhi wa ku hleka, nkarhi wu kona wa ku kolola, wu kona nkarhi wa ku cina.

Ezra 2:63

Kutani hosi yi va byela leswaku va nga ka va nga dyi swilo swo kwetsima, ku fikela siku ku humelelaka muprista la nga ta yima emahlweni ka Xikwembu, a tamele Urimi na Thumimi.

Duteronoma 12:7

Mi ta dya kona emahlweni ka Yehovha, Xikwembu xa n'wina, mi titsakela, mi ri ni mindyangu ya n'wina, eswilweni hinkwaswo leswi mi nga ta swi endla, leswi Yehovha, Xikwembu xa wena, a ku katekiseke ha swona.

Levhitika 23:24

“Byela vana va Israele, u ku eka vona: ‘Hi n'hweti ya ntlhanu na timbirhi, siku ro rhanga ra n'hweti, ri ta va siku ro wisa leri tivisiwaka hi mpfumawulo wa tinanga, ni nhlengeletano leyi hlawuriweke.

Varhoma 7:9

Hikuva eku sunguleni, a ndzi hanya, ndzi nga ri na nawu; kambe nawu, loko wu fikile, vudyoho byi pfuka, mina ndzi fa.

Varhoma 3:20

Hikwalaho a ku na nyama ni yin'we, leyi nga ta khana emahlweni ka xona hi mitirho ya nawu; hikuva xidyoho xi tiviwa hi nawu.

Malakiya 2:13

Kambe leswi mi engetaka mi swi endla hi leswi: Mi tata alitari ya Yehovha hi mihloti, ni swirilo ni ku rila, kutani a nga ha amukeri switlhavelo swa n'wina, a nga tsakisiwi hi lexi humaka emavokweni ya n'wina.

Hosiya 4:6

Vanhu va mina va hela hi ku pfumala ku tiva. Leswi wena u sandzeke ku tiva, ndzi ta ku sandza, u nga ha vi muprista wa mina; leswi u riveleke nawu wa Xikwembu xa wena, na mina ndzi ta rivala vana va wena.

Nehemiya 12:26

Lava a va hanya emikarhini ra Yoyakimi n'wana Yexuwa, n'wana Yosadaka, ni le mikarhini ya Nehemiya, mufumi, ni ya muprista, Ezra, mutsari.

Nehemiya 10:1

Lava nga tiyisa papila hi ku tiyisa ka vona, i Nehemiya, mufumi n'wana Hakaliya, na Sedekiyasi,

Ezra 7:11

Hi wona marito ya papila leri hosi Ataserkisi a ri nyikeke Ezra muprista ni mutsari, a nga mutsari wa ku lerisa ka Yehovha, ni milawu ya yena leyi byeriweke va Israele:

2 TIKRONIKA 35:3

A byela Valevhi lava hlawuleriweke Yehovha, lava dyondziseke Vaisraele hinkwavo a ku eka vona: “Vekani areka leyi hlawuriweke endlwini leyi akiweke hi Solomoni, n'wana Davhida, hosi ya Israele; a mi na ku yi pinga emakatleni. Sweswi, tirhelani Yehovha, Xikwembu xa n'wina ni tiko ra xona ra Israele.

2 TIKRONIKA 34:21

“Fambani, mi ya ndzi vutisela Yehovha, ni lava seleke va Israele ni va Yuda, emhakeni ya marito ya buku leyi va yi kumeke, hikuva vukari bya Yehovha lebyi a hi karihelaka ha byona byikulu, hikuva vatata wa hina a va hlayisangi rito ra Yehovha ku endla hinkwaswo hilaha ku tsariweke hakona ebukwini leyi.”

2 TIKRONIKA 34:19

Kuteloko hosi yi yingisile marito ya nawu, yi handzula tinguvu ta yona;

2 TIKRONIKA 30:22

Hezekiya a khongotela hi marito lamanene Valevhi hinkwavo lava tlhariheke entirhweni wa Yehovha. Kutani va dya hi masiku ya ntlhanu na mambirhi leswi lerisiweke va ri karhi va tlhava magandzelo ya ku khensa, va dzunisa Yehovha, Xikwembu xa vatata wa vona.

2 TIKRONIKA 15:3

Enkarhini lowo leha, Israele u pfumarile Xikwembu lexi nga xona, ni muprista la dyondzisaka, ni nawu;

2 TIHOSI 22:19

Leswi mbilu ya wena yi oloveke, kutani u titsongahatile emahlweni ka Yehovha loko u yingisile leswi ndzi swi vuleke ehenhla ka ndhawu leyi, ni le henhla ka vaaki va yona, leswaku va ta herisiwa ni ku rhukaniwa, kutani leswi u handzuleke tinguvu ta wena, u ko u rila emahlweni ka mina, na mina ndzi yingisile, ku vula Yehovha.

2 TIHOSI 22:11

Hosi, kuteloko yi twile marito ya buku ya nawu, yi handzula tinguvu ta yona.

Duteronoma 26:14

A ndzi dyangi swilo leswi enhlomulweni wa mina, a ndzi swi hungutanga ndzi ri la nga tengangiki, a ndzi nyikanga nchumu wa swona hikwalaho ka mufi; ndzi yingisile rito ra Yehovha, Xikwembu xa mina, kambe ndzi endlile hinkwaswo hilaha u ndzi leriseke hakona.

Yakobo 4:9

Mi va ni nhlomulo, mi rila, mi kolola; mahleko ya n'wina a ma hundzuke swirilo, ni ku tsaka ka n'wina a ku hundzuke gome.