Nehemiya 8:8 - Xitsonga (Bibele)

⁸ A va hlaya buku ya milawu ya Xikwembu hi rito leri twalaka, va ri karhi va hlamusela, va twisisisa leswi hlayiwaka.

BIBELE Mahungu Lamanene

⁸ Valevhi lava a va hlaya Nawu ebukwini hi ndlela leyi twalaka, va tlhela va hlamusela leswi wu vulaka swona, leswaku vanhu va ta wu twisisa.

Nehemiya 8:8 Referans Kwoze

Timhaka 28:23

Kuteloko va n'wi vekele siku, va ta eka yena va telenyanile, endlwini leyi a tshameke eka yona. Kutani a va hlamusela ta ku fuma ka Xikwembu, a vula vumbhoni eka vona, a va khorwisa ta Yesu, hi le nawini wa Muxe ni le vaprofeteni, a sungula nimixo ku fikela nimadyambu.

Luka 24:45

Kavaloko a pfula ku twisisa ka vona, leswaku va twisisa Matsalwa.

Luka 24:32

Kutani va byelana, va ku: “Xana timbilu ta hina a ti pfurhanga endzeni ka hina loko a vulavula na hina endleleni, a hi hlamusela matsalwa xana?”

Luka 24:27

Kutani a sungula hi Muxe ku yisa eka vaprofeta hinkwavo, a ri karhi a va ringanisela hi matsalwa hinkwawo timhaka leti a vuriweke ha tona.

Habakuku 2:2

Kwalaho Yehovha a ndzi hlamula, a ku: “Tsala hlavutelo, yi vatle emahantini, leswaku la yi hlayaka a yi hlaya hi ku tsutsuma;

Ezra 4:18

“Papila leri mi ndzi rhumeleke rona ri hlayiwile swinene emahlweni ka mina,

Nehemiya 8:7

Kutani Yexuwa, Bani, Xerebiya, Yamini, Akubu, Xabetayi, Hodiya, Maaseya, Kelita, Azariya, Yozabadi, Hanana, Pelaya, ni Valevhi, va hlamusela tiko milawu, tiko ri ri karhi ri yima kwalaho.

Nehemiya 8:9

Kutani Nehemiya la ngi a ri hosi, a ri na Ezra muprista ni mutsari, ni Valevhi, va dyondzisa tiko, va ku eka tiko hinkwaro: “Siku leri, hi leri hlawuleriweke Yehovha, Xikwembu xa n'wina, mi nga tshami enkosini, mi nga tshuki mi rila!” Hikuva va tiko hinkwaro a va rila loko va twa marito ya milawu.

Nehemiya 8:12

Kutani tiko hinkwaro ri suka ri ya dya, ni ku nwa, va rhumela van'wana swakudya, va endla nkhuvo lowukulu, hikuva a va twisisile marito lawa va ma byeriweke.

2 TIHOSI 23:2

Kutani hosi yi tlhandluka endlwini ya Yehovha swin'we ni vanhu hinkwavo va Yuda, ni vaaki hinkwavo va Yerusalema, ni vaprista, ni vaprofeta, ni tiko hinkwaro, ku suka eka lontsongo, ku fika eka lonkulu; kutani a va hlayela marito hinkwawo ya buku ya ntwanano leyi kumiweke endlwini ya Yehovha.

Nehemiya 9:3

Va yimile ematshan'weni ya vona, kutani ku hlayiwa buku ya milawu ya Yehovha, Xikwembu xa vona, hi ku avanyisa ka vumune ka siku rin'wana ni rin'wana; hi ku avanyisa kun'wana ka vumune va humesa ku tivula ka vona kutani va khinsama emahlweni ka Yehovha, Xikwembu xa vona.

Ezekiele 46:10

Na yona hosi, yi ta nghena yi ri exikarhi ka vona loko va nghena, loko va huma yi ta huma hi mukhuva lowu va humaka ha wona.