Nehemiya 8:17 - Xitsonga (Bibele)

¹⁷ Nhlengeletano hinkwayo ya lava tlheleke eku bohiweni, va endla mitsonga, kutani va tshama emitsongeni yeleyo; hikuva vana va Israele a va nga si endla sweswo, ka ha ri mpfhuka Yoxuwa, n'wana Nuni, a ri kona, ku fikela sweswi. Ku tsaka ku va lokukulu ngopfu.

BIBELE Mahungu Lamanene

¹⁷ Ntshungu hinkwawo wa lava va vuyeke hi le vukhumbini wu endlile mintsonga, wu tshama eka yona. Ku sukela enkarhini wa Yoxuwa n'wana Nuni ku ta fika siku rero, Vaisraele a va nga si tshama va swi endla, kutani ku vile ni ntsako lowukulu.

Nehemiya 8:17 Referans Kwoze

2 TIKRONIKA 8:13

a humesa magandzelo ya siku rin'wana ni rin'wana, hilaha Muxe a leriseke hakona, ma ri ya Tisavata, ni ya tin'weti letintshwa, ni ya mikhuvo, kanharhu hi lembe, enkhubyeni wa swinkwa leswo kala comela, ni le nkhubyeni wa mavhiki, ni le nkhubyeni wa mitsonga.

Ezra 3:4

Va endla ni nkhuvo wa mitsonga hi ku landza leswi tsariweke ni ku humesa holokosta ya siku rin'wana ni rin'wana hi maendlelo ya kona, ni ku lerisa ka kona hi mfanelo ya siku rin'wana ni rin'wana.

Vaheveru 11:13

Volavo hinkwavo va fele eku pfumeleni, va nga si nyikiwa leswi va swi tshembisiweke, kambe va swi vonile va ri ekule va swi tsakela, kutani va tivurile vaendzi ni valuveri emisaveni.

Vaheveru 11:9

Hi ku pfumela, u tshamile a ri muluveri etikweni leri a ri tshembisiweke, a tshama emitsongeni na Isaka, na Yakobo, lava ingi va ri vadyandzhaka swin'we na yena va ku tshembisa ku ri kun'we.

Vaheveru 4:8

Hikuva loko ngi Yoxuwa a va nyikile ku wisa, a xi nga ti vula rin'wana siku endzhaku ka sweswo.

Yohane 1:14

Kutani Rito ri endliwile nyama, ri akile exikarhi ka hina, kambe hi hlalele ku vangama ka rona, ku nga ku vangama ka N'wana la nga swakwe, la humaka eka Tatana, a tele tintswalo ni vunene.

2 TIKRONIKA 35:18

Ku suka emasikwini ya Samiele, muprofeta, a ku endliwanga Paseka leyi fanaka na yona etikweni ra Israele, ni le xikarhi ka tihosi hinkwato ta Israele, a ku vanga na yin'we leyi nga endla Paseka leyi fanaka ni leyi Yosiya ni vaprista ni Valevhi va yi endleke, swin'we ni va Yuda ni va Israele hinkwavo lava ngi va ri kona ni vaaki va Yerusalema.

2 TIKRONIKA 30:26

Ku va ku tsaka lokukulu Yerusalema, hikuva ku suka ka masiku ya Solomoni, n'wana Davhida, hosi ya Israele, a ku vanga na mhaka leyo tano Yerusalema.

1 TIKRONIKA 29:22

Va dya, va nwa siku lero, emahlweni ka Yehovha, va ri ni ku tsaka lokukulu; kutani Solomoni, n'wana Davhida a vekiwa hosi ra vumbirhi, va n'wi chela hi mafurha emahlweni ka Yehovha, ku va hosi, na Sadoki ku va muprista.

Yoxuwa 1:1

Kuteloko Muxe, nandza wa Yehovha, a file, Yehovha a byela Yoxuwa, n'wana Nuni, nandza wa Muxe, a ku:

Duteronoma 16:15

Hi masiku ya ntlhanu na mambirhi, u ta endlela Yehovha, Xikwembu xa wena, nkhuvo exivandleni lexi Yehovha a nga ta xi hlawula, hikuva Yehovha, Xikwembu xa wena, u ta ku katekisa eku tshoveleni hinkwako ka wena, ni le mitirhweni hinkwayo ya mavoko ya wena, hi kona u nga ta tsaka swinene.