Nehemiya 8:10 - Xitsonga (Bibele)

¹⁰ Va engeta va ku eka vona: “Fambani mi dya tinyama leti noneke, mi nwa leswo nandziha, mi rhumela lava nga lunghiseriwangiki nchumu swakudya, hikuva siku leri hi leri hlawuleriweke hosi ya hina; mi nga hlunami, hikuva ku tsaka ka Yehovha i matimba ya n'wina.”

BIBELE Mahungu Lamanene

¹⁰ Fambani, mi ya tidyela nyama leyi noneke, mi nwa ni vhinyo leyo tsokombela; lava pfumalaka swakudya, mi va nyika. Siku leri ri hlawuleriwile N'wini wa hina, kutani mi nga tshuki mi rila, hikuva ntsako lowu HOSI yi mi nyikaka wona wu ta mi tiyisa.”

Nehemiya 8:10 Referans Kwoze

Swivuriso 17:22

Mbilu leyi tsakeke i murhi lowu tiyisaka, Kasi moya lowu dyaka mbitsi wu omisa marhambu.

Eklesiasta 9:7

Famba, u ya dya swakudya swa wena hi ku tsaka, u nwa vhinyo ya wena hi mbilu leyi titsakelaka hikuva Xikwembu xi tsakisiwile hi mitirho ya wena.

Pisalema 149:2

Israele a a tsakele muvumbi wa yena, Vana va Siyoni a va tsakele hosi ya vona!

Esaya 61:10

Ndzi ta titsakela eka Yehovha, moya wanga wu ta titsakela eka Xikwembu xa mina; hikuva xi ndzi ambexile tinguvu ta ku hlayiseka, xi ndzi funengetile hi nkumba wa ku lulama kukotisa muvuti la tibombiseke hi musingasoro, kukotisa mutekiwa la tibombiseke hi ku saseka ka nsuku.

Estere 9:19

Hikwalaho Vayuda va le tikweni, lava akeke emitini leyi nga riki na marhangu, va endla siku ra vukhume na mune ra n'hweti ya Adara siku ro tsaka ni ro dya, ni siku ra nkhuvo, leri ku rhumelaniwaka tinyiko ha rona.

2 Vakorinto 8:2

hikuva exikarhi ka tinxaka ta maxangu lamakulu, ku tsaka ka vona ku engetelelekile; kutani evusiwaneni lebyikulu bya vona, va humesile rifuwo lerikulu ra ku hanana ka vona.

Estere 9:22

hileswaku hi masiku lawa Vayuda va voneke ku wisa eka valala va vona, kambe en'hwetini leyi tingana ta vona ti hundzukeke ku tsaka, ni ku rila ka vona ku hundzukeke nkhuvo; va ku va ma endla masiku ya nkhuvo ni ya ku tsaka lawa ku rhumelaniwaka tinyiko, lawa kambe ku hiwaka swisiwana ha wona.

Eklesiasta 3:13

Ni leswaku loko munhu a dya, a nwa, a tsakela ntirho hinkwawo wa ku tikarhata ka yena, na swona i ku nyika ka Xikwembu.

Eklesiasta 2:24

A ku na lexo saseka eka munhu lexi tlulaka ku dya ni ku nwa, ni ku lavela moya wa yena ku titsakela hi ku tirha ka yena. Na swona leswi, ndzi swi vonile leswaku swi huma evokweni ra Xikwembu.

Eklesiasta 11:2

Byi nyike ka vanhu va ntlhanu na vambirhi, kumbe ka va ntlhanu na vanharhu; hikuva a ku tivi khombo leri nga ta humelela emisaveni.

Vafilipiya 3:4

Swi nga ri leswaku a ndzi pfumala swa ku tidzunisa enyameni. Kungakuloko munhu a anakanya leswaku u ni nkarhi wa ku tidzunisa enyameni, ngopfungopfu hi mina yeloyi,

Luka 11:41

Kambe nyikani swisiwana leswi nga endzeni ka swona, hi kona swilo hinkwaswo swi nga ta va swi basile eka n'wina.

Risimu ra Tinsimu 5:1

Ndzi tile ensin'wini ya mina, oho makwerhu, muvutiwa wa mina! Ndzi hlengeletile mirha ya mina ni swinun'hwelo swa mina; Ndzi dyile xihlenga xa mina ni vulombe bya mina; Ndzi nwile vhinyo ya mina ni ntswamba wa mina. Dyanani, maxaka, nwanani, mi pyopya hi rirhandzu.

Eklesiasta 5:18

Lexi ndzi xi voneke hi lexi: hi lexinene ni lexo saseka ku dya ni ku nwa, ni ku titsakela hi ku karhateka hinkwako loku munhu a tikarhataka hakona ehansi ka dyambu, hi masiku hinkwawo ya vutomi bya yena lawa Xikwembu xi n'wi nyikeke wona, hikuva hi kona ku averiwa ka yena.

Yuwele 2:23

Na n'wina vana va Siyoni, tsakani, mi tsaka ngopfu eka Yehovha, Xikwembu xa n'wina, hikuva u ta mi nyika hilaha ku fanelaka e timpfula letikulu, u ta mi nisela timpfula, timpfula ta rihunga, ni ta xirimo; hi wona masungulo.

Nhlavutelo 11:10

Kutani lava akeke emisaveni va ta tsakela ku fa ka vona, va tsakisisa, va ta rhumelana tinyiko, hikuva vaprofeta valavo vambirhi va xanisile lava akeke emisaveni.

1 SAMIELE 25:8

Vutisa malandza ya wena, ma ta ku byela. Majaha lawa, a makume tintswalo emahlweni ka wena, leswi hi fikeke hi siku ro tsaka. Wa nga nyika malandza va wena ni n'wana wa wena Davhida leswi u nga ta swi kuma evokweni ra wena.’ ”

Nehemiya 8:11

Sweswo Valevhi va wisisa tiko hinkwaro, va ku: “Miyelani, hikuva siku leri, hi leri hlawuriweke, mi nga tshuki mi hlunama!”

Nehemiya 8:12

Kutani tiko hinkwaro ri suka ri ya dya, ni ku nwa, va rhumela van'wana swakudya, va endla nkhuvo lowukulu, hikuva a va twisisile marito lawa va ma byeriweke.

Zakariya 14:21

Ni timbita hinkwato ta Yerusalema, ni ta Yuda ti ta va leti hlawuleriweke Yehovha wa tinyimpi; hinkwavo lava endlaka magandzelo, va ta ta, va teka tona, va sweka ha tona; a ku nga ha vi na Mukanana endlwini ya Yehovha wa ti nyimpi, hi siku rolero.

1 TIHOSI 8:66

Hi siku ra ntlhanu na manharhu a tlherisa tiko; kutani va katekisa hosi, va tlhelela emitsongeni ya vona hi ku tsaka ni ku khensa ka mbilu, hikwalaho ka ku kateka hinkwako loku Yehovha a katekiseke Davhida nandza wa yena hakona, ni tiko ra yena ra Israele.

1 TIKRONIKA 16:27

Vukulu ni ku kwetsima swi le mahlweni ka yena, Matimba ni ku tsaka swi le vuakweni bya yena.

Pisalema 89:17

Hikuva u ku kwetsima ka matimba ya rona. Hi tintswalo ta wena, u tlakusa rimhondzo ra hina,

Esaya 49:5

Kutani sweswi Yehovha wa vulavula, yena la ndzi vumbeke ndza ha ri ekhwirini ra manana leswaku ndzi ta va nandza wa yena, ndzi n'wi vuyisela Yakobo, ndzi n'wi hlengeletela Israele. Hikuva ndza chaviseka emahlweni ka Yehovha, kutani matimba ya mina i Xikwembu xa mina.