Nehemiya 8:1 - Xitsonga (Bibele)

¹ Kutani tiko hinkwaro ri hlengeletana erivaleni, emahlweni ka nyangwa ya Mati, kukotisa loko a ri munhu un'we va byela Ezra, mutsari ku tisa buku ya milawu ya Muxe, leyi Yehovha a yi leriseke Israele.

BIBELE Mahungu Lamanene

¹ Hi siku ro sungula ra n'hweti leyi, Vaisraele hinkwavo va ya va ya hlengeletana erivaleni leri nga mahlweni ka nyangwa leyi vuriwaka Nyangwa-ya-Mati. Vaisraele a va byerile mutsari Ezra leswaku a ta ni buku leyi nga ni Nawu lowu HOSI Xikwembu xi wu nyikeke Muxe leswaku a ya wu fikisa eka Vaisraele.

Nehemiya 8:1 Referans Kwoze

Ezra 7:6

Ezra yeloyi, a suka eBabilona. A a ri mutsari wa ku tlhariha emilawini ya Muxe, leyi nyikiweke hi Yehovha, Xikwembu xa Israele. Hosi yi n'wi nyika hinkwaswo leswi a swi kombelaka hikuva voko ra Yehovha, Xikwembu xa yena, a ri ri na yena.

Nehemiya 3:26

Vanetinimi va aka laha va tshameke kona eswitsungeni ku ya fika emalunganeni ya nyangwa ya Mati ya tlhelo ra vuxa, ni ka khokholo leri humelaka ehandle.

2 TIKRONIKA 34:15

Kutani Hilkiya a vulavula na Xafani, mutsari, a ku eka yena: “Ndzi kumile buku ya nawu endlwini ya Yehovha.” Hilkiya a nyika Xafani buku;

Ezra 7:11

Hi wona marito ya papila leri hosi Ataserkisi a ri nyikeke Ezra muprista ni mutsari, a nga mutsari wa ku lerisa ka Yehovha, ni milawu ya yena leyi byeriweke va Israele:

Matewu 23:34

“Hikwalaho, maswivo ndzi mi rhumela vaprofeta, ni tintlhari, ni vatsari; mi ta dlaya van'wana, mi vamba van'wana; mi ta ba van'wana emasinagogeni ya n'wina, mi va xanisa emutini wun'wana ni wun'wana;

Matewu 23:13

“Kasi mi ni khombo n'wina vatsari ni Vafarisi, vamanyunyu, hikuva mi pfalela vanhu ku fuma ka matilo; kambe n'wina a mi ngheni kona kutani lava rhandzaka ku nghena a mi va pfumeleri ku nghena.

Matewu 23:2

“Vatsari ni Vafarisi va tivekile exitshan'weni xa Muxe;

Matewu 13:52

Kutani a ku eka vona: “Hilaha ndzi nge: Mutsari un'wana ni un'wana la dyondzisiweke hi ta ku fuma ka le tilweni, u kotisa munhu la nga n'wini wa yindlu la humesaka evukosini bya yena swilo leswintshwa ni leswa khale.”

Malakiya 4:4

“Tsundzukani nawu wa Muxe, nandza wa mina, lowu ndzi wu leriseke Vaisraele hinkwavo ha yena eHorebe, wu nga nawu ni ku lerisa.

Esaya 8:20

A hi tlheleleni enawini ni le vumbhonini. Kungakuloko ku nga yiwi hi rito leri, tiko a ri nga ha tsuvukeriwi hi vurhonga byin'wana!

Nehemiya 12:37

Kuteloko va fikile enyangweni ya Tiva, ku lavana ni laha va nga kona, va khandziya hi swikhandziyo swa muti wa Davhida hi ndzulamo wa rirhangu leri ungameleke yindlu ya Davhida, ku ya fika enyangweni ya Mati evuxeni.

Nehemiya 8:16

Hi kona tiko ri sukaka, ri ya lava marhavi kutani va tiendlela mitsonga, un'wana ni un'wana ehenhla ka yindlu ya yena, kumbe erivaleni ra yona, ni le rivaleni ra yindlu ya Xikwembu, ni le ntsendzeleni wa nyangwa ya Mati, ni le ntsendzeleni wa nyangwa ya ka Efrayimi.

Vaavanyisi 20:8

Kutani tiko hinkwaro ri yima kukotisa loko a ri munhu un'we, ri ku: “A ku nga vi na un'we wa hina la nga ta tlhelela entsongeni wa yena, hambi ku ri ku tlhelela endlwini ya yena.

Vaavanyisi 20:1

Kutani vana va Israele hinkwavo, va huma ku sukela eDani ku ya fika eBerexeba ni le tikweni ra Giliyadi, Vaisraele va hlengeletana eMispa emahlweni ka Yehovha, kukotisa loko a ri munhu un'we.

2 TIKRONIKA 34:30

Hosi yi khandziya endlwini ya Yehovha, yi ri ni vanhu hinkwavo va Yuda, ni vaaki va Yerusalema, ni vaprista ni Valevhi, ni tiko hinkwaro, ku suka ka lonkulu, ku yisa ka lontsongo; kutani va hlaya etindleveni ta vona marito hinkwawo ya buku ya ntwanano leyi kumiweke endlwini ya Yehovha.

Ezra 7:10

Hikuva Ezra a a vekile mbilu ya yena ku lava milawu ya Yehovha, ni ku tirha ha yona, ni ku dyondzisa Vaisraele milawu, ni ku lerisa.

Nehemiya 8:3

A hlaya kona erivaleni laha emahlweni ka nyangwa ya Mati, a sungula nimixo ku ko ku fika nhlekanhi, emahlweni ka vavanuna ni vavasati ni lava nga ni ku twisisa, kutani tiko hinkwaro ri rhiya tindleve ku yingisa buku ya milawu.

Levhitika 9:5

Kavaloko va tisa emahlweni ka tabernakela ya nhlengeletano leswi lerisiweke hi Muxe; kutani nhlengeletano hinkwayo yi tshinela, yi yima emahlweni ka Yehovha.

Duteronoma 31:11

kutakuloko Vaisraele hinkwavo va ta ku humelela emahlweni ka Yehovha, Xikwembu xa wena, endhawini leyi a nga ta yi hlawula, u ta hlaya nawu lowu emahlweni ka Vaisraele hinkwavo, va wu yingisa.

2 TIHOSI 23:2

Kutani hosi yi tlhandluka endlwini ya Yehovha swin'we ni vanhu hinkwavo va Yuda, ni vaaki hinkwavo va Yerusalema, ni vaprista, ni vaprofeta, ni tiko hinkwaro, ku suka eka lontsongo, ku fika eka lonkulu; kutani a va hlayela marito hinkwawo ya buku ya ntwanano leyi kumiweke endlwini ya Yehovha.

Ezra 7:1

Endzhaku ka sweswo, enkarhini lowu ku fumaka Ataserkisi, hosi ya Peresi, Ezra, n'wana Seraya, n'wana Azariya n'wana Hilkiya,

Nehemiya 12:26

Lava a va hanya emikarhini ra Yoyakimi n'wana Yexuwa, n'wana Yosadaka, ni le mikarhini ya Nehemiya, mufumi, ni ya muprista, Ezra, mutsari.