Nehemiya 7:65 - Xitsonga (Bibele)

⁶⁵ Mufumi, a va byela leswaku va nga dyi swilo leswo kwetsima, ku kondza ku fika muprista la nga ta vutisa Urimi na Thumimi.

BIBELE Mahungu Lamanene

⁶⁵ Ndhunankulu yi va byerile leswaku va nga tshuki va dya swakudya leswi humeseriwaka Xikwembu, ku kondza muprista a vutisa mhaka ya vona eka Xikwembu hi “Urimi” na “Thumimi”.

Nehemiya 7:65 Referans Kwoze

Nehemiya 8:9

Kutani Nehemiya la ngi a ri hosi, a ri na Ezra muprista ni mutsari, ni Valevhi, va dyondzisa tiko, va ku eka tiko hinkwaro: “Siku leri, hi leri hlawuleriweke Yehovha, Xikwembu xa n'wina, mi nga tshami enkosini, mi nga tshuki mi rila!” Hikuva va tiko hinkwaro a va rila loko va twa marito ya milawu.

Eksoda 28:30

“Kutani u ta veka Urimi na Thumimi engubyeni ya xifuva ya ku avanyisa leswaku swi tshama exifuveni xa Aroni loko a ya emahlweni ka Yehovha; kutani Aroni u ta rhwala ku avanyisa ka vana va Israele exifuveni xa yena, emahlweni ka Yehovha, hi laha ku nga heriki.

Nehemiya 10:1

Lava nga tiyisa papila hi ku tiyisa ka vona, i Nehemiya, mufumi n'wana Hakaliya, na Sedekiyasi,

Ezra 2:63

Kutani hosi yi va byela leswaku va nga ka va nga dyi swilo swo kwetsima, ku fikela siku ku humelelaka muprista la nga ta yima emahlweni ka Xikwembu, a tamele Urimi na Thumimi.

Duteronoma 33:8

Eka Levhi, a ku: “Mathumimi ni Maurimi ya wena a ma vekiwe ka muhlawuriwa wa wena, Loyi u n'wi ringeke Masa, Loyi u n'wi tengiseke ematini ya Meriba,

Tinhlayo 27:21

U ta yima emahlweni ka Eliyazara, muprista, kutani yena u ta n'wi kombelela hi nawu wa Urimi, emahlweni ka Yehovha: hi ku lerisa ka yena, vana va Israele hinkwavo va ta huma, kambe hi ku lerisa ka yena, va ta tlhela va nghena.”

Levhitika 6:17

Va nga tshuki va swi sweka hi comela. Hi kona ku averiwa loku ndzi va nyikeke emagandzelweni ya mina lama hisiwaka hi ndzilo. I xilo lexi kwetsimaka ngopfu kukotisa gandzelo ra xidyoho, ni gandzelo ra ku riha.

Levhitika 2:10

Leswi seleke swa nyiko, i swa Aroni ni vana va yena; i xilo lexi kwetsimaka ngopfu exikarhi ka timhamba leti hiseriwaka Yehovha.

Levhitika 2:3

Leswi seleke swa nyiko, i swa Aroni ni vana va yena: i xilo lexi hlawuriweke ngopfu exikarhi ka timhamba leti hiseriwaka Yehovha.

Levhitika 8:8

A n'wi ambexa ni nguvu ya xifuva, a veka eka yona Urimi na Thumimi.

Nehemiya 7:64

Vona va lava mapapila ya mavito ya vona, ni ya tinyimba, va nga ma kumi, hikwalaho va humesiwa evupristeni.

Nehemiya 7:66

Nhlengeletano hinkwayo loko yi hlayiwa yi endla ntsengo wa vanhu va 42 360,

Nehemiya 7:70

Van'wanyana va tihosana ta tindlu ta vatatana wa vona va humesela ntirho mihlengo; mufumi, yena, a humesela vuhlayiselo tidarika ta nsuku ta 1 000, ni mikambana ya 50, ni tinguvu ta vaprista ta 530;