Nehemiya 7:1 - Xitsonga (Bibele)

¹ Kuteloko rirhangu ri herile, ndzi vehela timbanti etinyangweni, kutani valanguteri va vekiwa emitirhweni va vona, na vona vayimbeleri, ni Valevhi.

BIBELE Mahungu Lamanene

¹ Loko ntirho wo aka rirhangu ni ku vekela timbanti wu herile, ndzi vekile varindzi va le tinyangweni, ni vayimbeleri, ndzi veka ni Valevhi entirhweni.

Nehemiya 7:1 Referans Kwoze

Nehemiya 6:15

Loko ri ri rirhangu, ri hela hi siku ra makume mambirhi na ntlhanu ra n'hweti ya Elulu, ri tirhiwile hi masiku ya 52.

Nehemiya 6:1

Sanibalati, na Tobiya, na Gexeme, Muarabu, ni lava seleke va valala va hina, kuteloko va twile leswaku ndzi pfuxile rirhangu, ni leswaku a ka ha ri na laha ngi ri mbundzuxiwile, hambi ndzi nga si vehela timbanti ta tinyangwa ku fikela enkarhini wolowo,

2 TIKRONIKA 31:2

Kutani Hezekiya a veka mitlawa ya vaprista ni ya Valevhi emitirhweni ya vona, un'wana ni un'wana hi ntirho wa yena; vaprista ni Valevhi a va fanele ku humesa tiholokosta ni magandzelo ya ku khensa, ni ku khoma ntirho, ni ku dzunisa Yehovha ni ku yimbelela etinyangweni ta mixaxa ya Yehovha.

Nehemiya 12:24

Tihosana ta Valevhi a a ri: Haxabiya, na Xerebiya, na Yexuwa, n'wana Kadimiele, ni vamakwavo lava langutaneke na vona, a va ri ni mfanelo ya ku dzunisa Yehovha, hilaha Davhida, munhu wa Xikwembu, a leriseke hakona; ntlawa wu ri karhi wu hlamulana ni ntlawakulobye.

Nehemiya 11:3

Hi lava vakulukumba va matlhelo lava tshamaka va aka Yerusalema, ni le mitini ya Yuda; Vaisraele, ni vaprista, ni Valevhi, ni Vanetinimi, ni vana va malandza ya Solomoni, va aka un'wana ni un'wana etikweni leri a ri fumeke, emutini wa yena.

Nehemiya 10:39

Vana va Israele ni vana Valevhi va ta neha nhlengo lowu pamburiweke ka koro ni ka vhinyo leyintshwa, ni ka mafurha emakamareni, laha mitirho ya magandzelo yi nga kona, ni laha ku tshamaka vaprista lava tirhaka mitirho, ni valanguteri va tinyangwa ni vayimbeleri, kutani hi nga fularheli yindlu ya Xikwembu xa hina.”

Ezra 3:8

Hi lembe ra vumbirhi ra ku fika ka vona endlwini ya Yehovha eYerusalema, hi n'hweti ya vumbirhi, Zerubabele n'wana Salatiele, na Yexuwa, n'wana Yosadaka ni vamakwavo lava nga vaprista, ni Valevhi, ni hinkwavo lava nga tlhelela eYerusalema, va huma eku bohiweni, va sungula ku tirha, kutani ku vekiwa Valevhi lava nga ni malembe ya makume mambirhi, ni lava nga emahlweni, leswaku va fambisa mitirho ya yindlu ya Yehovha.

2 TIHOSI 7:10

Kavaloko va famba va ya huwelela eka valanguteri va muti, va va tivisa, va ku: “Hi nghenile emixaxeni ya Vasiriya, kutani a hi kumanga munhu, a hi twanga na rito ra munhu; i tihanci ntsena leti bohiweke, ni timbhongolo leti hohiweke ni mitsonga yi lo rhula ntsena.”

Nehemiya 6:19

kambe a va n'wi vula hi timhaka letinene emahlweni ka mina, a va n'wi hlevela ku vulavula ka mina. Kambe Tobiya a a rhuma mapapila ku ndzi chavisa.