Nehemiya 6:14 - Xitsonga (Bibele)

¹⁴ Oho Xikwembu xa mina! Anakanya Tobiya na Sanibalati, ni ku endla ka vona! Na yena Nowadiya, muprofeta wa wansati, ni vaprofeta van'wana lava laveke ku ndzi chavisa!

BIBELE Mahungu Lamanene

¹⁴ Kutani ndzi khongela ndzi ku: “We Xikwembu xanga, leswi Tobiya na Sanibalati va endlaka swona, u nga swi rivali; hambi a ri wansati lowa muprofeta loyi va nge i Nowadiya ni vaprofeta hinkwavo lava ringeteke ku ndzi chavisa, u nga va rivali!”

Nehemiya 6:14 Referans Kwoze

Nehemiya 13:29

Oho! Xikwembu xa mina, u va anakanya, hikuva va nyamisile vuprista ni xinakulobye xa vaprista ni Valevhi.

Nhlavutelo 19:20

Kutani xivandza xi khomiwa swin'we ni muprofeta wa mavunwa, loyi a nga endla emahlweni ka xona mahlori lawa a hambukiseke ha wona lava nga amukela mfungho wa xivandza, ni lava gandzeleke xifaniso xa xona havambirhi va cukumetiwa va ha hanya etiveni leri pfurhaka ra ndzilo ni xivavula.

1 Yohane 5:16

Kungakuloko munhu a vona makwavo a dyoha hi ku dyoha loku nga yisiki eku feni, a a n'wi khongelele, kutani Xikwembu xi ta n'wi nyika vutomi, loko va nga ri lava dyohaka hi ku dyoha loku yisaka eku feni. Xidyoho xi kona lexi yisaka eku feni, a ndzi vuri leswaku ku khongeleriwa xona.

2 Timotiya 3:8

Hilaha Yani na Yambri va aleleke Muxe hakona, hi sweswo, na vona, va ala swa ntiyiso, va nga vanhu lava boleke eku anakanyeni ka vona va nga riki na ku khensiwa hitlhelo ra vupfumeri.

Matewu 24:24

Hikuva ku ta humelela lava tivulaka Kriste hi vunwa, kambe vaprofeta va mavunwa va ta endla masingita lamakulu, ni mahlori lama nga ta hambukisa na vona vahlawuriwa, loko swi nga koteka.

Matewu 24:11

Ku ta humelela vaprofeta lavo tala va mavunwa va ta hambukisa lavo tala.

Matewu 7:15

“Hambanani ni vangoma va mavunwa lava taka eka n'wina va funengele nguvu ya nyimpfu kasi exikarhi ka timbilu ta vona, i timhisi leti bvanyengetaka.

Yeremiya 28:15

Kutani muprofeta Yeremiya a byela Hananiya muprofeta, a ku: “Yingisa-ke, Hananiya! Yehovha a nga ku rhumanga, kambe u tshembisile tiko leri mavunwa.

Yeremiya 28:10

Kutani muprofeta Hananiya a teka joko enhan'wini ya muprofeta Yeremiya a ri tshova.

Yeremiya 28:1

Hi lembe rolero, eku sunguleni ka ku fuma ka Sedekiyasi, hosi ya Yuda, hi lembe ra vumune, hi n'hweti ya vuntlhanu, Hananiya, n'wana Azuri, muprofeta wa Gibiyoni, a ndzi byela timhaka emahlweni ka vaprista ni ka tiko hinkwaro endlwini ya Yehovha, a ku:

Yeremiya 14:18

Loko ndzi humela ehandle, ku vonaka lava tlhaviweke hi fumu; ni loko ndzi nghena emutini, ku vonaka lava faka hi ndlala. Kambe loko a ri muprofeta ni muprista, va tsendzeleka etikweni leri va nga ri tiviki.’ ”

Yeremiya 14:15

“Hikwalaho, Yehovha u vula a ku: Ehenhla ka vaprofeta lava profetaka hi vito ra mina, kasi a ndzi va rhumanga, va ku: ‘Fumu ni ndlala swi nga ka swi nga vi kona etikweni leri,’ vaprofeta volavo va ta lovisiwa hi fumu ni ndlala.

Pisalema 63:1

Oho Xikwembu! U Xikwembu xanga, ndza ku lava, Moya wanga wu ni torha ra wena, nyama ya mina yi ku navela hi mahika, Etikweni leri ra ku oma, ra mananga leri nga riki na mati.

Pisalema 22:1

Xikwembu xanga! Xikwembu xanga! U ndzi tshikele yini? U yimela yini hitlhelo leswaku u nga ti ndzi hlayisa, U nga ti ndzi yingisa loko ndzi huwelela?

Nehemiya 5:19

Oho Xikwembu xa mina! Anakanya hinkwaswo leswi ndzi swi endleleke tiko leri, u ndzi endla hi vunene hikwalaho ka swona!

Eksoda 15:20

Kutani Meriyamu, muprofeta, makwavo wa Aroni, a teka dzandzana evokweni ra yena, kutani vavasati hinkwavo va huma, va n'wi landza, va ri ni madzandzana, va cina.

Pisalema 137:7

Yehovha, anakanya vana va Edomu, Hi laha va nga te hi siku ra khombo ra Yerusalema: “Hlanhlani, hlanhlani ku ya fika emasungulweni ya wona!”