Nehemiya 5:9 - Xitsonga (Bibele)

⁹ Kutani ndzi ku: “Leswi mi swi endlaka a swi lulamanga; a mi fanele ku famba eku chaveni ka Xikwembu xa hina, hi nga tshuki hi sandziwa hi matiko lawa va nga valala va hina.

BIBELE Mahungu Lamanene

⁹ Kutani ndzi ku: “Leswi mi swi endlaka, swi bihe ngopfu! Hikwalaho ka yini mi nga chavi Xikwembu, leswaku vamatiko, vona valala va hina, va ta tshika ku hi hlekula xana?

Nehemiya 5:9 Referans Kwoze

Levhitika 25:36

U nga ka u nga bindzuli ha yena ni ku n'wi dyelela; kambe u ta chava Xikwembu xa wena, kutani makwenu u ta tshama eka wena.

1 Petro 2:12

mi va ni mikhuva yo saseka exikarhi ka matiko, leswaku timhaka leti va mi hlevaka ha tona kukota loko ngi mi ri vadyohi, va ta tiva ku dzunisa Xikwembu ha tona, siku xi nga ta va endzela, hikwalaho ka mitirho leyo saseka leyi va nga ta va va yi vonile eka n'wina.

2 SAMIELE 12:14

kambe leswi u tsan'wiseke Yehovha eka valala va yena emhakeni leyi, n'wana loyi u velekeriweke yena u ta fa hakunene.”

Tito 2:5

va ve ni ku titsongahata, ni ku tenga, ni ku titshamela emakaya ka vona; va ve lavanene, lava yingisaka vanuna va vona, leswaku rito ra Xikwembu ri nga tshuki ri sandziwa.

1 Timotiya 5:14

Hikwalaho, ndzi rhandza leswaku lavantshwa va tekiwa, va veleka vana, va risa tindlu ta vona, va nga tshuki va nyika mukaneti nkarhi, ni lowutsongo, wa ku hleva.

Varhoma 2:24

Hikuva vito ra Xikwembu ri soriwa hikwalaho ka n'wina exikarhi ka vahedeni hinkwavo, hilaha ku tsariweke hakona.

Timhaka 9:31

Kambe tikereke a ti tshamile hi ku rhula hinkwako etikweni ra Yudiya, ni ra Galeliya, ni ra Samariya, ti akisiwa, ti famba exichabyeni xa Hosi; kutani ti andza hi ku chavelela ka Moya lowo Kwetsima.

Ezekiele 36:20

Loko va fikile ematikweni lawa ingi va ya eka wona, va lo nyamisa vito ra mina ro kwetsima, laha ingi vanhu va ku ha vona: ‘Volavo, i tiko ra Yehovha, va humile etikweni ra yena.’

Swivuriso 24:23

Lawa, ma ha ri marito ya lavo tlhariha. Ku languta vanhu hi nghohe eku avanyiseni, a swi saseki.

Swivuriso 19:2

Ku hiseka loku nga riki na ku tiva, a ku sasekanga, Ni la angwetlisaka mikondzo ya yena u wela exidyohweni.

Swivuriso 18:5

A swi saseki ku ya hi nghohe ya mudyohi, Ku kaneta la lulameke eku avanyiseni.

Swivuriso 17:26

Ku rihisa munhu la pfumalaka nandzu a swi saseki, Hambi ku ri ku ba lavakulu hikwalaho ka ku lulama ka vona.

Swivuriso 16:29

Munhu wa nsele u boha loyi a fambaka na yena, A n'wi kokela endleleni leyo biha.

Nehemiya 5:15

kasi vafumi vo rhanga lava ngi va ri kona emahlweni ka mina, a va tikela tiko, va teka vuswa ni vhinyo eka vona, ehandle ka tixikele ta mune wa makume ta silivhere, ni malandza ya vona a ma fuma hi matimba ehenhla ka tiko.

Nehemiya 4:4

Oho Xikwembu xa hina! Yingisa hilaha hi endliwaka xisandzu hakona, u va tlherisela swirhukano swa vona etinhlokweni ta vona, u va nyiketa leswaku va ya xupuriwa etikweni ra ku bohiwa.

1 SAMIELE 2:24

A hi swona vana vanga; leswi ndzi swi yingisaka a swi lulamanga; mi dyohisa tiko ra Yehovha.

Genesa 42:18

Hi siku ra vunharhu, Yosefa a ku eka vona: “Endlisani sweswo, mi ta hanya; ndzi munhu la chavaka Xikwembu.

Genesa 20:11

Kutani Abrahama a ku: “A ndzi ku kumbe, ku chava Xikwembu ku hava etikweni leri, kutani va ta ndzi dlaya hikwalaho ka nsati wa mina.

Nehemiya 5:10

Kambe mina ni vamakwerhu ni malandza ya mina, hi va lombile mali ni mavele; a hi tshikeni sindziso yoleyo!

Pisalema 90:11

I mani la tsundzukaka matimba ya vukari bya wena, Ni ku hlundzuka ka wena hi ku chavisa loku ku fanelaka!