Nehemiya 4:21 - Xitsonga (Bibele)

²¹ Hi khoma mitirho sweswo, van'wana va hina va tamele matlhari, ku suka nimixo ku fikela eku humeni ka tinyeleti.

BIBELE Mahungu Lamanene

²¹ Hi tirhile hi ndlela leyi; hafu yin'wana ya vanhu a yi khoma matlhari ku sukela hi vurhonga ku kondza byi ya va vusiku.

Nehemiya 4:21 Referans Kwoze

Vagalatiya 6:9

Hi nga tshuki hi karhala ku endla leswinene, hikuva hi ta tshovela enkarhini wa kona, loko hi nga lolohi.

1 Vakorinto 15:58

Hikwalaho, vamakwerhu lava rhandziwaka, tiyani swinene, mi nga tsekatsekeni, mi tirhela Hosi hi masiku, mi ri karhi mi swi tiva leswaku mitirho ya n'wina yi nga ka yi nga hundzuki swahava eHosini.

1 Vakorinto 15:10

Kambe hi tintswalo ta Xikwembu, ndzi loyi ndzi nga yena; kutani tintswalo ta xona eka mina a ti endliwanga swahava, kambe ndzi va tlulela kule hinkwavo hi ku tirha; ndzi nga ri mina kambe i tintswalo ta Xikwembu eka mina.

Vakolosa 1:29

Hi leswi ndzi swi tirhelaka, loko ndzi lwa hi matimba ya yena lama tirhaka ngopfu eka mina.

Nehemiya 4:20

Loko swi ri tano, tanani mi hlengeletana eka hina exivandleni xihi ni xihi laha mi nga ta yingisa mpfumawulo wa nanga, laha yi twalaka kona; Xikwembu xa hina xi ta hi lwela.”

Nehemiya 4:22

Kambe enkarhini wolowo, ndzi ku eka tiko: “Un'wana ni un'wana a a tshame vusiku ni malandza ya yena exikarhi ka Yerusalema, leswaku va hi pfuna vusiku ku langutela, nhlekanhi hi ta khoma mitirho.”