Nehemiya 4:14 - Xitsonga (Bibele)

¹⁴ Kutani ndzi languta ndzi yimile, ndzi ku eka vakulukumba, ni ka tihosana, ni ka van'wana va tiko: “Mi nga va chaveni; mi anakanya Hosi leyikulu leyi chavisaka, mi lwela vamakwenu ni vana va n'wina, ni vana va xisati va n'wina, ni vasati va n'wina, ni tindlu ta n'wina.”

BIBELE Mahungu Lamanene

¹⁴ Loko ndzi vona leswaku va chava, ndzi suka ndzi yima ndzi byela varhangeri, ni tindhuna ni vanhu hinkwavo ndzi ku: “Valala va hina, mi nga va chavi; tsundzukani leswaku HOSI Xikwembu xa hina i xikulu, naswona xa chaviseka! Kutani, lwelani vamakwenu, ni vana va n'wina va xinuna ni va xisati, ni vasati va n'wina ni miti ya n'wina.”

Nehemiya 4:14 Referans Kwoze

2 SAMIELE 10:12

U va ni matimba, kambe a hi tiyeleni eka tiko ra hina ni le ka miti ya Xikwembu xa hina; kambe Yehovha a a endle leswi lulameke emahlweni ka yena!”

Tinhlayo 14:9

Ntsena mi nga tshuki mi pfukela Yehovha; loko mi ri n'wina, mi nga chaveni vanhu va tiko leri, hikuva swi ta va swakudya swa hina; ndzhuti wa vona wu sukile ehenhla ka vona, kasi Yehovha u na hina, mi nga tshuki mi va chava.”

Vaheveru 13:6

Hikwalaho hi nga vula hi ku tshemba, hi ku: “Hosi i mupfuni wa mina, ndzi nga ka ndzi nga chavi nchumu; munhu a nga ndzi endla yini xana?”

Matewu 10:28

“Mi nga tshuki mi chava lava dlayaka miri, kambe va hava matimba yo dlaya moya; kambe chavani loyi a nga ni matimba yo lovisa miri ni moya wa munhu etiheleni.

Pisalema 66:3

Mi ku eka Xikwembu: “Mitirho ya wena yi chavisa swonghasi! Hikwalaho ka vukulu bya matimba ya wena, valala va wena va ku xengetela.

Pisalema 65:5

U hi hlamula hi mitirho leyi chavisaka ya ku lulama ka wena, Xikwembu xa ku hlayiseka ka hina, Wena la nga ku tshemba ka matlhelo hinkwawo ya misava ni ya lwandle!

Pisalema 20:7

Van'wana va tidzunisa hi tigolonyi ta vona, van'wana hi tihanci; Kambe hina hi tidzunisa hi vito ra Yehovha, Xikwembu xa hina.

Nehemiya 1:5

ndzi ku: “Yo! Yehovha Xikwembu xa matilo! Xikwembu lexikulu, lexi chavisaka, u hlayisela lava ku rhandzaka lava hlayisaka milawu ya wena, ntwanano ni tintswalo!

2 TIKRONIKA 32:7

“Tiyani timbilu, mi tiya! Mi nga chavi, mi nga herisiwi timbilu hi hosi ya Asiriya ni vunyingi lebyi nga na yena; hikuva lava nga na hina va tlula lava nga na yena.

Yoxuwa 1:9

Xana a ndzi ku lerisanga ndzi ku: ‘Tiya mbilu, u tiya: u nga chavi, u nga tsemeki nhlana; hikuva Yehovha, Xikwembu xa wena, xi na wena hinkwako laha u nga ta ya kona.’ ”

Duteronoma 10:17

hikuva Yehovha, Xikwembu xa n'wina, Xikwembu xa swikwembu ni Hosi ya tihosi, i Xikwembu lexikulu, lexa matimba, ni lexi chavisaka, lexi nga yiki hi nghohe ya vanhu, lexi nga amukeriki tinyiko;

Duteronoma 1:21

Languta, Yehovha, Xikwembu xa wena, xi ku nyikile tiko: khandziya, u ya ri teka, hilaha Yehovha a ku byeleke hakona, xi ri Xikwembu xa vatata wa wena; u nga chavi, u nga rhurhumeli.’

Pisalema 143:5

Ndzi ehleketa mikarhi ya khale, Ndzi anakanya hinkwaswo leswi u swi endleke, Ndzi tsundzuka hinkwaswo leswi mavoko ya wena ma swi endleke.

Pisalema 66:5

Tanani, mi vona mitirho ya Xikwembu; Xa chaviseka eku endleni ka xona ehenhla ka vana va vanhu;

Pisalema 46:11

Yehovha wa tinyimpi u na hina, Xikwembu xa Yakobo i xichavelo xa hina lexi tlakukeke.

Pisalema 27:1

Yehovha i ku vonakala ka mina, ni ku hlayiseka ka mina: Ndzi nga tshukisiwa hi mani? Yehovha i khokholo ra vutomi bya mina: Ndzi nga rhurhumela emahlweni ka mani xana?

Ntirho 37:22

Ku hatima loku nga ka nsuku ku huma en'walungwini; Xikwembu xi rhendzeriwa hi ku kwetsima loku chavisaka.

Eklesiasta 12:1

Anakanya Muvumbi wa wena hi masiku ya vuntshwa bya wena, ku nga si ta masiku ya khombo, ku nga si fika ni malembe lawa u nga ta vula ha wona, u ku: “A ndza ha tsakisiwi ha wona,”

Eksoda 14:14

Yehovha u ta mi lwela, kambe n'wina mi ta timiyelela ntsena.”

Eksoda 14:25

a hlumule masondzo ya makalichi ya vona, kutani va ma koka hi matimba. Kutani Vaegipta va ku: “A hi balekeni emahlweni ka Vaisraele, hikuva Yehovha a va lwela, a lwa ni Vaegipta.”

Vaavanyisi 3:27

Kuteloko a fikile kona, a yimba nanga entshaveni ya Efrayimi, vana va Israele va ngirimela na yena entshaveni, a va rhangela emahlweni.

Daniele 11:32

Kutani hi ku xengetela ka yena, u ta tikokela lava tlulaka xinakulobye, kambe tiko ra lava tivaka Xikwembu xa vona, ri ta tiya, ri tirha.

Zakariya 14:3

Yehovha u ta humelela, a lwa ni matiko wolawo, kukota siku a lwaka esikwini ra ku dlaya.