Nehemiya 3:28 - Xitsonga (Bibele)

²⁸ Emahlweni ka Nyangwa ya Tihanci, vaprista va lunghisa un'wana ni un'wana ku langutana ni yindlu ya yena.

BIBELE Mahungu Lamanene

²⁸ Xiphemu lexi nga henhla ka nyangwa leyi vuriwaka Nyangwa-ya-Tihanci a xi akiwa hi vaprista, un'wana na un'wana a tirha ku langutana na yindlu ya yena.

Nehemiya 3:28 Referans Kwoze

2 TIKRONIKA 23:15

Kavaloko va xaxamelana ematlhelweni mambirhi ya yena, kutani a nghena hi nyangwa ya tihanci endlwini ya hosi; va n'wi dlaya kona.

Yeremiya 31:40

Nkova hinkwawo wa mitsumbu ni wa nkuma, ni masimu hinkwawo, ku yisa enambyaneni wa Kedroni ku fika eyinhleni ya nyangwa ya tihanci, hitlhelo ra vuxa, ku ta hlawuleriwa Yehovha; a ku nga ha mbundzuxiwi, a ku nga ha onhiwi hilaha ku nga heriki.”

2 TIHOSI 11:16

Kutani va xaxamelana, va n'wi tshika a hundza, kutani a ya fika endlwini ya hosi hi ndlela ya Nyangwa ya Tihanci, va n'wi dlaya kona.

Nehemiya 3:23

Emahlweni ka vona ku lunghisa Benjamini na Haxubu, emahlweni ka yindlu ya vona. Emahlweni ka vona, ku lunghisa Azariya, n'wana Maaseya, n'wana Ananiya, emalunganeni ya yindlu ya yena.

Nehemiya 3:10

Ekusuhi na yena ku lunghisa Yedaya, n'wana Harumafa, a lunghisa ku vandzamana ni yindlu ya yena; ekusuhi na yena, ku lunghisa Hatuxi, n'wana Haxabiniya.

Nehemiya 3:29

Emahlweni ka vona, Sadoki, n'wana Imere, a lunghisa ku langutana ni yindlu ya yena; emahlweni ka yena ku lunghisa Xemaya, n'wana Xekaniya, mulanguteri wa nyangwa ya vuxa.