Nehemiya 2:3 - Xitsonga (Bibele)

³ ndzi ku eka hosi: “Hosi a yi hanye hilaha ku nga heriki! Xana ndzi nga tshika ku khanyana mombo ha yini, leswi muti wa masirha ya vatatana wu onhakeke, timbanti ta wona ti tshama ti tshwile hi ndzilo?”

BIBELE Mahungu Lamanene

³ Ndzi hlamula hosi ndzi ku: “Hosi, hanya hilaha ku nga heriki! Ndzi khunguvanyekile emoyeni, hikuva muti lowu wu nga ni masirha ya va ka hina wu mbundzumuxiwile, ni tinyangwa ta wona ti herisiwile hi ndzilo!”

Nehemiya 2:3 Referans Kwoze

Nehemiya 1:3

va ku eka mina: “Masalela, lama saleke eku bohiweni, lava akeke etikweni leriya, va le nhlomulweni lowukulu, ni le tinganeni; rirhangu ra Yerusalema, i swiphemu, ni timbanti ta kona ti tshwile hi ndzilo.”

Daniele 2:4

Vakalediya va ku eka hosi hi Xiaramu: “Oho hosi, hanya hilaha ku nga heriki! Byela malandza ya wena norho, kutani hi ta ku hlamusela wona.”

1 TIHOSI 1:31

Kutani Batixeba a korhama ehansi, a khinsama emahlweni ka hosi, a ku: “A ku hanye n'wini wa mina, hosi Davhida, hi masiku!”

Daniele 5:10

Kuteloko nkosikazi a twa timhaka leto ta hosi ni ta tihosana ta yena, a nghena endlwini ya nkhuvo. Kutani nkosikazi a vulavula, a ku: “Hosi, hanya hilaha ku nga heriki! Mianakanyo ya wena yi nga tshuki yi pfulungana, ni mombo wa wena wu nga tshuki wu hundzuka!

Pisalema 137:6

Ririmi ra mina a ri namarhele emalakeni ya mina, Loko ndzi nga ku anakanyi, Yerusalema, Ndzi nga ku endli masungulo ya ku tsaka ka mina!

Daniele 6:21

Kutani Daniele a vulavula ni hosi, a ku: “Hosi, hanya na ku hanya!

Daniele 6:6

Kavaloko tindhuna teto ni masatrapi walawo va ta eka hosi hi huwa leyikulu, va ku eka yena: “Hosi Dariyosi hanya ni ku hanya!

Swirilo 2:9

Tinyangwa ta yena ti mbombomele ehansi; U onhile, kutani u tshovile swipfalo ta tona; Hosi ya yena ni vafumi va yena va le matikweni; nawu a wa ha ri kona; Na vona vaprofeta va yena a va kumi ku bvumbha ka Yehovha.

2 TIKRONIKA 32:33

Hezekiya a etlela ni vatata wa yena, kutani va n'wi lahla endhawini leyi tlakukeke, exikarhi ka masirha ya vana va Davhida; hinkwavo va Yuda ni vaaki va Yerusalema, va n'wi dzunisa loko a file; kutani Manase, n'wana wa yena, a fuma ematshan'weni ya yena.

2 TIKRONIKA 28:27

Akazi a etlela ni vatata wa yena, kutani va n'wi lahla emutini, eYerusalema, hikuva a va n'wi nghenisanga emasirheni ya tihosi ta Israele. Kutani Hezekiya, n'wana wa yena, a fuma ematshan'weni ya yena.

2 TIKRONIKA 21:20

A a ri wa malembe ya 32 loko a sungula ku fuma, kutani a fuma malembe ya ntlhanu na manharhu eYerusalema. A fa, va nga twi ku vaviseka, kutani va n'wi lahla emutini wa Davhida, kambe ku nga ri emasirheni ya tihosi.

Daniele 3:9

va vulavula, va ku eka hosi Nebukadnetsara: “Hosi, hanya hilaha ku nga heriki!

Pisalema 102:14

Hikuva malandza ya wena ma rhandza maribye ya Siyoni, Ma rhandzisisa ni ntshuri wa yena.

Levhitika 26:31

Ndzi ta onha miti ya n'wina, ma va marhumbi ndzi hlanhla vukwetsimelo bya n'wina; ndzi nga ka ndzi nga nun'hweteli mirhi ya risuna ya mihlengo ya n'wina.

2 TIHOSI 25:8

Hi n'hweti ya vuntlhanu, hi siku ra ntlhanu na mambirhi ra n'hweti (a ri ri lembe ra 19 ra ku fuma ka Nebukadnetsara, hosi ya Babilona) Nebuzaradani, ndhuna ya valanguteri, nandza wa hosi ya Babilona, a nghena eYerusalema.

2 TIKRONIKA 36:19

Va hisa yindlu ya Xikwembu, va mbundzuxa rirhangu ra Yerusalema, va hisa tindlu hinkwato ta vuhosi, va onha swilo hinkwaswo swa risima.

Nehemiya 2:13

Ndzi huma nivusiku hi nyangwa ya Nkova, ndzi languta tlhelo ra xihlovo xa Dragona, ni tlhelo ra nyangwa ya Vulongo, ndzi languta rirhangu ra Yerusalema, hilaha ri mbundzuxiweke hakona, ni timbanti ta kona hilaha ti tshameke ti tshwile.

Yeremiya 52:12

Hi n'hweti ya vuntlhanu hi siku ra khume ra n'hweti (a ri ri lembe ra 19 ra ku fuma ka Nebukadnetsara, hosi ya Babilona), Nebuzaradani, ndhuna ya valanguteri, nandza wa hosi ya Babilona, a nghena eYerusalema.

Estere 8:6

Hikuva ndzi nga tiyisa ku yini matimba ku vona ku biha loku nga ta wela ehenhla ka vanhu va rikwerhu xana? Kumbe ndzi nga tiyisa ku yini matimba ku languta ku dlayiwa ka varikwerhu xana?”

Pisalema 38:7

Hikuva xifungha xa mina xi tshwa hi ndzilo, Ku hanya a ku kona enyameni ya mina.

Pisalema 102:15

Hi laha matiko hinkwawo ma nga ta chava vito ra Yehovha, Ni tihosi hinkwato ta misava ti chava ku kwetsima ka wena.