Nehemiya 2:20 - Xitsonga (Bibele)

²⁰ Ndzi va hlamula ndzi ku eka vona: “Xikwembu xa matilo, hi xona xi nga ta hi pfuna hina, malandza ya xona, hi ta pfuka hi aka. Loko mi ri n'wina, a mi na ku averiwa, ni loko yi ri mfanelo, hambi xitsundzuxo eYerusalema.”

BIBELE Mahungu Lamanene

²⁰ Mina ndzi va hlamurile ndzi ku: “Xikwembu xa matilo, xi ta endla leswaku hi humelela entirhweni wa hina. Hina, hi malandza ya xona, kutani ntirho wo aka, hi ta wu sungula. Loko mi ri n'wina, a mi na nchumu laha Yerusalema, naswona a mi na fanelo ya ku va laha, ni ndzhaka mi hava.”

Nehemiya 2:20 Referans Kwoze

Timhaka 8:21

A ku na ku averiwa ni ku pambuleriwa emhakeni leyi, hikuva mbilu ya wena a yi lulamanga emahlweni ka Xikwembu.

Ezra 4:3

Kambe Zerubabele na Yexuwa, ni tihosana tin'wana ta vatatana va Israele va ku eka vona: “Mi nga ka mi nga akeli Yehovha, Xikwembu xa hina yindlu swin'we na hina; hi ta akelela Yehovha, Xikwembu xa Israele, hi ri sweru, hilaha hi lerisiweke hakona hi hosi Korexe, hosi ya Peresi.”

Nehemiya 2:4

Kutani hosi yi ku eka mina: “U kombela yini ka mina-ke?” Kutani ndzi khongela Xikwembu xa le matilweni,

Timhaka 10:31

‘Korneliyo, mikhongelo ya wena yi yingisiwile, ni ku hanana ka wena ku fikile emahlweni ka Xikwembu xi va xitsundzuxo eka xona.

Pisalema 35:27

A va yimbelele, a va tsake lava rhandzaka ku lulama ka mina, A va vule hi masiku: “A ku vongiwe Yehovha! La rhandzaka ku rhula ka nandza wa yena!”

Esaya 56:5

ndzi ta va nyika endlwini ya mina ni le rihlampfini ra mina vutshamo ni vito leri nga ta tlula ra vafana ni vanhwana; ndzi ta va nyika vito leri nga heriki leri nga hlanguriwiki.

Eklesiasta 7:18

Swi sasekile loko u tamela lexi, na rona voko ra wena ri nga tshuki ri fularhela lexiya, hikuva la chavaka Xikwembu u huma emakhombyeni hinkwawo.

Pisalema 51:18

Katekisa Siyoni hi nsovo wa wena, Akisa rirhangu ra Yerusalema!

Pisalema 20:5

Hi ta ba mikulungwana hikwalaho ka ku hlayiseka ka wena, Kutani hi tlakusa mujeko hi vito ra Xikwembu xa hina; Yehovha u ta ku nyika hinkwaswo leswi u swi kombelaka.

Timhaka 10:4

Yena loko a yi langutile, a tshuka hi ku chava, a ku: “Ku ni yini, Hosi?” Yi ku eka yena: “Mikhongelo ni ku hanana ka wena swi tlhandlukele emahlweni ka Xikwembu swi va switsundzuko eka xona.

Zakariya 6:14

Loko yi ri harhi, yi ta vekiwa endlwini ya Yehovha, xi va xitsundzuxo xa Heleme, ni xa Tobiya, ni xa Yedaya, ni xa Heni n'wana Sofoniya.

Pisalema 122:6

Kombelani ku rhula ka Yerusalema! Lava ku rhandzaka, a va tshame eku rhuleni!

Estere 4:11

“Malandza hinkwawo ya hosi ni vanhu va matiko ya hosi, va tiva leswaku munhu, kumbe wanuna, kumbe wansati, loko a nghena eka hosi erivaleni ra le xikarhi a nga vitaniwanga, nawu wu kona lowu nga hundzukiki lowu lerisaka leswaku a dlayiwa loko ku nga ri loko hosi yi nga n'wi yimisela nhonga ya yona ya vuhosi, ya nsuku, leswaku a hanya; kasi mina a ndzi si vitaniwa leswaku ndzi nghena eka hosi hi masiku ya makume manharhu.”

2 TIKRONIKA 26:5

A chivirika ku lava Xikwembu eku hanyeni ka Zakariya, munhu la nga twisisa swivono swa Xikwembu; emasikwini hinkwawo lawa a laveke Yehovha ha wona, Xikwembu xi n'wi katekisa.

Tinhlayo 10:10

Emasikwini ya ku tsaka ka n'wina, ni le mikhubyeni ya n'wina, ni le ku sunguleni ka tin'hweti, mi ta yimba tinanga mi ri karhi mi humesa tiholokosta, ni magandzelo ya n'wina ya ku khensa, swi ta va xitsundzuxo emahlweni ka Xikwembu xa n'wina. Hi mina Yehovha, Xikwembu xa n'wina.”

Eksoda 28:29

Kutakuloko Aroni a nghena exikwetsimisweni, u ta rhwala mavito ya vana va Israele exifuveni xa yena hi nguvu ya xifuva ya ku avanyisa, leswaku xi va xitsundzuxo lexi nga heriki emahlweni ka Yehovha.

Levhitika 24:7

U ta veka ehenhla ka rixaxa rin'wana ni rin'wana murhi wa risuna, xi va xitsundzuxo ehenhla ka swinkwa, yi nga nyiko leyi hisiwaka emahlweni ka Yehovha.

Levhitika 2:2

U ta swi yisa eka vaprista, vana va Aroni; kutani va ta teka xandla xa mapa layo saseka, lama cheriweke mafurha, ni mirhi ya risuna hinkwayo; kutani muprista u ta swi hisa ealitarini kukotisa xitsundzuxo, yi va mhamba leyi hisiwaka leyi nga ni risuna eka Yehovha.

Nehemiya 1:4

Kuteloko ndzi twile timhaka leti, ndzi tshama ehansi, ndzi rila, ndzi va enkosini hi masiku layo talanyana, kambe ndzi titsona swakudya, ndzi khongela emahlweni ka Xikwembu xa le matilweni,

Pisalema 102:17

U ta yingisela ku khongela ka xisiwana, A nga ka a nga nyenyi ku khongela ka yena.