Nehemiya 13:25 - Xitsonga (Bibele)

²⁵ Kutani ndzi va holovela, ndzi va rhukana, ndzi va ni van'wana, ndzi va hluva misisi, ndzi va hlambanyela hi Xikwembu, ndzi ku: “Mi nga nyika vana va n'wina eka vana va vona, mi nga teki vana va vona, na n'wina mi nga tekelani na vona.

BIBELE Mahungu Lamanene

²⁵ Kutani ndzi va holovela ni ku va rhuketela, ndzi tlhela ndzi va ba, ndzi va kokakoka hi misisi, ndzi va sindzisa ku tiboha hi ku hlambanya hi vito ra Xikwembu, ndzi ku: “Mi nga pfumeli leswaku vana va n'wina va xisati va tekiwa hi vamatiko, naswona mi nga pfumeli leswaku vana va n'wina va xinuna va teka vasati exikarhi ka vona, hambi a ri n'wina mi nga titekeli vasati exikarhi ka vanhu lava.

Nehemiya 13:25 Referans Kwoze

Nehemiya 13:17

Ndzi holovela vakulu va Yuda ndzi ku eka vona: “Ku biha loko mi ku endlaka hi ku yini, loko mi nyamisa siku ra Savata-ke?

Ezra 10:5

Kavaloko Ezra a yima a hlambanyisa tihosana ta vaprista, ni ta Valevhi, ni ta Vaisraele, hinkwavo leswaku va endla hi marito walawo kutani va hlambanya.

Duteronoma 7:3

U nga tshuki u va ni ku tekana na vona; u nga tshuki u nyika vanhwanyana va wena eka vana va vona; kambe u nga tshuki u tekela vana va wena vanhwanyana va vona,

Nehemiya 13:11

kutani ndzi holovela tihosana, ndzi ku: “Yindlu ya Xikwembu mi yi fularhele yini xana?” Ndzi tlhela ndzi va hlengeleta ndzi va tlherisela emitirhweni ya vona.

Esaya 50:6

ndzi nyiketile nhlana wa mina eka lava nga ndzi ba, ni marhama ya mina eka lava nga ndzi hluvelela malebvu; a ndzi fihlanga mombo wa mina loko va ndzi rhuketela, ni loko va ndzi tshwutela hi marhi emahlweni.

Swivuriso 28:4

Lava nga vuriki nchumu hi milawu va dzunisa lavo biha, Kambe lava yi hlayisaka va lwa na vona.

Pisalema 15:4

Emahlweni ka yena munhu la solekaka u fanele ku cukumetiwa, Kambe u chava vanhu lava chavaka Yehovha. Loko a hlambanyile, a nga hundzuki, hambi a nga onhakeriwa.

Nehemiya 5:13

Ndzi phumunha tinguvu ta mina, ndzi ku: “Xikwembu a xi phumunhise sweswo ehandle ka yindlu ya yena, ni mitirho ya yena, munhu un'wana ni un'wana la nga hlayisiki marito lawa, a a phumunhisiwe; sweswo, a halatiwa.” Kutani nhlengeletano hinkwayo yi ku: “E, hi swona!” Kutani va dzunisa Yehovha, kambe tiko ri endla hi marito walawo.

Ezra 7:26

Mani na mani la nga endliki hi milawu ya Xikwembu xa wena, ni milawu ya tihosi, a a avanyisiwe, kumbe hi ku dlawa, kumbe a hlongoriwa, kumbe ku dyiwa swilo swa yena kumbe a nghenisiwa ekhotsweni.”

Duteronoma 6:13

“U ta chava Yehovha, Xikwembu xa wena, u xi tirhela, ni ku hlambanya hi vito ra xona.

Eksoda 34:16

kutani u vutela vana va wena vanhwanyana va vona, kutani vanhwanyana va vona va hambukisa vana va wena, leswaku va landzela swikwembu swa vona.

Yoxuwa 23:12

“Hikuva loko mi tlhelela endzhaku, ni loko mi namarhela leswi saleke swa matiko lawa lama tshameke exikarhi ka n'wina, ni loko mi tekelana vavasati na vona, kutani mi hlangana na vona, na vona va hlangana na n'wina,

2 TIHOSI 2:24

Yena a hundzuluka, a va vona, a va rhukana hi vito ra Yehovha. Kutani tibere timbirhi ti huma exihlahleni, ti handzulela varisanyana va mune wa makume na vambirhi exikarhi ka vona.

Nehemiya 13:24

vana va vona a va vulavula hi ririmi ra Vaaxidodo kambe a swi nga hetiseki a va nga tivi ku vulavula hi ririmi ra Vayuda, va vulavula hi ririmi ra matiko man'wana hambi man'wanyana.

Pisalema 119:53

Ndzi khomiwa hi nhlamalo wa vukari Loko ndzi vona lavo biha va tshika nawu wa wena.

Nehemiya 5:6

Kuteloko ndzi twa ku hehla kuloku, ni marito walawo, ndzi kariha ngopfu.