Nehemiya 13:15 - Xitsonga (Bibele)

¹⁵ Enkarhini wolowo ndzi vona vanhu va kandziya exikhuvutelweni hi Savata, etikweni ra Yuda, ni lava chochaka tinyandza ekaya, va rhwexile timbhongolo, ti rhwele vhinyo, ni mihandzu ya vhinya, ni makuwa, ni mitirho yin'wana ya tinxaka, va neha eYerusalema, hi siku ra Savata; kutani ndzi va holovela hi siku rolero va xavisaka swakudya ha rona.

BIBELE Mahungu Lamanene

¹⁵ Enkarhini wolowo ndzi kumile na vanhu va ri karhi va pyaxetela vhinya hi siku ra Savata; van'wana a va hlengeleta tinhulu ta mavele va rhwexa timbhongolo; a va ti rhwexa ni vhinyo, ni mihandzu ya vhinya, ni ya makuwa, ni swin'wana leswi lavaka ku rhwariwa. Swilo leswi a va swi yisa emutini wa Yerusalema. Vanhu lava ndzi va tsundzuxile leswaku va nga tshuki va xavisa swakudya hi siku ra Savata.

Nehemiya 13:15 Referans Kwoze

Nehemiya 10:31

kambe hi ku: “Loko va ri vanhu va tiko lava tisaka xuma ni swakudya swa tinxaka hinkwato hi siku ra Savata ku xavisa ha swona, hi nga ka hi nga xavi eka vona hi siku ra Savata, hambi ma ri masiku man'wana lama hlawuriweke; kambe hi ta va ni ku tshunxa hi lembe ra ntlhanu na mambirhi, hi ta tshikela un'wana ni un'wana milandzu ya yena.

Nehemiya 13:21

Ndzi va holovela, ndzi ku eka vona: “Mi vundzela yini vusiku ehandle ka rirhangu-ke? Loko mi tlhela mi engeta, ndzi ta mi khoma.” Ku sukela enkarhini wolowo, a va ha tanga hi Savata.

Eksoda 34:21

“U ta tirha hi masiku ya ntlhanu na rin'we, kutani u wisa hi siku ra ntlhanu na mambirhi; u ta wisisa sweswo, hambi ku ri loko ku rimiwa, hambiloko ku tshoveriwa.

Esaya 58:13

“Loko u khoma nenge wa wena leswaku u nga tluri nawu wa Savata, hi ku ka u nga endli swa wena hi siku lero ra mina lero kwetsima, loko u vula leswaku siku ra Savata hi kona ku tsaka ka wena, ni leswaku lexi kwetsimeleke Yehovha xi fanekeriwa hi xichavo; loko u ri hlawula hi ku ka u nga fambi hi tindlela ta wena, hi ku ka u nga endli ku rhandza ka wena, u nga vuri timhaka ta swahava,

Ezekiele 20:13

Kambe va yindlu ya Israele va hundzukile mananga eka mina; a va fambangi hi ku lerisa ka mina, va cukumete milawu ya mina leyi munhu la endlaka ha yona a nga hanyaka ha yona, va nyamise ngopfu Tisavata ta mina, kutani ndzi ku ndzi ta chela vukari bya mina ehenhla ka vona emananga ku va heta.

Yeremiya 17:27

Kambe loko mi nga ndzi yingisi, loko ndzi mi lerisa ku hlayisa siku ra Savata, ni ku ka mi nga rhwari mirhwalo, ni ku ka mi nga yi nghenisi hi tinyangwa ta Yerusalema, hi siku ra Savata, ndzi ta tshivela ndzilo etinyangweni ta muti, leswaku wu ta hisa tindlu ta tihosi ta Yerusalema, kambe wu nga ka wu nga timiwi.” ’ ”

Yeremiya 17:24

Kungakuloko mi ndzi yingisa swinene, ku vula Yehovha, kutani mi nga fambisi mirhwalo hi tinyangwa ta muti lowo hi siku ra Savata, kambe mi hlawula siku ra Savata, mi nga endli ntirho ni wun'we hi siku rero,

Duteronoma 8:19

“Kungakuloko u rivala Yehovha, Xikwembu xa wena, kutani u landza swikwembu swin'wana ku swi gandzela, ni ku khinsama emahlweni ka swona, ndza tiyisa mhaka namuntlha emahlweni ka n'wina leswaku mi ta lova kunene.

Eksoda 35:2

Ku ta tirhiwa masiku ya ntlhanu na rin'we, kambe siku ra ntlhanu na mambirhi, ri ta va leri hlawuriweke, i Savata leyi hlawuleriweke Yehovha. Mani na mani la tirhaka ntirho hi siku lero, u ta dlawa.

Nehemiya 9:29

U va khongoterile ku tlhelela emilawini ya wena, kambe va tialele ku yingisa milawu ya wena, va dyohele ku lerisa ka wena loku munhu a nga ta hanya hakona loko a endla hakona; va humesile khatla leri alaka joko, va nonon'hwisa tinhamu ta vona, va nga yingisi nchumu.

1 Vatesalonika 4:6

Munhu a nga tshuki a kandziyela makwavo, hambi ku ri ku n'wi dya, ni ku n'wi kanganyisa emhakeni, ni loko yi ri yin'we hikuva Hosi i murihiseri wa swilo hinkwaswo leswo tano, kukota leswi hi tshamaka hi mi byela khale hi ku vurisa loku tiyeke.

Vaefesa 4:17

Lexi ndzi xi vulaka, ni lexi ndzi xi tiyisaka eHosini, hileswaku mi nga tshuki ma ha famba kukotisa vahedeni lava fambaka hi miehleketo ya hava ya vona,

Vagalatiya 5:3

Ndza tiyisa, ndzi ri eka munhu un'wana ni un'wana la yimbaka, leswaku u ni mfanelo ya ku heta nawu hinkwawo.

Timhaka 20:21

ndzi ri karhi ndzi vula eka Vayuda ni ka Vagriki, vumbhoni bya ku hundzukela eka Xikwembu, ni ku pfumela eka Yesu Kriste, Hosi ya hina.

Timhaka 2:40

Kutani a tiyisa vumbhoni bya yena hi marito man'wana layo tala, a va khongotela, a ku: “Tiponiseni erixakeni leri ra ku homboloka.”

Mikiya 6:3

Tiko ranga, ndzi endle yini eka wena? Xana ndzi ku pfukile ha yini?

Yeremiya 42:19

Yehovha u mi byerile, n'wina masalela ya Yuda, u ri: ‘Mi nga yi eEgipta,’ mi titivela leswaku ndza mi alela kona namuntlha.

Pisalema 50:7

“Yingisa, tiko ranga, ndzi ta vulavula, Yingisa, Israele, ndzi ta vula vumbhoni exikarhi ka wena. Hi mina Xikwembu, Xikwembu xa wena.

2 TIKRONIKA 24:19

Yehovha a rhuma exikarhi ka vona vaprofeta lava va layaka ku va tlherisela eka yena; kambe a va va yingisanga.

Nehemiya 13:16

Ni va Tiri lava akeke eYerusalema, a va tisa tinhlampfi ni mitirho yin'wana ya tinxaka, va xavisa swona hi Savata eka vana va Yuda ni le Yerusalema.

Swivuriso 28:4

Lava nga vuriki nchumu hi milawu va dzunisa lavo biha, Kambe lava yi hlayisaka va lwa na vona.

Amosi 8:5

Ni Savata yi ta hundza rini, hi ta pfula swivuya, hi ta hunguta mpimo, hi kurisa nxavo, hi hoxisa xikalo hi ku kanganyisa?

Eksoda 31:12

Yehovha a vulavula na Muxe, a ku:

Eksoda 31:16

Vana va Israele va ta hlayisa Savata, va ri hlawula etinxakeni hinkwato ta vona, wu va ntwanano wa masiku hinkwawo.

Nehemiya 10:32

“Kambe hi tivekela milawu, hi tiboha leswaku hi ta humesela yindlu ya Xikwembu xa hina ku avanyisa ka vunharhu ka xikele, hi lembe rin'wana ni rin'wana,

Ntirho 39:12

Xana u ta yi tshemba leswaku yi tleketlela mavele ya wena ekaya? Yi ma hlengeleta exivuyeni xa wena xana?