Nehemiya 12:43 - Xitsonga (Bibele)

⁴³ Siku rero Vaisraele va tlhava magandzelo lamakulu va tsaka, hikuva Xikwembu a xi va tsakisile hi ku tsaka lokukulu; swi tsandza ni vavasati ni vana a va tsaka; ku tsaka ka Yerusalema, ku twakala kule.

BIBELE Mahungu Lamanene

⁴³ Kutani siku rero vanhu va humesa magandzelo layo tala, va tsaka swinene hikuva Xikwembu a xi va nyikile ntsako lowukulu. Vavasati ni vana, na vona a va tsakile swinene. Huwa ya ntsako lowu a wu ri kona eYerusalema a yi fika ekule swinene.

Nehemiya 12:43 Referans Kwoze

Ezra 3:13

kutani exikarhi ka tiko a ku nga ri na munhu la tivaka ku hlawula mpfumawulo wa ku huwelela ka ku tsaka eka mpfumawulo wa lava rilaka va tiko; hikuva tiko a ri endla pongo lerikulu, leri mpfumawulo wa rona wu nga twala ekule.

Pisalema 92:4

Hikuva wa ndzi tsakisa hi mitirho ya wena, Yehovha! Ndzi va ndzi huvela hi ku tsaka mitirho ya mavoko ya wena.

Yeremiya 31:13

Hilaha vanhwanyana va nga ta tsakisisa eku cineni, ni majaha ni swikoxa swin'we; ndzi ta hundzula tingana ta vona ku tsaka, ndzi va chavelela, ndzi va tsakisa ematshan'weni ya ku vaviseka ka vona.

Yakobo 5:13

Un'wana exikarhi ka n'wina loko a ri enhlomulweni, a a khongele; loko a tsakile a a yimbelele tinsimu;

Vaefesa 5:19

mi khongotelana hi tipisalema, ni tinsimu, ni ku yimbelela swa Moya, mi yimbelelela Hosi mi vuvutela etimbilwini ta n'wina;

Yohane 16:22

Na n'wina ma vaviseka sweswi, kambe ndzi ta tlhela ndzi mi vona, timbilu ta n'wina ti ta tsaka, kutani a ku na munhu la nga ta mi tekela ku tsaka ka n'wina.

Matewu 21:15

Kambe vaprista lavakulu ni vatsari, loko va vona mahlori lawa a ma endlaka, na vona vana va huwelelaka etempeleni, va ku: “Hosana eka N'wana Davhida, va hlundzuka ngopfu,”

Matewu 21:9

Kambe mitshungu leyi n'wi rhangeleke emahlweni, ni leyi n'wi landzelaka endzhaku, va bongosa, va ku: “Hosanna (hileswaku, wanga ponisa), eka N'wana Davhida! A ku khensiwe la taka hi vito ra Hosi! Hosanna ematilweni ya le henhla ka tilo.”

Yeremiya 33:11

ku ta yingisiwa kona rito ro tsaka, ni rito ra mitsako, ni rito ra muteki, ni rito ra mutekiwa, ni rito ra lava nge: Khensani Yehovha wa mavandla, hikuva Yehovha hi lonene, hikuva tintswalo ta yena hi leti nga heriki! ‘Ku ri loko va neha ku khensa ka vona endlwini ya Yehovha.’ Hikuva ndzi ta vuyisela lava khomiweke va le tikweni leri, va ta kotisa emikarhini yo rhanga, ku vula Yehovha.

Esaya 61:3

ku tisela lava rilaka eSiyoni, ni ku va rhwexa harhi ya vuhosi ematshan'weni ya nkuma, mafurha ya ku tsaka ematshan'weni ya nkosi, ni nguvu ya nkhuvo ematshan'weni ya moya lowu tsaneke, leswaku va ta vuriwa mikuhlu ya ku lulama, leyi nga byariwa hi Yehovha ku n'wi dzunisa.

Pisalema 28:7

Yehovha i matimba ya mina ni xitlhangu xa mina; Mbilu ya mina yi titshembele yena kutani ndzi pfunekile; Mbilu ya mina yi tsakile hikwalaho, Kutani ndzi n'wi twarisa hi tinsimu ta mina.

Pisalema 27:6

Sweswi, nhloko ya mina yi ta ungamela valala lava ndzi rhendzeleke; Kambe ndzi ta humesa magandzelo va ku tsaka eTabernakeleni ya yena, Ndzi ta yimbelela, ndzi va ndzi twarisa Yehovha.

Ntirho 34:29

Loko xi va humesela ku rhula, i mani la nga endlaka dzolonga xana? Loko xi fihla mombo wa xona, i mani la nga ta xi vona? Xi fuma matiko ni vanhu hi mukhuva wun'we,

2 TIKRONIKA 20:27

Kutani va Yuda hinkwavo ni va Yerusalema, va tlhela va muka eYerusalema hi ku tsaka, Yoxafati a ri emahlweni ka vona; hikuva Yehovha u va tsakisile hi ku va ponisa eka valala va vona.

2 TIKRONIKA 20:13

Hinkwavo va Yuda a va yimile emahlweni ka Yehovha, hambi va ri vana va vona lavatsongo, ni vasati va vona, ni vana va vona va xinuna.

2 TIKRONIKA 7:10

Hi siku ra makume mambirhi na manharhu ra n'hweti ya ntlhanu na timbirhi, Solomoni a tlherisa tiko emitsongeni ya rona, va tsakile etimbilwini ta vona, hikuva Yehovha a a katekisile Davhida na Solomoni, na Israele, tiko ra yena.

1 SAMIELE 4:5

Kakuloko areka ya ntwanano wa Yehovha yi nghena emixaxeni, Vaisraele hinkwavo va ba huwa leyikulu ngopfu, misava yi ko yi tsekatseka.

Tinhlayo 10:10

Emasikwini ya ku tsaka ka n'wina, ni le mikhubyeni ya n'wina, ni le ku sunguleni ka tin'hweti, mi ta yimba tinanga mi ri karhi mi humesa tiholokosta, ni magandzelo ya n'wina ya ku khensa, swi ta va xitsundzuxo emahlweni ka Xikwembu xa n'wina. Hi mina Yehovha, Xikwembu xa n'wina.”

Nehemiya 12:42

Maaseya, Xemaya, Eliyazara, Uzi, Yohanani, Malikiya, Elamu, na Ezere, vayimbeleri va yimbelela, va fambisiwa hi Yizirahiya.

Pisalema 9:2

Ndzi ta tsaka, ndzi titsakela ha wena; Ndzi ta yimbelela vito ra wena la nge henhlahenhla.

Nehemiya 12:27

Enkarhini wa ku khangula rirhangu ra Yerusalema, Valevhi va vitaniwa emitini hinkwayo ya vona, va ku va ta eYerusalema, va ta khangula rirhangu hi ku tsaka, ni tinsimu, ni ku yimbelela hi swiphambati, ni magubu, ni tiharipa.